നിയമന ഉത്തരവ് വിതരണം

തൃശൂർ: ജില്ലാ പഞ്ചായത്ത് നൈപുണ്യ വികസന പദ്ധതിയുടെ ഭാഗമായി പട്ടികവർഗ വികസന വകുപ്പ് തലശ്ശേരി എൻ.ടി.ടി.എഫുമായി സഹകരിച്ച് പട്ടികവർഗ വിഭാഗ വിദ്യാർത്ഥികൾക്കായി നടപ്പിലാക്കിയ സ്‌കിൽ ട്രെയിനിംഗ് കോഴ്‌സ് വിജയകരമായി പൂർത്തീകരിച്ചവർക്ക് നിയമന ഉത്തരവ് വിതരണം ചെയ്തു. പത്ത് മാസം ദൈർഘ്യമുള്ള സി.എൻ.സി മെഷിനിസ്റ്റ് കോഴ്‌സ് പൂർത്തീകരിച്ച എട്ട് വിദ്യാർത്ഥികൾക്കാണ് നിയമന ഉത്തരവ് ലഭിച്ചത്. എയ്‌റോ സ്‌പേസ് കോംപണന്റ് നിർമ്മാണ മേഖലയിലെ അരുൾപ്രഭ (കോയമ്പത്തൂർ), ടോപ് ഫ്‌ളൈറ്റ് (മൈസൂർ), ടൂളിംഗ് മേഖലയിലെ പ്രാഹ ടൂൾസ് (കോയമ്പത്തൂർ) തുടങ്ങിയ പ്രമുഖ സ്ഥാപനങ്ങളിലാണ് ഇവർക്ക് നിയമനം ലഭിച്ചത്. ജില്ലാ പഞ്ചായത്ത് പ്രസിഡന്റ് മേരി തോമസ് നിയമന ഉത്തരവ് കൈമാറി. വൈസ് പ്രസിഡന്റ് ടി.കെ.സുധീഷ് അദ്ധ്യക്ഷനായി. എം.ശശി, സെക്രട്ടറി ടോബി തോമസ്, വി.എം.സരസ്വതി, വികാസ് പലേരി, പി.എസ്.വിനയൻ തുടങ്ങിയവർ പങ്കെടുത്തു.