യുപിഐ ഇടപാടുകളിൽ തളർച്ച

കൊച്ചി: മർച്ചന്റ് ഡിസ്‌കൗണ്ട് റേറ്റ്(എം.ഡി.ആർ) നടപ്പാകുന്നതിന് മുന്നോടിയായി ഇന്ത്യയിലെ യുണിഫൈഡ് പേയ്‌മെന്റ് ഇന്റർഫേസ്(യു.പി.ഐ) ഇടപാടുകളിൽ ഇടിവ് ദൃശ്യമായി. സെപ്തംബറിൽ യു.പി.ഐ ഇടപാടുകൾ 1.8 ശതമാനം കുറഞ്ഞ് 2,407 കോടിയായി. ആഗസ്റ്റിൽ 2,451 കോടി ഇടപാടുകളാണ് നടന്നത്. അതേസമയം ഇടപാടുകളുടെ മൊത്തം മൂല്യം 1.5 ശതമാനം ഉയർന്ന് 29.47 ലക്ഷം കോടി രൂപയായി. എം.ഡി.ആർ ഏർപ്പെടുത്തുന്നതിനെ കുറിച്ച് വ്യാപാരികൾക്കിടെയിലുള്ള ആശങ്കയുടെ സൂചനയാണിതെന്ന് ബാങ്കിംഗ് മേഖലയിലുള്ളവർ പറയുന്നു.