മാർപാപ്പയുടെ ആരോഗ്യ നിലയിൽ നേരിയ പുരോഗതി

റോം: ഡബിൾ ന്യുമോണിയയും ബ്രാങ്കൈറ്റിസ് ബാധയെ തുടർന്നും ചികിത്സയിൽ കഴിയുന്ന ഫ്രാ​ൻ​സി​സ് മാ​ർ​പാ​പ്പ​യു​ടെ ആ​രോ​ഗ്യ നി​ല​യി​ൽ നേ​രി​യ പു​രോ​ഗ​തിയെന്ന് വത്തിക്കാൻ. രാത്രി മുഴുവൻ പോപ്പ് സുഖമായി വിശ്രമിച്ചതായും വൃക്കയിലെ പ്രശ്നങ്ങളിലും ആശങ്കയില്ലെന്നും ഓക്സിജൻ തെറാപ്പി തുടരുന്നുണ്ടെന്നും അധികൃതർ അറിയിച്ചു. രാവിലെ കുർബാന സ്വീകരിച്ച മാർപാപ്പ, ഉച്ചയ്ക്ക് ശേഷം ജോലികൾ പുനരാരംഭിച്ചു. എ​ങ്കി​ലും മാ​ർ​പാ​പ്പ​യു​ടെ പ്രാ​യം, ദു​ർ​ബ​ല​മാ​യ ആ​രോ​ഗ്യം,ശ്വാ​സ​കോ​ശ അ​സു​ഖ​ങ്ങ​ൾ എ​ന്നി​വ കാ​ര​ണം ഡോ​ക്ട​ർ​മാ​ർ അ​ദ്ദേ​ഹ​ത്തി​ന്റെ അ​വ​സ്ഥ​യി​ൽ ആ​ശ​ങ്ക പ്ര​ക​ടി​പ്പി​ച്ചി​രി​ക്കു​ക​യാ​ണ്. ശ്വാസകോശ സംബന്ധമായ അസുഖത്തെ തുടർന്ന് കഴിഞ്ഞ 14നാണ് മാർപാപ്പയെ റോമിലെ ജെമെല്ലി ആശുപത്രിയിൽ പ്രവേശിപ്പിച്ചത്. മാർപാപ്പയ്ക്ക് വേണ്ടിയുള്ള പ്രാർത്ഥനകൾ തുടരുകയാണ്.തനിക്ക് വേണ്ടി പ്രാർത്ഥനകളിൽ ഏർപ്പെട്ടവർക്ക് ഫ്രാൻസിസ് മാർപ്പാപ്പ നന്ദി അറിയിച്ചതായും വത്തിക്കാൻ വക്താവ് വിശദമാക്കി. രണ്ട് ശ്വാസകോശങ്ങളിലും ന്യൂമോണിയ ബാധിച്ച പോപ്പിന് ആന്റിബയോട്ടിക് ചികിത്സ തുടരുകയാണ്. ശ്വാസകോശ അണുബാധയിൽ കുറവുണ്ടായതായി ചികിത്സക്കിടെ വത്തിക്കാൻ നേരത്തെ അറിയിച്ചിരുന്നു.