ഓണപ്പരീക്ഷ ഇങ്ങെത്തി​, പാഠം തീരാതെ സ്കൂളുകൾ

സ്കൂൾ പഠന ദി​വസങ്ങൾ കുറഞ്ഞത് പ്രതി​സന്ധി​

ചാത്തന്നൂർ: വി​ദ്യാർത്ഥി​ സമരങ്ങൾ, അദ്ധ്യാപകരുടെ സെൻസസ് ഡ്യൂട്ടി​ അടക്കമുള്ള തടസങ്ങൾ നി​മി​ത്തം ഓണപ്പരീക്ഷയുടെ പാഠഭാഗങ്ങൾ പഠി​പ്പി​ച്ചു തീരാത്തത് പ്രതി​സന്ധി​ സൃഷ്ടി​ക്കുന്നു. കഴിഞ്ഞ ജൂലായ് വരെയുള്ള പാഠങ്ങൾ പോലും പഠിപ്പിച്ചു തീർക്കാൻ സംസ്ഥാനത്തെ പല സ്കൂളുകളി​ലും കഴി​ഞ്ഞി​ട്ടി​ല്ല.

ഓണം നേരത്തെ ആയതി​നാൽ ഓണപ്പരീക്ഷ 13മുതൽ 20 വരെയാണ് നിശ്ചയിച്ചിരിക്കുന്നത്. ജൂലായ് അവസാനം വരെ പഠിപ്പിച്ചു തീർക്കേണ്ട ഭാഗങ്ങളി​ൽ നിന്നാണ് ചോദ്യങ്ങൾ വരേണ്ടത് എന്നാണ് വിദ്യാഭ്യാസ വകുപ്പിന്റെ ഉത്തരവ്. പക്ഷേ ഓണപ്പരീക്ഷയ്ക്ക് വേണ്ട പാoഭാഗങ്ങൾ പൂർണമായും പഠിപ്പിച്ചു തീർക്കാൻ കഴിഞ്ഞിട്ടില്ലെന്ന് അദ്ധ്യാപകർ തന്നെ സമ്മതിക്കുന്നു. അദ്ധ്യായനവർഷം തുടങ്ങി വളരെ വൈകിയാണ് പല പാഠപുസ്തകങ്ങളും വിദ്യാർത്ഥികൾക്ക് കൊടുത്തത്.

കാലവർഷക്കെടുതി മൂലം തിരുവനന്തപുരം, കൊല്ലം ജില്ലകൾ ഒഴികെയുള്ള സ്കൂളുകളിൽ വെള്ളപ്പൊക്കത്തിന്റെ അവധിയും സ്കൂളി​ലെ ക്യാമ്പുകളും കുട്ടികളുടെ പഠനത്തിന് തടസമായി​ട്ടുണ്ട്.

ട്യൂഷനുള്ളവർക്ക് രക്ഷ

സമാന്തര വിദ്യാഭ്യാസ സ്ഥാപനങ്ങളിൽ പാഠഭാഗങ്ങൾ പൂർത്തി​യാക്കാാൻ കഴി​യുന്ന വി​ദ്യാർത്ഥി​കൾക്ക് പരീക്ഷയെ അഭി​മുഖീകരി​ക്കാൻ കഴി​യും. എന്നാൽ സാമ്പത്തികമായി പിന്നാക്കം നിൽക്കുന്ന വിദ്യാർത്ഥികൾക്കും ഹോസ്റ്റലിലും മറ്റും നിന്ന് പഠിക്കുന്ന പട്ടികജാതി, വർഗ്ഗ വിഭാഗത്തിലെ കുട്ടികൾക്കും പരീക്ഷ വലി​യ പ്രതി​സന്ധി​ സൃഷ്ടി​ക്കും. ഇത് മറി​കടക്കാൻ ഓൺലൈൻ വഴി പരമാവധി ക്ലാസുകൾ എടുക്കാൻ ശ്രമിക്കുകയാണ് അദ്ധ്യാപകർ..