മുത്തൂറ്റ് മൈക്രോഫിന്നിന് ഇ-കെ.വൈ.സി ലൈസൻസ്

കൊച്ചി: ഉപഭോക്താക്കളെ ചേർക്കുന്നതിനായി ആധാർ സജ്ജമായ ഇ-കെ.വൈ.സി ചെയ്യുന്നതിന് പ്രമുഖ മൈക്രോ ഫിനാൻസ് സ്ഥാപനമായ മുത്തൂറ്റ് മൈക്രോഫിന്നിന്‍ അനുമതി ലഭിച്ചു. ഇതോടെ സമ്പൂർണ ഡിജിറ്റൽ ഇ-കെ.വൈ.സി പ്രക്രിയ നടപ്പാക്കാൻ മുത്തൂറ്റ് മൈക്രോഫിന്നിന് കഴിയും. ഇന്ത്യയിലുടനീളമുള്ള ഗ്രാമീണ വനിതാ സംരംഭകർക്കും ജോയിന്റ്-ലെൻഡിംഗ് ഗ്രൂപ്പുകൾക്കും (ജെ.എൽ.ജി) മറ്റ് പിന്നാക്ക സമൂഹങ്ങൾക്കും തടസമില്ലാതെയും പേപ്പർ രഹിതവുമായ ഓൺ ബോർഡിംഗ് ഇതോടെ സാദ്ധ്യമാകും. മുത്തൂറ്റ് മൈക്രോഫിൻ പ്രവർത്തിക്കുന്ന എല്ലാ സംസ്ഥാനങ്ങളിലും ഇ-കെ.വൈ.സി പദ്ധതി നടപ്പാക്കും.

ഉപഭോക്താക്കൾക്ക് ഡിജിറ്റലായി ഓൺ ബോർഡ് ചെയ്യാനും മൈക്രോലോണുകളും ഇൻഷ്വറൻസും ഉൾപ്പെടെയുള്ള വിവിധ സാമ്പത്തിക സേവനങ്ങൾ നേടാനും സാമ്പത്തിക സ്വയംപര്യാപ്തത കൈവരിക്കാനും കഴിയുമെന്ന് മുത്തൂറ്റ് മൈക്രോഫിൻ സി.ഇ.ഒ സദാഫ് സയീദ് പറഞ്ഞു.