ദീപാവലി ദിവസം ഈ നക്ഷത്രക്കാർക്ക് നേട്ടം,​ മനസിന് സന്തോഷമുണ്ടാകുന്ന കാര്യങ്ങൾ സംഭവിക്കും

റാംസാഗർ തംബുരാൻ, അസ്ട്രോ ന്യൂമറോളജിസ്റ്റ്, ഫോൺ : 91+83010 36352, വാട്സാപ്പ് : 91+7907244210, ഇ മെയിൽ: samkhiyarathnam@gmail.com

2026 നവംബർ 8 ( 1202 തുലാം 22 ) ഞായറാഴ്ച. * ദീപാവലി. ( 60 നാഴിക 0 വിനാഴിക വരെ ചോതി നക്ഷത്രം ശേഷം വിശാഖം നക്ഷത്രം ) [ ചതുർദശി തിഥി 10 നാഴിക 29 വിനാഴിക വരെ ശേഷം അമാവാസി തിഥി ] ( രാഹുകാലം 4.30 മണി മുതൽ മണി വരെ )

അശ്വതി: അനുകൂല ദിവസം, വിചാരിക്കാത്ത ഒരാളുടെ ഫോൺ കോൾ മനസിനെ സന്തോഷിപ്പിക്കും, മുടങ്ങിപ്പോയ കാര്യം പെട്ടെന്ന് നടന്നുകിട്ടും.

ഭരണി: പ്രതികൂല ദിവസം, പറയാൻ തോന്നിയ കാര്യം പറയാതെ മനസ്സിൽ വയ്ക്കേണ്ടിവരും. പൈസയുടെ കാര്യത്തിൽ ഒന്ന് കൂടി ആലോചിക്കേണ്ടിവരും.

കാർത്തിക: അനുകൂല ദിവസം, വിചാരിക്കാത്ത ഒരിടത്ത് നിന്ന് സഹായം കിട്ടും, ജോലിയിൽ കുറ്റപ്പെടുത്തിയ ആൾ തന്നെ വന്ന് സഹായം ചോദിക്കും. മനസ്സിൽ കൊണ്ടുനടന്ന പേടി പെട്ടെന്ന് മാറും.

രോഹിണി: അനുകൂല ദിവസം, കാണാത്ത സുഹൃത്തിനെ വഴിയിൽ വെച്ച് കാണും, വീട്ടിൽ പുതിയൊരു സന്തോഷവാർത്ത എത്തും, കഴിക്കാൻ കൊതിച്ച സാധനം കിട്ടും.

മകയിരം: പ്രതികൂല ദിവസം, പറഞ്ഞ വാക്ക് ആരെങ്കിലും തെറ്റായി മനസ്സിലാക്കും, പോകാൻ വിചാരിച്ച യാത്ര മാറ്റിവെക്കേണ്ടിവരും, വീട്ടിൽ ഒരു സാധനം പൊട്ടിപ്പോയത് മനസ്സിനെ വേദനിപ്പിക്കും, പൈസ ചെലവാക്കിയ ശേഷം പശ്ചാത്താപം തോന്നും, ആരോടും അധികം സംസാരിക്കാൻ തോന്നാതിരിക്കും.

തിരുവാതിര: അനുകൂല ദിവസം, മനസ്സിൽ വിചാരിച്ച ആളെ കാണാൻ കഴിയും, ജോലിയിൽ പുതിയൊരു ചുമതല ഏൽപ്പിക്കും, പഴയ ഓർമ്മ വീണ്ടും മനസ്സിൽ വന്ന് സന്തോഷം തരും, രാത്രി മനസിന് വല്ലാത്ത സമാധാനം തോന്നും.

പുണർതം: അനുകൂല ദിവസം, ദൂരെ നിന്നൊരു സന്തോഷവാർത്ത കേൾക്കും, കുടുംബത്തിൽ ആഗ്രഹം സഫലമാകും, വീട്ടിൽ ഇഷ്ടമുള്ള ആൾ വന്ന് കാണും, മനസിലെ ഭാരം ഒഴിയും.

