ആയില്യം നാളിൽ മണ്ണാറശാലയിൽ ഈ വഴിപാടുകൾ നടത്തിയാൽ രോഗശാന്തി

കേരളത്തിലെ പ്രശസ്തമായ നാഗക്ഷേത്രമാണ് ആലപ്പുഴ ജില്ലയിൽ സ്ഥിതിചെയ്യുന്ന മണ്ണാറശാല ശ്രീ നാഗരാജ ക്ഷേത്രം. തുലാമാസത്തിലെ ആയില്യം നാളിലാണ് ഇവിടത്തെ പ്രധാനപ്പെട്ട ആയില്യ മഹേത്സവം ആഘോഷിക്കുന്നത്. പരശുരാമൻ കേരളം സൃഷ്ടിച്ച ശേഷം നാഗങ്ങളുടെ കാവലിൽ ഏൽപ്പിച്ചുവെന്നാണ് വിശ്വാസം.

കാട്ടിൽ തപസ് ചെയ്തിരുന്ന ഒരു അമ്മയ്ക്ക് നാഗദൈവങ്ങൾ രണ്ട് മക്കളായി അവതരിച്ചു. മണ്ണാറശാല അമ്മയും നാഗരാജാവും. നാഗലോകത്തിന്റെ അധിപനായ നാഗരാജാവ് ഈ ക്ഷേത്രത്തിൽ കുടികൊള്ളുന്നു. വാസുകി, അനന്തൻ, തക്ഷകൻ തുടങ്ങി ആയിരം നാഗങ്ങൾ ഇവിടെ വസിക്കുന്നുവെന്നാണ് സങ്കൽപം.

ലോകത്തിലെ ഏറ്റവും വലിയ നാഗക്ഷേത്രമാണിത്. 30,000 ത്തിലധികം നാഗവിഗ്രഹങ്ങളുള്ള കാവ്. മണ്ണാർശാല അമ്മയാണ് ഇവിടത്തെ പ്രധാന പൂജാരി. ഇത് കേരളത്തിൽ മാത്രമുള്ള പ്രത്യേകതയാണ്. 14 ഏക്കറിൽ പരന്നു കിടക്കുന്ന നാഗക്കാവിൽ അപൂർവ്വമായ ഔഷധ സസ്യങ്ങളും വൻ മരങ്ങളും ഉണ്ട്. കാവിലെ മരങ്ങൾ മുറിക്കുന്നത് കർശനമായി നിരോധിച്ചിട്ടുണ്ട്.

ആയില്യം നാളിൽ നാഗങ്ങൾക്ക് നൂറും പാലും സമർപ്പിച്ചാൽ സർപ്പദോഷം മാറുമെന്നാണ് വിശ്വാസം. സന്താനഭാഗ്യവും ഉണ്ടാകും. ദാമ്പത്യ തടസം നീങ്ങുമെന്നും വിശ്വാസമുണ്ട്. നാഗദോഷമുള്ളവർ വ്രതം എടുത്ത് ക്ഷേത്ര ദർശനം നടത്തുന്നത് ഉത്തമമാണ്.

ജാതകത്തിൽ രാഹു ദോഷം, കാലസർപ്പ ദോഷം, സർപ്പശാപം ഉള്ളവർ ഇന്ന് മണ്ണാറശാലയിൽ പൊങ്കാല, ഉരുളി കമഴ്ത്തൽ, നൂറും പാലും വഴിപാടുകൾ നടത്തിയാൽ ദോഷശാന്തി ഉണ്ടാകും. മഞ്ഞൾ പ്രസാദം അത്യന്തം ഔഷധ ഗുണമുള്ളതായി കരുതപ്പെടുന്നു. വീട്ടിൽ സൂക്ഷിച്ചാൽ സർപ്പഭയം ഒഴിയും, കുട്ടികൾക്ക് ആരോഗ്യം ലഭിക്കും.

ആയില്യ ഉത്സവം നടക്കുന്ന നാളെ രാവിലെ കുളിച്ച് നാഗസ്തുതി ജപിക്കുക. "ഓം നാഗരാജായ വിദ്മഹേ സഹസ്രാക്ഷായ ധീമഹി തന്നോ സർപ്പഃ പ്രചോദയാത്" എന്ന മന്ത്രം 108 തവണ ജപിക്കുന്നത് ഉത്തമമാണ്. നാഗവിഗ്രഹത്തിന് പാൽ അഭിഷേകം, മുട്ട സമർപ്പണം എന്നിവ ചെയ്യരുത്. നൂറും പാലും, മഞ്ഞൾ പൊടി, പൂവ് എന്നിവയാണ് പ്രധാനം. നാഗയക്ഷി മൂലമന്ത്രം "ഓം വിനയാതനയേ വിശ്വനാഗേശ്വരി ക്ലീം നാഗയക്ഷീം യക്ഷിണീ സ്വാഹാ നമഃ" ജപിച്ച് പ്രാർത്ഥിക്കണം. ദോഷങ്ങൾ മാറാൻ നാഗരാജ മൂലമന്ത്രമായ "ഓം നമഃ കാമരൂപിണേ മഹാബലായ നാഗാധിപതയേ നമഃ" ജപിച്ചാൽ മതി.

ജാതകത്തിലെ രാഹു-കേതു ദോഷങ്ങൾ മൂലമുണ്ടാകുന്ന സർപ്പദോഷങ്ങൾ അകലാൻ ഇതുവഴി സഹായിക്കുന്നു. കുടുംബത്തിൽ ഐശ്വര്യവും ആയുരാരോഗ്യവും പ്രദാനം ചെയ്യുന്നു. സാധാരണയായി കന്നിമാസത്തിലെയും തുലാംമാസത്തിലെയും ആയില്യം നക്ഷത്ര ദിവസങ്ങളിൽ ഈ മന്ത്രങ്ങൾ ജപിക്കുന്നത് ഇരട്ടി ഫലം നൽകുമെന്നാണ് ഭക്തരുടെ വിശ്വാസം.