മറ്റന്നാൾ മുതൽ ഒരു മാസം ചെയ്യാൻ പാടില്ലാത്ത നാല് കാര്യങ്ങൾ; പഴമക്കാർ നൽകുന്ന മുന്നറിയിപ്പ്

ശുഭകാര്യങ്ങൾ തുടങ്ങുന്നതിന് ഉചിതമായ സമയം നോക്കുന്നത് പൊതുവെ പലരുടെയും ശീലമാണ്. പഴമക്കാർ പറയുന്നതനുസരിച്ച് ചില മാസങ്ങൾ ശുഭകാര്യങ്ങൾക്ക് ഉത്തമമാണെന്ന് പറയുമ്പോൾ മറ്റ് ചില മാസങ്ങളിൽ ശുഭകാര്യങ്ങൾ തുടങ്ങാനേ പാടില്ലെന്നാണ് വിശ്വാസം. അത്തരത്തിലൊരു മാസമാണ് കന്നിമാസം. പിതൃകർമ്മങ്ങൾ, സർപ്പാരാധന, വിളവെടുപ്പ് തുടങ്ങിയ കാര്യങ്ങൾക്ക് കന്നിമാസം നല്ലതാണെങ്കിലും മറ്റ് ചില കാര്യങ്ങൾക്ക് അത്ര നല്ലതല്ലെന്നും പറയപ്പെടുന്നു. സെപ്‌തംബർ 17 മുതൽ കന്നിമാസം ആരംഭിക്കാനിരിക്കെ ഒരു മാസത്തേക്ക് ചെയ്യാൻ പാടില്ലാത്ത കാര്യങ്ങൾ അറിഞ്ഞിരിക്കേണ്ടത് അത്യാവശ്യമാണ്.

ചെയ്യാൻ പാടില്ലാത്തത്

• വിവാഹം
• ഗൃഹപ്രവേശം
• ചോറൂണ്
• കച്ചവടങ്ങൾ ഉൾപ്പടെയുള്ള പൈസമുതൽമുടക്കുള്ള കാര്യങ്ങളുടെ ആരംഭം

വിശ്വാസത്തിന് പിന്നിൽ

• സൂര്യന്റെ ബലക്കുറവ്

ജ്യോതിഷത്തിൽ സൂര്യനെ പിതാവായും ആത്മാവിന്റെ പ്രതീകമായുമാണ് കണക്കാക്കുന്നത്. കന്നി രാശിയിൽ നിൽക്കുമ്പോൾ ദക്ഷിണായനക്കാലത്തെ മധ്യഘട്ടത്തിലായതിനാൽ സൂര്യന് ബലം കുറവായിരിക്കും. സൂര്യന് ബലമില്ലാത്ത സമയത്ത് ചെയ്യുന്ന ശുഭകാര്യങ്ങൾക്ക് പൂ‌ർണമായ ഫലം ലഭിക്കില്ലെന്നാണ് വിശ്വാസം.

• ശൂന്യമാസം

ജ്യോതിഷ പാരമ്പര്യത്തിൽ കന്നി മാസത്തെ ഒരു ശൂന്യമാസമായാണ് കണക്കാക്കുന്നത്. ശൂന്യമാസത്തിൽ ചെയ്യുന്ന കാര്യങ്ങൾക്ക് ദീർഘായുസ് കുറവായിരിക്കും. അതുകൊണ്ടാണ് ശുഭകാര്യങ്ങൾ തുടങ്ങുന്നതിനായി കന്നിമാസം തിരഞ്ഞെടുക്കാത്തത്.