തടയാം ലഹരിയെ; ഉണരണം വീ​ടും വി​ദ്യാ​ല​യ​വും

ഈ അ​ദ്ധ്യ​യ​ന വർ​ഷ​ത്തി​ന്റെ തു​ട​ക്കം മു​തൽ എ​ല്ലാ​വ​രും വ​ലി​യ പ്ര​തീ​ക്ഷ​യോ​ടെ​യാ​ണ് കേ​ര​ള​സർ​ക്കാ​രി​ന്റെ പ്ര​വർ​ത്ത​ന​ങ്ങ​ളെ നോ​ക്കി​ക്കാ​ണു​ന്ന​ത്. പ്ര​ത്യേ​കി​ച്ച്, ആ​ഭ്യ​ന്ത​ര​മ​ന്ത്രി തുടക്കം കു​റി​ച്ച്, ജ​ന​ങ്ങ​ളും വി​ദ്യാ​ല​യ​ങ്ങ​ളും ഏ​റ്റെ​ടു​ത്ത് വി​ജ​യ​ക​ര​മാ​യി മു​ന്നോ​ട്ടു​പോ​കു​ന്ന 'ഓ​പ്പ​റേ​ഷൻ തൂ​ഫാൻ' എ​ന്ന ല​ഹ​രി​വി​രു​ദ്ധ പ​ദ്ധ​തി. ഇതിന് പി​ന്തു​ണ നൽ​കേ​ണ്ട​ത് ന​മ്മൾ ഓ​രോ​രു​ത്ത​രു​ടെ​യും ഉ​ത്ത​ര​വാ​ദി​ത്വ​വും ക​ട​മ​യു​മാ​ണ്.

ല​ഹ​രി ഉ​പ​യോ​ഗി​ക്കു​ന്ന​വ​രു​ടെ പ്രാ​യം ന​മ്മെ വ​ല്ലാ​തെ ഭ​യ​പ്പെ​ടു​ത്തു​ന്നു. എന്നാൽ, ക​ഴി​ഞ്ഞ നാ​ല് പ​തി​റ്റാ​ണ്ടാ​യി വി​ദ്യാ​ഭ്യാ​സ മേ​ഖ​ല​യിൽ പ്ര​വർ​ത്തി​ക്കു​ന്ന ഒ​രു വ്യ​ക്തി എ​ന്ന നി​ല​യിൽ എ​നി​ക്ക് സൂ​ചി​പ്പി​ക്കാ​നു​ള്ള​ത് മ​റ്റൊ​ന്നാ​ണ്- ല​ഹ​രി​ക്കെ​തി​രാ​യ യ​ഥാർ​ത്ഥ പോ​രാ​ട്ടം ആ​രം​ഭി​ക്കേ​ണ്ട​ത് പൊ​ലീ​സ് സ്റ്റേ​ഷ​നു​ക​ളി​ല​ല്ല, ന​മ്മു​ടെ വീ​ടു​ക​ളി​ലും ക്ലാ​സ് മു​റി​ക​ളി​ലു​മാ​ണ്. കാ​ര​ണം, ല​ഹ​രി ഉ​പ​യോ​ഗി​ക്കു​ന്ന കു​ട്ടി​യെ ക​ണ്ടെ​ത്തു​ന്ന​ത് ഒ​രു വി​ജ​യ​മ​ല്ല; അ​വൻ ആ അ​വ​സ്ഥ​യി​ലെ​ത്തു​ന്ന​തി​ന് മു​മ്പ് അ​വ​നെ തി​രി​ച്ച​റി​യു​ക​യും സം​ര​ക്ഷി​ക്കു​ക​യും ചെ​യ്യു​ന്ന​താ​ണ് യ​ഥാർ​ത്ഥ വി​ജ​യം.

