കശ്മീരിലെ സോപോറിൽ ഭീകരരും സൈന്യവും തമ്മിൽ ഏറ്റമുട്ടൽ

ശ്രീനഗർ: കശ്മീരിലെ സോപോറിൽ ഭീകരരും സുരക്ഷ ഉദ്യോഗസ്ഥരും തമ്മിൽ ഏറ്റുമുട്ടൽ. പ്രദേശത്ത് പരിശോധന നടത്തുകയായിരുന്ന സൈന്യത്തിന് നേരെ ഭീകരർ വെടിയുതിർക്കുകയായിരുന്നു. ആർക്കും പരിക്കേറ്റതായി റിപ്പോർട്ടില്ല. 22 രാഷ്ട്രീയ റൈഫിൾസ്, സെൻട്രൽ റിസർവ് പൊലീസ് ഫോഴ്സിന്റെ (സി.ആർ.പി.എഫ്) 179-ാം ബറ്റാലിയൻ, ജമ്മു കശ്മീർ പൊലീസ് എന്നിവരടങ്ങുന്ന സംഘം തിരച്ചിൽ നടത്തുന്നതിനിടെയാണ് ഏറ്റുമുട്ടൽ നടന്നത്. ഏറ്റുമുട്ടൽ ഇപ്പോഴും തുടരുകയാണെന്ന് ദേശീയ മാദ്ധ്യമങ്ങൾ റിപ്പോർട്ട് ചെയ്തു.