മഴക്കാലത്ത് വസ്ത്രങ്ങൾ ഉണക്കുമ്പോൾ ശ്രദ്ധിക്കണം, ഈ ദിശയിൽ കയർ കെട്ടിയാൽ വാസ്തുദോഷം ഫലം

കേരളം വീണ്ടുമൊരു മഴക്കാലത്തേയ്ക്ക് കടക്കുകയാണെന്ന മുന്നറിയിപ്പാണ് കേന്ദ്ര കാലാവസ്ഥാ വകുപ്പ് നൽകുന്നത്. അടുത്ത അഞ്ച് ദിവസത്തേയ്ക്ക് ശക്തമായ മഴ പരിഗണിച്ച് വിവിധ ജില്ലകളിൽ ഓറഞ്ച് അലർട്ട് നൽകിയിട്ടുണ്ട്. മഴക്കാലത്ത് ഏറ്റവുമധികം ബുദ്ധിമുട്ടുന്നത് തുണികൾ ഉണക്കിയെടുക്കുന്നതിനാണ്. കൂടുതൽപ്പേരും വീടിനുള്ളിലോ കാർ പോ‌ർച്ചിലോ മറ്റുമായിരിക്കും അലക്കിയ തുണികൾ വിരിച്ചിടുക. എന്നാൽ വാസ്‌തുശാസ്ത്രം പ്രകാരം നനഞ്ഞ തുണികൾ ഉണക്കുന്നതിൽ ചില കാര്യങ്ങൾ ശ്രദ്ധിക്കേണ്ടതായുണ്ട്.

• സൂര്യാസ്‌തമയത്തിനുശേഷം പുറത്ത് വസ്ത്രങ്ങൾ ഉണക്കുന്നത് നെഗറ്റീവ് എനർജിയെ ആകർഷിക്കുന്നു. ഇത് കുടുംബത്തിന്റെ പുരോഗതിയെ ബാധിക്കും.
• വസ്ത്രങ്ങൾ ഉണക്കുന്നതിന് കയർ വടക്കുനിന്ന് കിഴക്കോട്ട് കെട്ടരുത്. പടിഞ്ഞാറുനിന്ന് വടക്കോട്ട് കയർ കെട്ടുന്നതാണ് ശുഭകരം.
• പകൽ സമയത്ത് വസ്ത്രങ്ങൾ ഉണക്കുന്നത് നെഗറ്റീവ് എനർജിയെ നശിപ്പിക്കാൻ സഹായിക്കും.
• വീടിന്റെ വടക്കുകിഴക്കേ മൂലയിൽ അഴുക്കുപിടിച്ച വസ്ത്രങ്ങൾ സൂക്ഷിക്കരുത്. ഇത് സാമ്പത്തിക അഭിവൃദ്ധിയെ ബാധിക്കും.
• മഞ്ഞയും വെള്ളയും നിറങ്ങളിലെ വസ്ത്രങ്ങൾ ധരിക്കുന്നത് വാസ്തുശാസ്ത്രപരമായി ശുഭകരമായി കണക്കാക്കുന്നു. ഇത് ജീവിതത്തിൽ സമാധാനവും സമ്പത്തും സമൃദ്ധിയും നൽകുന്നു.