പൂയം: പ്രതികൂല ദിവസം, മനസിൽ വെറുതെ പഴയ കാര്യങ്ങൾ ഓർത്ത് വിഷമം തോന്നും, ജോലിയിൽ ചെയ്ത തെറ്റ് ആരെങ്കിലും ചൂണ്ടിക്കാണിക്കും, വീട്ടിൽ ചെറിയ കാര്യത്തിന് വഴക്കുണ്ടാകും, വീട്ടിലിരിക്കാൻ തോന്നും,

ആയില്യം: പ്രതികൂല ദിവസം, മനസ്സിൽ കരുതിയ രഹസ്യം ആരെങ്കിലും അറിഞ്ഞോ എന്ന് പേടി തോന്നും, ജോലിയിൽ ഒരാൾ പിന്നിൽ നിന്ന് കുത്താൻ നോക്കും, വീട്ടിൽ ആരുടെയെങ്കിലും വാക്ക് മനസ്സിനെ നോവിക്കും, പൈസയുടെ കാര്യത്തിൽ ആരോടും വാക്ക് കൊടുക്കരുത്.

മകം: അനുകൂല ദിവസം, എല്ലാവരുടെയും മുന്നിൽ നിങ്ങളുടെ പേര് പറയപ്പെടും, കുടുംബത്തിൽ നിങ്ങളുടെ തീരുമാനം അംഗീകരിക്കപ്പെടും, മുടങ്ങിക്കിടന്ന പണം കൈയിൽ കിട്ടും, വീട്ടിൽ ഒരു വിശേഷം നടത്താൻ തീരുമാനിക്കും, മനസ്സിന് വലിയ ആത്മവിശ്വാസം തോന്നും.

പൂരം: അനുകൂല ദിവസം, ആഘോഷത്തിന് പോകാൻ ക്ഷണം കിട്ടും, പുതിയ വസ്ത്രം വാങ്ങാൻ തോന്നും, പ്രിയപ്പെട്ട ആളുടെ സ്നേഹം കൂടുതൽ അനുഭവപ്പെടും.

ഉത്രം: അനുകൂല ദിവസം, കൃത്യസമയത്ത് ചെയ്ത കാര്യത്തിന് എല്ലാവരും അഭിനന്ദിക്കും, പഠനത്തിൽ മുടങ്ങിയ ഭാഗം തീർക്കാൻ കഴിയും, വീട്ടിൽ മുതിർന്ന ആളുടെ അനുഗ്രഹം കിട്ടും, പുതിയൊരു ആശയം മനസ്സിൽ തെളിയും.

അത്തം: അനുകൂല ദിവസം, കൈകൊണ്ട് ചെയ്യുന്ന കാര്യത്തിൽ മികവ് തെളിയിക്കും, സഹോദരങ്ങളുമായുള്ള പിണക്കം മാറും, ജോലിയിൽ വേഗത്തിൽ കാര്യങ്ങൾ തീർക്കാൻ കഴിയും, മനസിൽ പുതിയൊരു ലക്ഷ്യം ഉദിക്കും.

ചിത്തിര: പ്രതികൂല ദിവസം, പറഞ്ഞ കാര്യം ആരെങ്കിലും വളച്ചൊടിക്കപ്പെടും, ജോലിയിൽ തിരക്കിനിടയിൽ ഒരു സാധനം മറന്നുപോകും, വീട്ടിൽ ചെറിയ കാര്യത്തിന് മനസ്സ് വേദനിക്കും, യാത്രയിൽ സാധനം സൂക്ഷിക്കാൻ മറക്കരുത്, ആരോടും അധികം തർക്കത്തിന് പോകാതിരിക്കുന്നതാണ് നല്ലത്.

