നീറ്റ് ചോദ്യപേപ്പർ ചോർന്നിട്ടില്ലെന്ന് എൻ.ടി.എ

ന്യൂഡൽഹി: നീറ്റ് പുനഃപരീക്ഷാ ചോദ്യപേപ്പർ ചോർന്നുവെന്ന വാർത്ത വ്യാജമെന്ന് നാഷണൽ ടെസ്റ്റിംഗ് ഏജൻസി (എൻ.ടി.എ) അറിയിച്ചു. പരീക്ഷയ്‌ക്ക് മുൻപ് ചോദ്യപേപ്പർ പായ്‌ക്കറ്റ് പൊട്ടിക്കുന്ന വീഡിയോ സമൂഹമാദ്ധ്യമങ്ങളിൽ പ്രചരിച്ചിരുന്നു. ഈ വീഡിയോ വ്യാജമാണെന്നും വ്യക്തമാക്കി.

 19കാരി ജീവനൊടുക്കി

ഇന്നലെ നടന്ന നീറ്റ് പുനഃപരീക്ഷ എഴുതേണ്ടിയിരുന്ന 19കാരി ആത്മഹത്യ ചെയ്‌തു. ഹരിയാന ഹിസാർ ധനിഖാൻ ബഹാദൂർ ഗ്രാമത്തിലെ സിമ്രാൻ ആണ് മരിച്ചത്. കീടനാശിനി ഉള്ളിൽ ചെന്നാണ് മരണം. ഇന്നലെ രാവിലെ 11ന് പരീക്ഷാ കേന്ദ്രത്തിലേക്ക് പോകാൻ തയ്യാറെടുക്കുന്നതിനിടെയാണ് ജീവനൊടുക്കിയത്.