ലോസ് ആഞ്ചലസിൽ വീണ്ടും കാട്ടുതീ

വാഷിംഗ്ടൺ: യു.എസിലെ ലോസ് ആഞ്ചലസിന് വടക്ക് വീണ്ടും കാട്ടുതീ. ബുധനാഴ്ച തുടങ്ങിയ കാട്ടുതീ 10,000 ഏക്കറിലേറെ പ്രദേശത്തേക്ക് വ്യാപിച്ചു. ആളപായമോ കാര്യമായ നാശനഷ്ടമോ ഇല്ല. കാസ്‌റ്റെയ്‌ക് ലേക്ക് മേഖലയിൽ 31,000 പേർ ഒഴിയണമെന്ന് നിർദ്ദേശം നൽകി.

അതേ സമയം, ഈ മാസം 7 മുതൽ വിവിധ മേഖലകളിലുണ്ടായ കാട്ടുതീ ലോസ് ആഞ്ചലസിലെ 48,250 ഏക്കർ പ്രദേശമാണ് നശിപ്പിച്ചത്. 28 പേർ കൊല്ലപ്പെട്ടു. ഇതിൽ പസഫിക് പാലിസേഡ്സിലും ആൾട്ടഡീന, പാസഡീന മേഖലകളിലും കാട്ടുതീ പൂർണമായി ഇല്ലാതാക്കാൻ കഴിഞ്ഞിട്ടില്ല.