ചോതി: അനുകൂല ദിവസം, സ്വന്തം നക്ഷത്രദിനം ആയതിനാൽ എല്ലാ കാര്യവും അനുകൂലമായി തോന്നും, വീട്ടിൽ എല്ലാവരും നിങ്ങളെ പ്രത്യേകം ശ്രദ്ധിക്കും, ജോലിയിൽ വിചാരിച്ച കാര്യം നടന്നുകിട്ടും, മനസ്സിൽ ആഗ്രഹിച്ച ആൾ വന്ന് സ്നേഹം കാണിക്കും.

വിശാഖം: പ്രതികൂല ദിവസം, രണ്ട് കാര്യങ്ങൾക്കിടയിൽ ഏത് ചെയ്യണമെന്ന് അറിയാതെ കുഴങ്ങും, ആരുടെയോ വാക്ക് കേട്ട് മനസ്സ് മടുക്കും, പൈസ ചെലവഴിച്ച ശേഷം ഇത് വേണ്ടായിരുന്നു എന്ന് തോന്നും, ജോലിയിൽ ഒരാൾ സഹായിക്കാമെന്ന് പറഞ്ഞിട്ട് സഹായിക്കാതിരിക്കും, വീട്ടിൽ ഒറ്റയ്ക്കിരിക്കാനാണ് തോന്നുക.

അനിഴം: അനുകൂല ദിവസം, സുഹൃത്തിന്റെ സഹായം കൃത്യസമയത്ത് കിട്ടും, കുടുംബത്തിൽ സന്തോഷം നിറഞ്ഞ അന്തരീക്ഷം ഉണ്ടാകും, ജോലിയിൽ പുതിയൊരു വാതിൽ തുറക്കും.

തൃക്കേട്ട: പ്രതികൂല ദിവസം, വെറുതെ ദേഷ്യം വന്ന് ആരോടെങ്കിലും കയർക്കാൻ തോന്നും, ആരോഗ്യത്തിൽ ചെറിയ തളർച്ച തോന്നും, പഴയൊരു തെറ്റ് ഓർത്ത് മനസ്സ് വിഷമിക്കും, പൈസയ്ക്ക് വേണ്ടി ആരുടെയും മുന്നിൽ കൈ നീട്ടരുത്, വീട്ടിൽ നിന്ന് അല്പനേരം മാറി നിക്കാൻ തോന്നും.

മൂലം: പ്രതികൂല ദിവസം, കുടുംബകാര്യത്തിൽ തിടുക്കം കാണിച്ചാൽ തെറ്റും, ജോലിയിൽ മാറ്റം വരുത്താൻ തോന്നിയാൽ ഒന്ന് കൂടി ആലോചിക്കണം, പൈസയുടെ കാര്യത്തിൽ ആരെയും അധികം വിശ്വസിക്കരുത്, വീട്ടിൽ ആരുടെയും കുറ്റം പറയാതിരിക്കുന്നതാണ് നല്ലത്, രാത്രി നേരത്തെ ഉറങ്ങാൻ ശ്രമിക്കണം.

പൂരാടം: അനുകൂല ദിവസം, മനസ്സിൽ വലിയ സ്വപ്നം വീണ്ടും തളിർത്തുവരും, സുഹൃത്തുക്കളുമായി യാത്ര പോകാൻ പ്ലാൻ ഇടും, ജോലിയിൽ സ്ഥാനം ഉയരാൻ സാധ്യത തെളിയും, വീട്ടിൽ ഒരു സന്തോഷവാർത്ത എത്തും, ആത്മീയ കാര്യങ്ങളിലേക്ക് മനസ്സ് കൂടുതൽ ചായും.

ഉത്രാടം: അനുകൂല ദിവസം, സത്യം പറഞ്ഞതുകൊണ്ട് എല്ലാവരുടെയും വിശ്വാസം കിട്ടും, പുതിയ ബിസിനസ് ആശയം മനസ്സിൽ വരും, വീട്ടിൽ മുതിർന്നവരുടെ സ്നേഹം അനുഭവപ്പെടും, വൈകുന്നേരം കുടുംബത്തോടൊപ്പം സമയം ചെലവഴിക്കും.

