എ- വൺ സ്റ്റീൽസ് ഇന്ത്യ ഓഹരി വില്പന

കൊച്ചി: മുൻനിര ഉരുക്ക് ഉത്പാദന കമ്പനികളിലൊന്നായ എ-വൺ സ്റ്റീൽസ് ഇന്ത്യ ലിമിറ്റഡ് പ്രാഥമിക ഓഹരി വില്പനയ്ക്ക് (ഐ.പി.ഒ) അനുമതി തേടി സെബിയ്ക്ക് കരടുരേഖ (ഡി.ആർ.എച്ച്.പി) സമർപ്പിച്ചു. പത്ത് രൂപ മുഖവിലയുള്ള ഓഹരികളുടെ വില്പനയിലൂടെ 650 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്. 600 കോടി രൂപയുടെ പുതിയ ഇക്വിറ്റി ഓഹരികളും നിലവിലുള്ള ഓഹരി ഉടമകളുടെ 50 കോടി രൂപയുടെ ഇക്വിറ്റി ഓഹരികളുടെ ഓഫർ ഫോർ സെയിലുമാണ് ഐ.പി.ഒയിൽ ഉൾപ്പെടുത്തിയിരിക്കുന്നത്. ഓഹരികൾ എൻ.എസ്.ഇയിലും ബി.എസ്.ഇയിലും ലിസ്റ്റ് ചെയ്യും.