പൂർവികരുടെ ചിത്രങ്ങൾ വീട്ടിലെ ഈ ദിശകളിൽ സൂക്ഷിക്കരുത്, കടുത്ത ദോഷമാകും ഫലം

പൂർവികരുടെ ചിത്രങ്ങൾ വീട്ടിൽ സൂക്ഷിക്കുന്നതും അവയിൽ ഹാരം ചാർത്തുന്നതും വിളക്ക് തെളിക്കുന്നതും മിക്ക വീടുകളിലെയും പതിവ് കാഴ്‌ചയാണ്. ഇത്തരത്തിൽ വീട്ടിൽ പൂർവികരുടെ ചിത്രങ്ങൾ സൂക്ഷിക്കുന്നതിന് കൃത്യമായ ദിശ വാസ്തുശാസ്ത്രത്തിൽ നിഷ്‌കർഷിക്കുന്നുണ്ട്.

• വീടിന്റെ തെക്ക്, തെക്ക് - പടിഞ്ഞാറ് ദിശകളാണ് പൂർവികരുടെ ചിത്രങ്ങൾ സൂക്ഷിക്കാൻ ഏറ്റവും അനുയോജ്യം. തെക്ക് - പടിഞ്ഞാറ് ദിശയെ 'പിതൃലോകം' അഥവാ പൂർവികരുടെ ആവാസകേന്ദ്രമായാണ് കണക്കാക്കുന്നത്. പിതൃതർപ്പണ ചടങ്ങുകളിൽ തെക്ക് ദിശയിലേയ്ക്ക് തിരിഞ്ഞുനിന്ന് കർമ്മങ്ങൾ ചെയ്യുന്നത് ഇക്കാരണത്താലാണ്.
• ഈ ദിശകളിൽ ചിത്രങ്ങൾ സൂക്ഷിക്കുന്നത് പൂർവികരുടെ അനുഗ്രഹം കുടുംബത്തിന് ലഭിക്കാൻ സഹായിക്കുന്നു.
• പൂർവികരെ ദൈവതുല്യരായി കണ്ട് പൂജാമുറിയിൽ ചിത്രങ്ങൾ സൂക്ഷിക്കാൻ പാടില്ല. വീടിന്റെ ഏറ്റവും ആത്മീയമായ ദിശയാണ് വടക്ക് - കിഴക്ക് കോൺ. ഈശാനകോൺ എന്നറിയപ്പെടുന്ന ഈ ഭാഗത്താണ് പൂജാമുറി നിർമിക്കേണ്ടത്.
• കിടപ്പുമുറിയിലെ കട്ടിലിന് തൊട്ടുമുകളിലായി പൂർവികരുടെ ചിത്രങ്ങൾ സൂക്ഷിക്കാൻ പാടില്ല.
• കിഴക്ക് ദിശ വളർച്ച, വിദ്യാഭ്യാസം, തൊഴിൽ എന്നിവയുമായി ബന്ധപ്പെട്ടിരിക്കുന്നു. ഇവിടെ പൂർവികരുടെ ചിത്രങ്ങൾ വയ്ക്കുന്നത് നല്ലതല്ല.
• വീടിന്റെ മദ്ധ്യഭാഗം ബ്രഹ്മസ്ഥാനം എന്നാണറിയപ്പെടുന്നത്. ഇവിടെയും പൂർവികരുടെ ചിത്രങ്ങൾ സൂക്ഷിക്കുന്നത് ദോഷകരമാണ്.
• വടക്ക് ദിശ സമ്പത്തിന്റെയും അവസരങ്ങളുടെയും കേന്ദ്രമാണ്. ഈ ദിശ ജലവുമായി ബന്ധപ്പെട്ടിരിക്കുന്നു. ഇവിടെ പൂർവികരുടെ ചിത്രങ്ങൾ സൂക്ഷിക്കാൻ പാടില്ല.
• പൂർവികരുടെ ചിത്രങ്ങൾ എപ്പോഴും വൃത്തിയായി സൂക്ഷിക്കണം. വിശേഷദിവസങ്ങളിലും അവരുടെ ചരമ ദിനങ്ങളിലും ചിത്രങ്ങൾക്ക് മുന്നിൽ ദീപം തെളിയിക്കണം.