ഇന്ത്യ‌യ്‌ക്കും ചൈനയ്‌ക്കും താരിഫ് ചുമത്തും: ട്രംപ്

വാഷിംഗ്ടൺ : ഇന്ത്യ, ചൈന തുടങ്ങിയ രാജ്യങ്ങളിൽ നിന്ന് യു.എസിലേക്കുള്ള ഇറക്കുമതിക്ക് 'പരസ്പര താരിഫ്" (റെസിപ്രോക്കൽ താരിഫ് ) ഉടൻ ഏർപ്പെടുത്തുമെന്ന് യു.എസ് പ്രസിഡന്റ് ഡൊണാൾഡ് ട്രംപ്. യു.എസ് ഉത്പന്നങ്ങൾക്ക് ഉയർന്ന താരിഫ് ചുമത്തുന്ന രാജ്യങ്ങൾക്ക് അതേ നിരക്കിലെ താരിഫ് തിരിച്ച് ചുമത്തുന്നതാണ് പരസ്പര താരിഫ് സംവിധാനത്തിലൂടെ ലക്ഷ്യമിടുന്നത്. ഇന്ത്യ യു.എസ് ഉത്പന്നങ്ങൾക്ക് ഉയർന്ന താരിഫ് ചുമത്തുന്നെന്ന് ട്രംപ് നിരവധി തവണ അഭിപ്രായപ്പെട്ടിരുന്നു.