പി.എസ്.ജി ആറാടി തുടങ്ങി, ബാഴ്‌സയ്ക്ക് ഫൈവ്സ്റ്റാർ സ്റ്റാർട്ട്

പാരീസ് : യൂറോപ്യൻ ചാമ്പ്യൻസ് ലീഗിന്റെ പുതിയ സീസണിൽ നിലവിലെ ചാമ്പ്യന്മാരായ പി.എസ്.ജി ഗോളടി മേളത്തോടെ തുടങ്ങി. മുൻ ചാമ്പ്യൻമാരായ ബാഴ്‌സലോണയ്ക്കും ആദ്യ മത്സരത്തിൽ ഗംഭീരം ജയം നേടാനായി.

പി. എസ്. ജി സ്വന്തം മൈതാനത്ത് സ്ലൊവേനിയൻ ക്ലബായ സ്ലോവൻ ബ്രാറ്റിസ്ലാവയ്ക് എതിരെ 6-1 ന്റെ വമ്പൻ ജയമാണ് നേടിയത്. ബാഴ്‌സയിൽ നിന്ന് ഈ സീസണിലെത്തിയ ഫെറാൻ ടോറസ് ഹാട്രിക്കുമായി പി. എസ്.ജിയുടെ വിജയത്തിന് പ്രധാന പങ്കുവഹിച്ചു. ഔസ്മനെ ഡെംബലെ ഇരട്ട ഗോളുകളുമായി കളം നിറഞ്ഞപ്പോൾ ഫാബിയാൻ റൂയിസ് 88-ാം മിനിട്ടിൽ വലകുലുക്കി പി . എസ്.ജിയുടെ ഗോൾ പട്ടിക പൂർത്തിയാക്കി.സുലൈമാൻ കമാറയാണ് സ്ലോവന്റെ ആശ്വാസ ഗോൾ നേടിയത്.

സ്പാനിഷ് ചാമ്പ്യന്മാരായ ബാഴ്‌സലോണ സ്വന്തം മൈതാനത്ത് ഡച്ച് ക്ലബ് ഫെയനൂർദിനെ 5-1നാണ് കീഴടക്കിയത്. മികച്ച ഫോം തുടരുന്ന റഫീഞ്ഞ ഇരട്ട ഗോളുമായി ഫെയനൂുർദിനെതിരെയും ബാഴ്‌സയുടെ മുന്നണിപ്പോരാളിയായി. യുവവിസ്‌മയം ലമീൻ യമാൽ ഒന്നു വീതം ഗോളും അസിസ്റ്റുമായി കളം നിറഞ്ഞു. കരീം അഡേയാമി, പുത്തൻ സൈനിംഗ് ഗബ്രിയേൽ ജീസസ് എന്നിവരു ഓരോ ഗോൾ വീതം നേടി. സെം സ്റ്റൈയിജനാണ് 82-ാം മിനിട്ടിൽ സന്ദർശകരുടെ ആശ്വാസ ഗോൾ നേടിയത്. നേരത്തേ ഫെയനൂർദിന് വാർ പരിശോധനയിൽ ഒരു ഗോൾ നിഷേധിക്കപ്പെട്ടിരുന്നു.

സ്റ്റുഗാർട്ട് 3-1ന് വൈക്കിംഗിനേയും സ്‌പോർട്ടിംഗ് ഇതേ സ്കോറിന് ഗലത്സരെയേയും തോൽപ്പിച്ചു.

ഇടറാതെ ഇംഗ്ലീഷ് ക്ലബുകൾ

ഇംഗ്ലീഷ് ക്ലബുകളായ ലിവർപൂളും ആഴ്‌സനലും തങ്ങളുടെ ആദ്യ മത്സരങ്ങളിൽ ജയിച്ചു കയറി.

ആരാധകർ ആകാംഷയോടെ കാത്തിരുന്ന ഗ്ലാമർ പോരാട്ടത്തിൽ സ്പാനിഷ് സൂപ്പർ ടീം അത്‌ലറ്റിക്കോ മാഡ്രിഡിനെ 2-1നാണ് ലിവർപൂൾ കീഴടക്കിയത്.

ഒരു ഗോളിന് പിന്നിൽ നിന്ന ശേഷമാണ് രണ്ട് ഗോൾ തിരിച്ചടിച്ച് ലിവർ ജയം നേടിയത്.

17-ാം മിനിട്ടിൽ മാർകോസ് ലോറെന്റെയിലൂടെ അത്‌ലറ്റിക്കോ ലീഡെഡുത്തു. എന്നാൽ 40-ാം മിനിട്ടചിൽ ഡൊമിനിക് ഷോബോസ്ലായിയും 50-ാം മിനിട്ടിൽ അലക്‌സിസ് മക് അലിസ്റ്ററും നേടിയ ഗോളുകളിലൂടെ ലിവർ കളിപിടിക്കുകയായിരുന്നു.

ആഴ്‌സനൽ മാർട്ടിൻ ഒഡേഗാർഡ് 75-ാം മിനിട്ടിൽ നേടിയ ഗോളിൽ ഇറ്റാലിയൻ ക്ലബ് നാപ്പൊളിയെയാണ് തോൽപ്പിച്ചത് (1-0).