മ്യാൻമർ ഭൂകമ്പം: മരണം 2000 കടന്നു

നെയ്‌പിഡോ: മ്യാൻമർ - തായ്ലൻഡ് ഭൂകമ്പത്തിൽ മരണം 2000 കടന്നു. മ്യാൻമറിൽ മാത്രം 2,056 മരണം സ്ഥിരീകരിച്ചു. മ​ര​ണ​സം​ഖ്യ 10,000​ ​വ​രെ​ ​​ ​ഉ​യ​ർ​ന്നേ​ക്കുമെന്ന് ​യു.​എ​സ് ​ജി​യോ​ള​ജി​ക്ക​ൽ​ ​സ​ർ​വീ​സ് റിപ്പോർട്ട് ചെയ്തു. 3,900 പേ​ർ​ക്ക് ​പ​രി​ക്കേ​റ്റു.​ 270​ലേ​റെ​ ​പേ​രെ​ ​കാ​ണാ​താ​യി. നാല് ദിവസത്തിനുശേഷവും കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ​ ​കു​ടു​ങ്ങി​യ​വ​ർ​ക്കാ​യി​ ​തെ​ര​ച്ചി​ൽ ഊർജ്ജിതമാക്കിയിട്ടുണ്ട്. ഇ​ന്ത്യ​യി​ൽ​ ​നി​ന്നു​ള്ള​ ​ര​ക്ഷാ​ദൗ​ത്യ​സം​ഘ​ങ്ങളുൾപ്പെടെ തെരച്ചിലിൽ തുടരുകയാണ്.

മ്യാൻമറിലെ മണ്ഡലൈ നഗരത്തിൽ തകർന്ന കെട്ടിടത്തിനടിയിൽ നിന്ന് ഗർഭിണിയും പെൺകുട്ടിയും ഉൾപ്പെടെ നാല് പേരെ രക്ഷപ്പെടുത്തി. സർക്കാർ ഒരാഴ്ചത്തെ ദുഃഖാചരണം പ്രഖ്യാപിച്ചു. അതേസമയം, മ്യാൻമർ സൈന്യം ഗ്രാമങ്ങളിൽ ഇപ്പോഴും വ്യോമാക്രമണം നടത്തുന്നുണ്ടെന്ന് വിമത സംഘം പറഞ്ഞു. പ​ട്ടാ​ള​ ​ഭ​ര​ണ​കൂ​ട​ത്തി​നെ​തി​രെ​യു​ള്ള​ ​പോ​രാ​ട്ടം​ ​ര​ണ്ടാ​ഴ്ച​ത്തേ​ക്ക് ​നി​റു​ത്തി​വ​യ്ക്കു​ക​യാ​ണെ​ന്ന് ​മ്യാ​ൻ​മ​റി​ലെ​ ​ജ​നാ​ധി​പ​ത്യ​ ​അ​നു​കൂ​ല​ ​സേ​ന​ക​ൾ​ ​അ​റി​യി​ച്ചു.​ ​ഭൂ​ക​മ്പ​മു​ണ്ടാ​യി​ട്ടും​ ​പ​ട്ടാ​ളം​ ​വി​മ​ത​ർ​ക്കെ​തി​രെ​ ​വ്യോ​മാ​ക്ര​മ​ണം​ ​ന​ട​ത്തി​യ​ത് ​വി​മ​ർ​ശ​ന​ത്തി​ന് ​ഇ​ട​യാ​ക്കി​യി​രു​ന്നു.​ ഷാ​ൻ​ ​സം​സ്ഥാ​ന​ത്ത് ​വെ​ള്ളി​യാ​ഴ്ച​ ​ഭൂ​ക​മ്പ​മു​ണ്ടാ​യി​ ​മൂ​ന്നു​ ​മ​ണി​ക്കൂ​റി​നു​ള്ളി​ലു​ണ്ടാ​യ​ ​വ്യോ​മാ​ക്ര​മ​ണ​ത്തി​ൽ​ 7​ ​പേ​രാണ്​ ​കൊ​ല്ല​പ്പെ​ട്ടത്.

താ​യ്‌​‌​ല​ൻ​ഡി​ൽ​ ​മ​ര​ണം​ 19​ ​ആ​യി.​ ​ബാ​ങ്കോ​ക്കി​ൽ​ ​ത​ക​ർ​ന്ന​ 30​ ​നി​ല​ ​കെ​ട്ടി​ട​ത്തി​ന്റെ​ ​അ​വ​ശി​ഷ്ട​ങ്ങ​ൾ​ക്കി​ട​യി​ൽ​ കുടുങ്ങിയ 70ഓളം തൊഴിലാളികൾക്കായി ഡ്രോ​ൺ,​ റോ​ബോ​ട്ട് ​എ​ന്നി​വ​ ​ഉ​പ​യോ​ഗി​ച്ചുള്ള​ ​തെ​ര​ച്ചി​ൽ​ ​തു​ട​രു​കയാണ്. സ്കാനിംഗ് മെഷീനുകളും സ്നിഫർ നായ്ക്കളും സ്ഥലത്ത് വിന്യസിച്ചിട്ടുണ്ട്. അതിനിടെ,തായ്‌ലൻഡ് പ്രധാനമന്ത്രി പെയ്‌ടോംഗ്ടാൺ ഷിനവത്ര ഭൂകമ്പം വിലയിരുത്താൻ ഉന്നതതല യോഗവും ചേർന്നു.