ഇ​ന്ന് ല​ഹ​രി കു​ട്ടി​ക​ളി​ലേ​ക്ക് എ​ത്തു​ന്ന വ​ഴി പ​ഴ​യ​തു​പോ​ലെ​യ​ല്ല. സ്‌കൂ​ളി​ന്റെ പ​രി​സ​ര​ത്ത് ആരെങ്കി​ലും വ​ന്ന് കൈ​മാ​റു​ന്ന വ​സ്തു​വാ​യി മാ​ത്രം അ​തി​നെ കാ​ണാ​നാ​വി​ല്ല. സൗ​ഹൃ​ദ​ങ്ങൾ, സാ​മൂ​ഹി​ക​മാ​ദ്ധ്യമ​ങ്ങൾ, ഓൺ​ലൈൻ ബ​ന്ധ​ങ്ങൾ, കൗ​തു​കം, അ​നു​ക​ര​ണം, ഏ​കാ​ന്ത​ത, കു​ടും​ബ​ത്തി​ലെ അ​കൽ​ച്ച, ശി​ഥി​ല​മാ​യ കു​ടും​ബ​ജീ​വി​തം, പഠ​ന​സ​മ്മർ​ദ്ദം തു​ട​ങ്ങി പ​ല വ​ഴി​ക​ളി​ലൂ​ടെ​യും ഒ​രു കു​ട്ടി അ​പ​ക​ട​ക​ര​മാ​യ സാ​ഹ​ച​ര്യ​ങ്ങ​ളി​ലേ​ക്ക് എ​ത്താം. അ​തു​കൊ​ണ്ടു​ത​ന്നെ, ''എ​ന്റെ കു​ട്ടി ഒ​രി​ക്ക​ലും അ​ങ്ങ​നെ ചെ​യ്യി​ല്ല'' എ​ന്ന അ​മി​ത ആ​ത്മ​വി​ശ്വാ​സ​വും ''കു​ട്ടി​യെ എ​പ്പോ​ഴും സം​ശ​യി​ക്ക​ണം'' എ​ന്ന സ​മീ​പ​ന​വും ഒ​രു​പോ​ലെ അ​പ​ക​ട​ക​ര​മാ​ണ്.

കു​ട്ടി​യു​ടെ പെ​രു​മാ​റ്റ​ത്തിൽ പെ​ട്ടെ​ന്നു​ണ്ടാ​കു​ന്ന മാ​റ്റ​ങ്ങൾ, പഠ​ന​ത്തി​ലെ താത്പ​ര്യ​ക്കു​റ​വ്, പെ​ട്ടെ​ന്ന് മാർ​ക്ക് കു​റ​യു​ന്ന സാ​ഹ​ച​ര്യം, പ​ഴ​യ സു​ഹൃ​ത്തു​ക്ക​ളിൽ​നി​ന്നു​ള്ള അ​ക​ലം, പു​തി​യ​തും വി​ശ​ദീ​ക​രി​ക്കാ​നാ​കാ​ത്ത​തു​മാ​യ സൗ​ഹൃ​ദ​ങ്ങൾ, അ​മി​ത​മാ​യ സ്വ​കാ​ര്യ​ത ഇ​ഷ്ട​പ്പെ​ടൽ, അ​ച്ഛ​ന​മ്മ​മാ​രു​മാ​യി സം​സാ​ര​മി​ല്ലാ​യ്മ, ഉ​റ​ക്ക​ശീ​ല​ത്തി​ലോ ഭ​ക്ഷ​ണ​ശീ​ല​ത്തി​ലോ ഉ​ണ്ടാ​കു​ന്ന അ​പ്ര​തീ​ക്ഷി​ത മാ​റ്റ​ങ്ങൾ, പ​ണ​ത്തി​ന്റെ ആ​വ​ശ്യ​ക​ത കൂ​ടു​ന്ന​ത് തു​ട​ങ്ങി​യ കാ​ര്യ​ങ്ങൾ ഒ​ക്കെ മാ​താ​പി​താ​ക്ക​ളും അ​ദ്ധ്യാ​പ​ക​രും സൂ​ക്ഷ്മ​മാ​യി ശ്ര​ദ്ധി​ക്ക​ണം.

