പൊലീസ് അത്‌ലറ്റിക്സ് ആൻഡ് ഗെയിംസ് ഇന്നു മുതൽ

തിരുവനന്തപുരം: 47ാമത് പൊലീസ് സ്റ്റേറ്റ് അത്‌ലറ്റികസ് ആൻഡ് ഗെയിംസ് മീറ്റിന് തിരുവനന്തപുരത്ത് ഇന്ന് തുടക്കമാവും. 10ന് സമാപിക്കും. ചന്ദ്രശേഖരൻ നായർ സ്റ്റേഡിയം, യൂണിവേഴ്സിറ്റി സ്റ്റേഡിയം എന്നിവയാണ് വേദികൾ. 8ന് വൈകിട്ട് 4.30ന് ചന്ദ്രശേഖരൻ നായർ സ്റ്റേഡിയത്തിൽ ആഭ്യന്തര മന്ത്രി രമേശ് ചെന്നിത്തല ഉദ്ഘാടനം ചെയ്യും.

ഗെയിംസ് ഇനങ്ങളിൽ ഫുട്ബോൾ മലപ്പുറത്തും വോളിബോൾ പത്തനംതിട്ടയിലും ബാസ്ക്കറ്റ് ബോൾ തൃശൂരിലും ക്രിക്കറ്റ് കൊച്ചിയിലും പവർ ലിഫ്റ്റിംഗ്, വെയ്റ്റ് ലിഫ്റ്റിംഗ് എന്നിവ കോഴിക്കോട്ടും നടത്തും. കബഡി കൊല്ലത്തും ബാഡ്മിന്റൺ പാലക്കാട്ടും ബോഡി ബിൽഡിംഗ് ഇടുക്കിയിലും നീന്തൽ പൊലീസ് അക്കാഡമിയിലുമാണ് നടത്തുക. പൊലീസിലെ ദേശീയ, അന്താരാഷ്ട്ര താരങ്ങളടക്കം രണ്ടായിരത്തോളം പേർ പങ്കെടുക്കും.

10ന് വൈകിട്ട് അഞ്ചിന് നടക്കുന്ന സമാപന ചടങ്ങിൽ മുഖ്യമന്ത്രി വി.ഡി സതീശൻ വിശിഷ്ടാതിഥിയാവും. പുരസ്കാര ദാനവും അദ്ദേഹം നടത്തും.