ജോസ് ആലുക്കാസ് ‘സീസൺ ഒഫ് ഡയമണ്ട്സ്’ കാമ്പെയ്ൻ

ചെന്നൈ: ഇന്ത്യയിൽ ഗുണനിലവാരം, നൂതനത്വം, ട്രെൻഡി ആഭരണങ്ങളുടെ പ്രമുഖരായ ജോസ് ആലുക്കാസ് ജൂലൈ 31 വരെ വജ്രമേളയായ ‘സീസൺ ഒഫ് ഡയമണ്ട്സ്’ ഓഫർ ആരംഭിച്ചു. ഉയർന്ന നിലവാരത്തിൽ സൂക്ഷ്‌മമായി രൂപകൽപ്പന ചെയ്‌തതും അന്താരാഷ്ട്ര അംഗീകാരമുള്ള ലബോറട്ടറികൾ സാക്ഷ്യപ്പെടുത്തിയതുമായ പ്രകൃതിദത്ത വജ്രാഭരണങ്ങളുടെ ലോകോത്തര ശേഖരം പ്രദർശിപ്പിക്കുന്നതാണ് വജ്രമേള. ഉപഭോക്താക്കൾക്ക് അതിമനോഹരമായി രൂപകൽപ്പന ചെയ്‌ത നെക്‌ലേസുകൾ, സ്റ്റേറ്റ്‌മെന്റ് കമ്മലുകൾ, കമനീയമായ ബ്രൈഡൽ സെറ്റുകൾ, എല്ലാ സ്റ്റൈലിനും അവസരത്തിനും അനുയോജ്യമായ മറ്റ് ഇഷ്ടാനുസൃത സൃഷ്ടികൾ എന്നിവ ഉൾക്കൊള്ളുന്ന ജോസ് ആലുക്കാസിന്റെ സമകാലിക ഡിസൈനുകളുടെ ഒരു സവിശേഷ ശ്രേണിയിൽ നിന്നും തിരഞ്ഞെടുക്കാമെന്ന് മാനേജിംഗ് ഡയറക്ടർ പോൾ ആലുക്കാസ് പറഞ്ഞു,

ആഭരണപ്രേമികൾക്കും ശേഖരിക്കുന്നവർക്കും സവിശേഷമായ സൃഷ്‌ടികൾ വാഗ്‌ദാനം ചെയ്യുന്ന വ്യത്യസ്‌തവും കലാപരമായി നിർമ്മിച്ചതുമായ ആഭരണങ്ങളുടെ ഒരു ശേഖരം ഈ പ്രദർശനത്തിന്റെ സവിശേഷതയാണ്. ഉപഭോക്താക്കൾക്ക് അവരുടെ വ്യക്തിഗത ശൈലിക്കും മുൻഗണനകൾക്കും അനുസൃതമായി ആഭരണങ്ങൾ സൃഷ്ടിക്കുന്നതിനുള്ള കസ്റ്റമൈസേഷൻ സേവനങ്ങളും പ്രയോജനപ്പെടുത്താം.