എ​ന്നാൽ, അ​വ​യെ​ല്ലാം ല​ഹ​രി ഉ​പ​യോ​ഗ​ത്തി​ന്റെ തെ​ളി​വു​ക​ളാ​ണെ​ന്ന് ഒ​രി​ക്ക​ലും ക​രു​ത​രു​ത്, തെ​റ്റി​ദ്ധ​രി​ക്ക​രു​ത്. ഇ​ത്ത​രം അ​വ​സ്ഥാ​വി​ശേ​ഷ​ങ്ങൾ മ​ന​സി​ലാ​ക്കി​യാൽ മ​ക​ളോ​ടും മ​ക​നോ​ടും കൂ​ടു​തൽ സം​സാ​രി​ക്കേ​ണ്ട​തി​ന്റെ സൂ​ച​ന​ക​ളാ​യി കാ​ണാൻ ക​ഴി​യ​ണം. സ്‌നേ​ഹ​പൂർ​വം സം​സാ​രി​ച്ച് കാ​ര്യ​കാ​ര​ണ​ങ്ങൾ മ​ന​സി​ലാ​ക്കി വേ​ണ്ട സാ​ന്ത്വ​ന​വും തി​രു​ത്ത​ലു​ക​ളും ചെ​യ്യാൻ അ​മാ​ന്തി​ക്ക​രു​ത്.

കു​ട്ടി തെ​റ്റാ​യ കൂ​ട്ടു​കെ​ട്ടിൽ​പ്പെ​ട്ടാൽ ഉ​ടൻ ശ​കാ​രി​ക്കു​ന്ന​തി​നു​പ​ക​രം അ​വ​ന്റെ ലോ​ക​ത്തേ​ക്ക് ക​ട​ന്നു​ചെ​ല്ല​ണം. അ​വ​ന്റെ സു​ഹൃ​ത്തു​ക്ക​ളെ അ​റി​യ​ണം. ഒ​രി​ക്ക​ലും''നി​ന്റെ കൂ​ട്ടു​കെ​ട്ടാ​ണ് ഇ​തി​നൊ​ക്കെ കാ​ര​ണം'' എ​ന്ന പ്ര​സ്താ​വ​ന​യി​ലേ​ക്കെ​ത്തു​ക​യു​മ​രു​ത്. അ​വരുടെ പ്ര​ശ്ന​ങ്ങൾ കേൾ​ക്ക​ണം. എ​ന്തി​നെ​യാ​ണ് ഭ​യ​പ്പെ​ടു​ന്ന​ത്, എ​ന്താ​ണ് ആ​ഗ്ര​ഹി​ക്കു​ന്ന​ത്, ആ​രോ​ടാ​ണ് സം​സാ​രി​ക്കു​ന്ന​ത്, എ​ന്താ​ണ് അ​വരെ സ​ന്തോ​ഷി​പ്പി​ക്കു​ന്ന​ത് എ​ന്നി​വ സ്‌നേ​ഹ​പൂർ​വമാ​യ സ​മീ​പ​ന​ത്തി​ലൂ​ടെ മ​ന​സിലാ​ക്ക​ണം.

അ​തു​പോ​ലെ ഒ​രു കു​ട്ടി​യു​ടെ സ്വ​ഭാ​വ​ത്തിൽ വ​രു​ന്ന ചെ​റി​യ മാ​റ്റ​ങ്ങൾ പോ​ലും മ​നസി​ലാ​ക്കാൻ ക​ഴി​യു​ന്ന​വ​രാ​ണ് അ​ദ്ധ്യാ​പ​കർ. അ​തു​കൊ​ണ്ട് ഓ​രോ അ​ദ്ധ്യാ​പ​ക​നും കു​ട്ടി​യു​ടെ ജീ​വി​ത​ത്തി​ലെ ഒ​രു സു​ര​ക്ഷാ​ക​വ​ചം കൂ​ടി​യാ​ക​ണം.

