അഫ്‌ഗാനിസ്ഥാനെ ഒരു ഇന്നിംഗ്‌സിനും 300 റൺസിനും വീഴ്‌ത്തി ഇന്ത്യ; ടെസ്റ്റ് ചരിത്രത്തിലെ ഏറ്റവും വലിയ വിജയം

മുള്ളൻപുർ: അഫ്ഗാനിസ്ഥാനെതിരായ ഏകടെസ്റ്റിൽ ഇന്ത്യക്ക് കൂറ്റൻ വിജയം. ഒരു ഇന്നിംഗ്‌സിനും 300 റൺസിനുമാണ് അഫ്‌ഗാനെ ഇന്ത്യ വീഴ്‌ത്തിയത്. ഒന്നാം ഇന്നിംഗ്‌സിൽ 412 റൺസ് ലീഡ് വഴങ്ങിയ അഫ്‌ഗാനിസ്ഥാൻ രണ്ടാം ഇന്നിംഗ്‌സിൽ 112 റൺസിന് ഓൾഔട്ടാവുകയായിരുന്നു. വാഷിംഗ്‌‌ടൺ സുന്ദർ നാല് വിക്കറ്റും കുൽദീപ് യാദവ് മൂന്ന് വിക്കറ്റും വീഴ്‌ത്തി. മാനവ് സുതാർ, മുഹമ്മദ് സിറാജ് ഓരോ വിക്കറ്റും വീഴ്‌ത്തിയാണ് അഫ്‌ഗാനെ പുറത്താക്കിയത്. ഇന്ത്യയുടെ ഇതുവരെയുള്ള ഏറ്റവും വലിയ ടെസ്റ്റ് വിജയമാണ് ഇന്ന് നേടിയത്.

2018ൽ രാജ്കോട്ടിൽ നടന്ന മത്സരത്തിൽ ഒരു ഇന്നിംഗ്‌സും 272 റൺസും നേടി വെസ്റ്റിൻഡീസിനെ തറപറ്റിച്ച റെക്കാഡാണ് മറികടന്നത്. മൂന്നാം ദിവസം 15 വിക്കറ്റുകൾ വീഴ്ത്തിയ മികച്ച ബൗളിംഗ് പ്രകടനമാണ് ഇന്ത്യയുടെ ചരിത്ര വിജയത്തിന് വഴിയൊരുക്കിയത്. ആദ്യ ഇന്നിംഗ്സിൽ ഇന്ത്യ അഫ്ഗാനിസ്ഥാനെ 152 റൺസിന് പുറത്താക്കി. തുടർന്ന് ഫോളോ-ഓൺ നിർദ്ദേശിച്ച ശേഷം രണ്ടാം ഇന്നിംഗ്സ് അനായാസം അവസാനിപ്പിച്ചു. അരങ്ങേറ്റക്കാരനായ ഇടംകൈയ്യൻ സ്പിന്നർ മാനവ് സുതാർ ആദ്യ ഇന്നിംഗ്സിൽ ആറ് വിക്കറ്റ് വീഴ്ത്തി. വാഷിംഗ്ടൺ സുന്ദറും കുൽദീപ് യാദവും രണ്ടാം ഇന്നിംഗ്സിൽ ഏഴ് വിക്കറ്റ് വീതം പങ്കിട്ടു. അഫ്ഗാനിസ്ഥാൻ 113/5 എന്ന നിലയിൽ ഇന്നിം‌ഗ്‌സ് പുനരാരംഭിച്ചെങ്കിലും മികച്ച പ്രകടനം കാഴ്‌ചവയ്ക്കാൻ കഴിഞ്ഞില്ല.

പ്രസിദ്ധ് കൃഷ്ണ അസ്മത്തുള്ള ഒമർസായിയെ നേരത്തെതന്നെ പുറത്താക്കി. സുത്താർ ഷറഫുദ്ദീൻ അഷ്‌റഫിനെ (11) പുറത്താക്കി. 135 പന്തിൽ നിന്ന് 60 റൺസ് നേടിയ റഹ്മത്ത് ഷായുടെ പ്രതിരോധം അവസാനിപ്പിച്ചു. ടെസ്റ്റ് അരങ്ങേറ്റത്തിൽ അഞ്ച് വിക്കറ്റ് നേട്ടം കൈവരിക്കുകയും ചെയ്തു. പിന്നീട് മുഹമ്മദ് സലീം സഫിയെ ലെഗ്-ബിഫോറിൽ വീഴ്ത്തി. പിന്നാലെ സിയാഉർ റഹ്മാൻ ഷെരീഫിയുടെ വിക്കറ്റ് വീഴ്ത്തി ഇന്നിംഗ്സ് അവസാനിപ്പിക്കുകയായിരുന്നു.

1988ൽ ചെന്നൈയിൽ വെസ്റ്റ് ഇൻഡീസിനെതിരെ നരേന്ദ്ര ഹിർവാനി നേടിയ 8/61 എന്ന റെക്കാഡിന് ശേഷം ടെസ്റ്റ് അരങ്ങേറ്റത്തിൽ ഒരു ഇന്ത്യൻ ബൗളറുടെ ഏറ്റവും മികച്ച രണ്ടാമത്തെ പ്രകടനമാണ് സുതാറിന്റേത്. തന്റെ കന്നി ടെസ്റ്റ് മത്സരത്തിൽ അഞ്ച് വിക്കറ്റ് നേട്ടം കൈവരിക്കുന്ന പത്താമത്തെ ഇന്ത്യൻ ബൗളറും ഏഴാമത്തെ ഇന്ത്യൻ സ്പിന്നറുമാണ് താരം. അഫ്ഗാനിസ്ഥാൻ വീണ്ടും ബാറ്റ് ചെയ്യാൻ ഇറങ്ങിയതോടെ ഇന്ത്യ മത്സരത്തിൽ പിടിമുറുക്കി. വാഷിംഗ്ടൺ സുന്ദറും കുൽദീപ് യാദവും ഏഴ് വിക്കറ്റുകൾ പങ്കിട്ടു.