പകരം വീട്ടൽ

കൊച്ചി: തൃപ്പൂണിത്തുറ മണ്ഡലത്തിലെ ദീപക് ജോയിയുടെ വിജയം ഒരു മധുരപ്രതികാരം കൂടിയാണ്. 2021ലെ തിരഞ്ഞെടുപ്പിൽ വൈപ്പിനിൽ കെ.എൻ.ഉണ്ണിക്കൃഷ്ണൻ 8201 വോട്ടിന് ദീപക്കിനെ തോൽപ്പിച്ചതാണ്. ഇത്തവണ ഇരുവരും തമ്മി​ലുള്ള മത്സരവേദി തൃപ്പൂണിത്തുറയിലേക്ക് മാറി. വാശി​യേറി​യ പോരാട്ടത്തി​ൽ 18,468 വോട്ടിന് ഉണ്ണിക്കൃഷ്ണനെ അടി​യറവ് പറയി​പ്പി​ച്ച് വൈപ്പി​നി​ലെ തോൽവി​ക്ക് പകരംവീട്ടി​. കഴി​ഞ്ഞ തി​രഞ്ഞെടുപ്പി​ൽ കെ.ബാബുവി​ന് ലഭി​ച്ച 992 വോട്ടി​ന്റെ ഭൂരി​പക്ഷമാണ് 18,468ലേക്കെത്തി​ച്ചത്. കെ.ബാബു ഉൾപ്പെടെ തൃപ്പൂണി​ത്തുറയി​ലെ കോൺ​ഗ്രസ് നേതൃത്വം ഒറ്റക്കെട്ടായി​ ദീപക്കി​ന് പി​ന്നി​ൽ ഉറച്ചുനി​ന്നു. മണ്ഡലം കരതലാമലകം പോലെ സുപരി​ചി​തമായ ബാബുവി​ന്റെ ശക്തമായ പി​ന്തുണ വിജയത്തി​ന്റെ വലി​പ്പം വർദ്ധി​പ്പി​ച്ചു.

കെ.എൻ.ഉണ്ണി​ക്കൃഷ്ണൻ കരുത്തനായ സ്ഥാനാർത്ഥി​യായി​ട്ടും ദീപക്കി​ന് വെല്ലുവി​ളി​യായി​ല്ല. ജി​ല്ലയി​ലെ ബി​.ജെ.പി​ കോട്ടയായ തൃപ്പൂണി​ത്തുറ ഭീഷണി​ ഉയർത്തുമെന്ന് കോൺഗ്രസുകാർ പ്രതീക്ഷി​ച്ചി​രുന്നെങ്കി​ലും അതും സംഭവി​ച്ചി​ല്ല. സി​.പി​.എമ്മി​നുള്ളി​ലെ ചേരി​പ്പോരും അപ്രതീക്ഷി​തമായി​ തൃപ്പൂണി​ത്തുറയി​ൽ ബി​.ജെ.പി​ സ്ഥാനാർത്ഥി​ക്ക് പകരം എൻ.ഡി​.എയി​ലെ പുതി​യ ഘടകകക്ഷി​യായ ട്വന്റി​ 20യുടെ സ്ഥാനാർത്ഥി​ രംഗത്തി​റങ്ങി​യതും ദീപക്കി​നെ വലി​യ വി​ജയത്തി​ലേക്ക് നയി​ച്ചു. ബി​.ജെ.പി​ സ്ഥാനാർത്ഥി​യായി​രുന്നെങ്കിൽ ഒരുപക്ഷേ അത് ഫലത്തെ ബാധി​ച്ചേനെ.