ല​ഹ​രി​വി​രു​ദ്ധ ക്ളാസ്

മാ​ത്രം പോ​രാ!
ല​ഹ​രി​യു​ടെ ദോ​ഷ​ങ്ങ​ളെ​ക്കു​റി​ച്ച് വർ​ഷ​ത്തിലൊരി​ക്കൽ ക്ലാ​സ് എ​ടു​ക്കു​ന്ന​തു​കൊ​ണ്ട് മാ​ത്രം കു​ട്ടി​ക​ളെ ര​ക്ഷി​ക്കാ​നാ​വി​ല്ല. അ​വർ​ക്ക് ജീ​വി​ത​ത്തെ സ്‌നേ​ഹി​ക്കാ​നു​ള്ള അ​വ​സ​ര​ങ്ങൾ നൽ​ക​ണം. കാ​യി​കം, ക​ല, സം​ഗീ​തം, വാ​യ​ന, സം​വാ​ദം, സാ​മൂ​ഹി​ക​സേ​വ​നം, നേ​തൃ​ത്വ പ്ര​വർ​ത്ത​ന​ങ്ങൾ, കു​ട്ടി​കൾ​ക്ക് ഇ​ഷ്ട​വും മാ​ന​സി​ക സ​ന്തോ​ഷ​വും സ​മാ​ധാ​ന​വും നൽ​കു​ന്ന യാ​ത്ര​കൾ, സൃ​ഷ്ടി​പ​ര​മാ​യ പ്ര​വർ​ത്ത​ന​ങ്ങൾ കു​ട്ടി​യു​ടെ സ​മ​യം അർ​ത്ഥ​പൂർണ​മാ​ക്കു​ന്ന മേ​ഖ​ല​ക​ളി​ലേ​ക്ക് അ​വ​രെ ന​യി​ക്ക​ണം.

ഒ​രു കു​ട്ടി​യെ​ക്കു​റി​ച്ച് അ​ദ്ധ്യാ​പ​കർ ഒ​രു ആ​ശ​ങ്ക ര​ക്ഷി​താ​വി​നോ​ട് പ​ങ്കു​വ​ച്ചാൽ, അ​ത് കു​ട്ടി​ക്കെ​തി​രാ​യ കു​റ്റ​പ​ത്ര​മാ​യി കാ​ണ​രു​ത്. ഒ​രു കു​ട്ടി​യു​ടെ പെ​രു​മാ​റ്റ​ത്തെ​ക്കു​റി​ച്ച് ര​ക്ഷി​താ​വി​ന് ആ​ശ​ങ്ക​യു​ണ്ടെ​ങ്കിൽ അ​ത് സ്‌കൂ​ളിൽ​നി​ന്ന് മ​റ​ച്ചു​വ​യ്ക്കു​ക​യും അ​രു​ത്. ര​ക്ഷി​താ​ക്ക​ളും അ​ദ്ധ്യാ​പ​ക​രും ത​മ്മി​ലു​ള്ള സു​ദൃ​ഢ​ബ​ന്ധ​വും പ​ര​സ്പ​ര വി​ശ്വാ​സ​വു​മാ​ണ് കു​ട്ടി​യു​ടെ ഏ​റ്റ​വും ശ​ക്ത​മാ​യ സു​ര​ക്ഷാ​ക​വ​ചം.

ല​ഹ​രി ഉ​പ​യോ​ഗ​ത്തി​ന്റെ സം​ശ​യം അ​ഥ​വാ ഉ​ണ്ടെ​ങ്കിൽ കു​ട്ടി​യെ അ​പ​മാ​നി​ക്കു​ക​യോ എ​ല്ലാ​വ​രു​ടെ​യും മു​ന്നിൽ കു​റ്റ​ക്കാ​ര​നാ​ക്കു​ക​യോ വ്യ​ക്തി​ഹ​ത്യ​യ്ക്ക് പാ​ത്ര​മാ​കു​ക​യോ ചെ​യ്യാ​തെ, ആ​വ​ശ്യ​മാ​യാൽ കൗൺ​സി​ലർ​മാ​രു​ടെ​യും വി​ദഗ്ദ്ധരു​ടെ​യും സ​ഹാ​യം തേ​ട​ണം.

ല​ഹ​രി​യിൽ അ​ക​പ്പെ​ട്ടു​പോ​യി എ​ന്ന​തുകൊ​ണ്ട് കു​ട്ടി ശ​ത്രു​വ​ല്ല; ശി​ക്ഷി​ക്ക​പ്പെ​ടേ​ണ്ട​വ​നു​മ​ല്ല. മ​റി​ച്ച് ര​ക്ഷി​ക്ക​പ്പെ​ടേ​ണ്ട​വ​നാ​ണ്. അ​തു​കൊ​ണ്ട് കു​ട്ടി​ക​ളു​ടെ കാ​ര്യ​ത്തിൽ എ​പ്പോ​ഴും 'നി​രീ​ക്ഷ​ണ​വും' വേ​ണം, അ​വ​രിൽ 'വി​ശ്വാ​സ​വും' വേ​ണം.