തിരുവോണം: അനുകൂല ദിവസം, സമൂഹത്തിൽ നിങ്ങളുടെ പേര് ഉയർന്ന് കേൾക്കും, ജോലിയിൽ ചെയ്ത മികവിന് എല്ലാവരും കൈയടിക്കും, വീട്ടിൽ മംഗളകരമായ കാര്യം നടക്കും, സാമ്പത്തികമായി നല്ല മാറ്റം വരും, മനസ്സിന് ശാന്തി തോന്നും.

അവിട്ടം: പ്രതികൂല ദിവസം, അമിത ആത്മവിശ്വാസം കാരണം ചെറിയ അബദ്ധം പറ്റും, പൈസയുടെ കാര്യത്തിൽ വാക്ക് കൊടുക്കുമ്പോൾ സൂക്ഷിക്കണം, ജോലിയിൽ അനാവശ്യ തർക്കത്തിൽ ചെന്ന് പെടാതിരിക്കണം, ആരോഗ്യത്തിൽ ചെറിയ ശ്രദ്ധക്കുറവ് വന്നാലും അവഗണിക്കരുത്, വീട്ടിൽ എല്ലാവരോടും സ്നേഹത്തോടെ സംസാരിക്കണം.

ചതയം: അനുകൂല ദിവസം, പുതിയ കാര്യം പഠിക്കാൻ വല്ലാത്ത താൽപര്യം തോന്നും, സുഹൃത്തുക്കളിൽ നിന്ന് പ്രതീക്ഷിക്കാത്ത സഹായം കിട്ടും, ജോലിയിൽ വ്യത്യസ്തമായ ആശയം പറഞ്ഞ് എല്ലാവരെയും ഞെട്ടിക്കും, വീട്ടിൽ ചിരി നിറഞ്ഞ നിമിഷങ്ങൾ ഉണ്ടാകും, മനസ്സിന് ഉന്മേഷം തരുന്ന കാര്യം ചെയ്യും.

പൂരുരുട്ടാതി: അനുകൂല ദിവസം, ആരെയെങ്കിലും സഹായിക്കാൻ മനസ് തോന്നും, പഴയ സുഹൃത്തിനെ വീണ്ടും കണ്ട് സന്തോഷിക്കും, ജോലിയിൽ ശാന്തതയോടെ കാര്യങ്ങൾ ചെയ്യാൻ കഴിയും, വീട്ടിൽ സമാധാനപരമായ അന്തരീക്ഷം ഉണ്ടാകും, ആത്മീയ പുസ്തകം വായിക്കാൻ തോന്നും.

ഉത്രട്ടാതി: അനുകൂല ദിവസം, മനസ്സിലെ പേടി പെട്ടെന്ന് മാറി ധൈര്യം വരും, കുടുംബത്തിലെ ആവശ്യങ്ങൾ നിറവേറ്റാൻ കഴിയും, ജോലിയിൽ പുതിയ സാധ്യത തുറന്നുവരും, സാമ്പത്തികമായി ചെറിയ ലാഭം കിട്ടും, സന്ധ്യയ്ക്ക് കുടുംബത്തോടൊപ്പം പ്രാർത്ഥിക്കാൻ തോന്നും.

രേവതി: അനുകൂല ദിവസം, യാത്ര പോകാൻ മനസ് തോന്നും, മനസിന് സന്തോഷം തരുന്ന കാഴ്ച കാണും, കുടുംബത്തിൽ സ്നേഹം കൂടുതൽ തോന്നും, ജോലിയിൽ ചെയ്ത കാര്യത്തിന് നല്ല ഫലം കിട്ടും, ദിവസത്തിന്റെ അവസാനം മനസ്സ് നിറഞ്ഞ സംതൃപ്തി തോന്നും.