ഉത്തർപ്രദേശ് സി.എസ്.ആർ റൗണ്ട് ടേബിളിൽ മലബാർ ഗോൾഡ് പങ്കാളിത്തം

കൊച്ചി: ഉത്തർപ്രദേശ് സർക്കാറിന്റെ ബേസിക് ആൻഡ് സെക്കൻഡറി എജ്യുക്കേഷൻ ഡിപ്പാർട്ട്മെന്റും ഇൻവെസ്റ്റ് യു.പി സി.എസ്.ആർ ഫെസിലിറ്റേഷൻ സെല്ലും സംയുക്തമായി സംഘടിപ്പിച്ച 'ഉത്തർപ്രദേശ് സി.എസ്.ആർ റൗണ്ട് ടേബിൾ ഫ്യൂച്ചർ-റെഡി എജ്യുക്കേഷൻ' സമ്മേളനത്തിൽ മലബാർ ഗോൾഡ് പങ്കാളികളായി. ചടങ്ങിൽ ഉത്തർപ്രദേശ് അടിസ്ഥാന വിദ്യാഭ്യാസ മന്ത്രി സന്ദീപ് സിംഗ് മുഖ്യാതിഥിയായി.

വിദ്യാഭ്യാസ മേഖലയുടെ കാര്യക്ഷമത വർദ്ധിപ്പിക്കാനും വൈദഗ്ദ്ധ്യ പരിശീലനത്തിനും പദ്ധതി ശ്രദ്ധ കേന്ദ്രീകരിക്കും.

മലബാർ ഗ്രൂപ്പ് സി.എസ്.ആർ ഹെഡ് പി.കെ. ഷബീർ , മലബാർ ഗോൾഡ് നോർത്ത് റീജിയണൽ ഹെഡ് എൻ.കെ. ജിഷാദ് എന്നിവർ പങ്കെടുത്തു. വിദ്യാഭ്യാസ മേഖലയിൽ സാമ്പത്തികമായി പിന്നാക്കം നിൽക്കുന്ന വിഭാഗങ്ങളിലെ കുട്ടികൾക്കായി മലബാർ ഗ്രൂപ്പ് നടപ്പാക്കുന്ന 'മൈക്രോ ലേണിംഗ് സെന്ററുകൾ', സ്‌കോളർഷിപ്പ് പദ്ധതികൾ എന്നിവയ്ക്കുള്ള അംഗീകാരമാണിത്.