വാട്ട് എ കം ബാക്ക് ബാഴ്സ

77-ാം മിനിട്ടുവരെ 2-4ന് പിന്നിട്ടുനിന്നശേഷം 5-4ന് ബാഴ്സയുടെ ജയം

ലണ്ടൻ : യുവേഫ ചാമ്പ്യൻസ് ലീഗ് ഫുട്ബാളിന്റെ പ്രാഥമിക റൗണ്ടി​ൽ കഴിഞ്ഞ രാത്രി നടന്ന മത്സരത്തിൽ ബാഴ്സലോണ പോർച്ചുഗീസ് ക്ളബ് ബെൻഫിക്കയെ 5-4ന് കീഴടക്കി. 77-ാം മിനിട്ടുവരെ 2-4ന് പിന്നിട്ടുനിന്നശേഷമായിരുന്നു ബാഴ്സയുടെ ജയം. 2,22,30 മിനിട്ടുകളിലായി പ്ളാവിഡിസിലൂടെ മുന്നിലെത്തിയ ബെൻഫിക്കയ്ക്ക് 68-ാം മിനിട്ടിൽ ഔറേജയിലൂടെ ബാഴ്സ ഒരു സെൽഫ് ഗോളും സമ്മാനിച്ചു .13.78 മിനിട്ടുകളിൽ പെനാൽറ്റിയിലൂടെ റോബർട്ട് ലെവാൻഡോവ്സ്കി,64,90+6 മിനിട്ടുകളിൽ റഫീഞ്ഞ, 86-ാം മിനിട്ടിൽ എറിക് ഗാർഷ്യ എന്നിവരാണ് ബാഴ്സയ്ക്ക് വേണ്ടി സ്കോർ ചെയ്തത്. ഏഴ് കളികളിൽ നിന്ന് 18 പോയിന്റുമായി ബാഴ്സ രണ്ടാം സ്ഥാനത്താണ്.

ലിവർപൂളിന് ഏഴാം ജയം

യുവേഫ ചാമ്പ്യൻസ് ലീഗ് ഫുട്ബാളിന്റെ പ്രാഥമിക റൗണ്ടി​ലെ ഏഴാം മത്സരത്തിലും വിജയം നേടി ഇംഗ്ളീഷ് ക്ളബ് ലിവർപൂൾ. കഴിഞ്ഞരാത്രി നടന്ന മത്സരത്തിൽ ഫ്രഞ്ച് ക്ളബ് ലിലെയെ 2-1നാണ് ലിവർപൂൾ തോൽപ്പിച്ചത്. 34-ാം മിനിട്ടിൽ മുഹമ്മദ് സലായും 67-ാം മിനിട്ടിൽ ഹാർവി എലിയട്ടുമാണ് ലിവർപൂളിനായി ഗോളുകൾ നേടിയത്.62-ാം മിനിട്ടിൽ ജൊനാഥൻ ഡേവിഡാണ് ലിലെയുടെ ആശ്വാസ ഗോൾ നേടിയത്. 17 മത്സരങ്ങളിൽ നിന്ന് 21 പോയിന്റുമായി ലിവർപൂൾ പട്ടികയിൽ ഒന്നാമതാണ്. സീസണിൽ ഇതുവരെയുള്ള ഏഴു മത്സരങ്ങളും ജയിച്ച ഏകടീമാണ് ലിവർപൂൾ.