ഒരുമിച്ച് പ്രവർത്തിക്കണം
ല​ഹ​രി​യു​ടെ വി​ത​ര​ണ​ശൃം​ഖ​ല​കൾ​ക്കെ​തി​രെ ശ​ക്ത​മാ​യ നി​യ​മ​ന​ട​പ​ടി​കൾ അ​നി​വാ​ര്യ​മാ​ണ്. എ​ന്നാൽ ഒ​രു സ​മൂ​ഹ​ത്തി​ന്റെ വി​ജ​യം എ​ത്ര ല​ഹ​രി വിൽ​പ്പ​ന​ക്കാ​രെ പി​ടി​കൂ​ടി എ​ന്ന​തു​കൊ​ണ്ട് മാ​ത്രം അ​ള​ക്ക​രു​ത്. ല​ഹ​രി​യു​ടെ പാ​ത​യി​ലേ​ക്ക് എ​ത്തു​ന്ന​തി​ന് മു​മ്പ് ന​മു​ക്ക് എ​ത്ര കു​ട്ടി​ക​ളെ ത​ട​യാൻ ക​ഴി​ഞ്ഞു എ​ന്ന​താ​ക​ണം യ​ഥാർ​ത്ഥ അ​ള​വു​കോൽ. അ​തി​ന് പൊ​ലീ​സും സർ​ക്കാ​രും മാ​ത്രം പോ​രാ. അ​ദ്ധ്യാ​പ​ക​രും ര​ക്ഷി​താ​ക്ക​ളും സ്‌കൂൾ മാ​നേ​ജ്‌മെന്റു​ക​ളും ത​ദ്ദേ​ശ​സ്ഥാ​പ​ന​ങ്ങ​ളും ആ​രോ​ഗ്യ​പ്ര​വർ​ത്ത​ക​രും സാ​മൂ​ഹി​ക സം​ഘ​ട​ന​ക​ളും റ​സി​ഡന്റ്സ് അ​സോ​സി​യേ​ഷ​നു​ക​ളും എ​ല്ലാ​വ​രും ഒ​രു​മി​ച്ച് പ്ര​വർ​ത്തി​ക്ക​ണം.

ഓ​രോ സ്‌കൂ​ളി​ലും ഓ​രോ കു​ട്ടി​ക്കും ത​ന്റെ പ്ര​ശ്നം മ​ന​സു​തു​റ​ന്ന് പ​റ​യാ​നും അ​ത് യാ​തൊ​രു മുൻ​വി​ധി​യു​മി​ല്ലാ​തെ കേൾ​ക്കാ​നും ത​യ്യാ​റു​ള്ള ഒ​രാൾ വേ​ണം. ഓ​രോ വീ​ട്ടി​ലും കു​ട്ടി​ക്ക് ഭ​യ​മി​ല്ലാ​തെ സം​സാ​രി​ക്കാൻ ക​ഴി​യു​ന്ന ഒ​രു മു​തിർ​ന്ന​യാ​ളും വേ​ണം.

കാ​ര​ണം, ല​ഹ​രി​ക്കെ​തി​രാ​യ ഏ​റ്റ​വും വ​ലി​യ ആ​യു​ധം എ​ല്ലാ​യ്‌പ്പോ​ഴും നി​യ​മ​ത്തി​ന്റെ കൈയിലു​ള്ള​താ​യി​രി​ക്ക​ണ​മെ​ന്നി​ല്ല; ചി​ല​പ്പോൾ അ​ത് ഒ​രു അ​ദ്ധ്യാ​പ​ക​ന്റെ ക​രു​ത​ലു​ള്ള വാ​ക്കും, ഒ​രു മാ​താ​വി​ന്റെ ക്ഷ​മ​യു​ള്ള കേൾ​വി​യും, ഒ​രു പി​താ​വി​ന്റെ വി​ശ്വാ​സ​വും, സ്‌കൂൾ അ​ധി​കൃ​ത​രു​ടെ സ്‌നേ​ഹ​പൂർ​വ​മാ​യ ഇ​ട​പെ​ട​ലു​മാ​കാം.

(ജ്യോ​തി​സ് ഗ്രൂ​പ്പ് ഓ​ഫ് സ്‌കൂൾ​സിന്റെ ചെ​യർ​മാനാണ് ലേഖകൻ. ഫോൺ. 94460 65751)