ഭൂ​ക​മ്പ​ത്തെ​തു​ട​ർ​ന്ന് ​ദു​ര​ന്ത​ഭൂ​മി​യാ​യി​ ​മാ​റി​യ​ ​മ്യാ​ൻ​മ​റി​നെ​ ​ഭീ​തി​യി​ലാ​ഴ്‌​ത്തി​ ​തു​ട​ർ​ ​ച​ല​ന​ങ്ങ​ൾ.​ ​ഇ​ന്ന​ലെ​ ​ഇ​ന്ത്യ​ൻ​ ​സ​മ​യം​ ​ഉ​ച്ച​യ്ക്ക് 2.38​ന് ​മ​ണ്ഡ​ലൈ​ ​ന​ഗ​ര​ത്തി​ന് ​സ​മീ​പം​ ​റി​ക്ട​ർ​ ​സ്കെ​യി​ലി​ൽ​ 5.1​ ​തീ​വ്ര​ത​യി​ലെ​ ​ഭൂ​ച​ല​നം​ ​രേ​ഖ​പ്പെ​ടു​ത്തി.​ ​ശ​നി​യാ​ഴ്ച​ ​അ​ർ​ദ്ധ​രാ​ത്രി​യോ​ടെ​ 4.2​ ​തീ​വ്ര​ത​യി​ലെ​ ​ച​ല​ന​വും​ ​മേ​ഖ​ല​യി​ലു​ണ്ടാ​യി.​ ​എ​ന്നാ​ൽ,​ ​അ​ധി​ക​ ​നാ​ശ​ന​ഷ്ട​ങ്ങ​ൾ​ ​ഉ​ണ്ടാ​യി​ല്ല.​

ഇന്ത്യൻ സമയം വെള്ളിയ്ഴ്ച രാവിലെ 11.50നാണ് റിക്ടർ സ്കെയിലിൽ 7.7 തീവ്രതയിൽ ഭൂകമ്പമുണ്ടായത്. മ്യാൻമറിലെ മണ്ഡലൈ നഗരത്തിൽ നിന്ന് 17.2 കിലോമീറ്റർ അകലെയായിരുന്നു പ്രഭവ കേന്ദ്രം.

അടിയന്തരാവസ്ഥയെന്ന്

ലോകാരോഗ്യ സംഘടന

മ്യാൻമർ ഭൂകമ്പം അതീവ അടിയന്തരാവസ്ഥയെന്ന് ലോകാരോഗ്യ സംഘടന. അടുത്ത 30 ദിവസത്തിനുള്ളിൽ ജീവൻ രക്ഷിക്കാനും പകർച്ചവ്യാധികൾ തടയാനും 8 മില്യൺ ഡോളർ അടിയന്തരമായി ആവശ്യപ്പെട്ടിട്ടുണ്ട്. ആശയവിനിമയ സംവിധാനങ്ങൾ നിലച്ചതോടെ, ഒറ്റപ്പെട്ട സ്ഥലങ്ങളിലടക്കം രക്ഷാപ്രവ‌ർത്തനങ്ങൾ നടക്കുന്ന സാഹചര്യത്തിൽ ദുരന്തത്തിന്റെ വ്യാപ്തി പുറത്തുവരുന്നതേയുള്ളൂവെന്നും മരണസംഖ്യ ഇനിയും ഉയരാനാണ് സാദ്ധ്യയെന്നും ലോകാരോഗ്യ സംഘടന പറഞ്ഞു. മ്യാൻമറിൽ മൂന്ന് ആശുപത്രികൾ നശിച്ചതായും 22 എണ്ണം ഭാഗികമായി തകർന്നതായും ലോകാരോഗ്യ സംഘടന അറിയിച്ചു.

നാല് ചൈനക്കാർ പിടിയിൽ

തായ്‌ലാൻഡിലെ ഭൂകമ്പത്തിൽ തകർന്ന കെട്ടിത്തിലേക്ക് അനധികൃതമായി കടക്കാൻ ശ്രമിച്ച നാല് ചൈനീസ് പൗരന്മാരെ പൊലീസ് അറസ്റ്റ് ചെയ്തു. തകർന്ന കെട്ടിടത്തിന്റെ നിർമ്മാണവുമായി ബന്ധപ്പെട്ടവരാണെന്നാണ് വിവരം. നിർമ്മാണത്തിലിരുന്ന ഈ കെട്ടിടത്തിന്റെ ഉള്ളിൽ നിന്നും ഇതുമായി ബന്ധപ്പെട്ട രേഖകൾ കൈക്കലാക്കിയ ശേഷം രക്ഷപ്പെടാനായിരുന്നു ഇവരുടെ ലക്ഷ്യം. ഇവരുടെ കൈയിൽ നിന്ന് 2 പേജുകളുള്ള ഫയലുകളും ബ്ലൂപ്രിന്റും പിടിച്ചെടുത്തു. ചൈനീസ് പിന്തുണയോടെ പ്രവർത്തിക്കുന്ന കമ്പനിക്കായിരുന്നു നിർമ്മാണത്തിലിരിക്കെ തകർന്നുവീണ 30 നില കെട്ടിടത്തിന്റെ നിർമ്മാണ ചുമതല. ഇതുമായി ബന്ധപ്പെട്ട രേഖകളുമായി കടക്കാനുള്ള ശ്രമത്തിനിടെയാണ് ഇവർ പിടിയിലാകുന്നത്. 32 പേജുകളുള്ള ഒരു ഫയലാണ് ഇവർ തകര്‍ന്ന കെട്ടിടത്തിൽ നിന്ന് എടുത്തതെന്നാണ് മെട്രോപോളിറ്റൻ പൊലീസ് ബ്യൂറോ മേധാവി അറിയിച്ചത്.