'സ്വന്തം നക്ഷത്രത്തിന്റെ ദിവസമായതിനാൽ ഭാഗ്യം കൂടുതലാണ്, തുടങ്ങുന്ന എല്ലാ കാര്യങ്ങളിലും വിജയം'

റാംസാഗർ തമ്പുരാൻ, അസ്ട്രോ ന്യൂമറോളജിസ്റ്റ്, ഫോൺ: 91+83010 36352, വാട്സാപ്പ്: 91+7907244210, ഈമെയിൽ:samkhiyarathnam@gmail.com

2026 നവംബർ 3 (1202 തുലാം 17) ചൊവ്വാഴ്ച.

(52 നാഴിക 44 വിനാഴിക വരെ മകം നക്ഷത്രം ശേഷം പൂരം നക്ഷത്രം)

[നവമി തിഥി 14 നാഴിക 1 വിനാഴിക വരെ ശേഷം ദശമി തിഥി]

(രാഹുകാലം 3 മണി മുതൽ 4.30 മണി വരെ)

അശ്വതി- അനുകൂല വാർത്ത കേൾക്കും. സാമ്പത്തികമായി ഇന്ന് നല്ല മുന്നേറ്റം ഉണ്ടാകും. പുതിയ ജോലി സംബന്ധമായ അന്വേഷണങ്ങൾ വിജയിക്കും. വൈകുന്നേരം കുടുംബത്തോടൊപ്പം സമയം ചെലവഴിക്കാൻ കഴിയും.

ഭരണി- മനസിൽ കുറച്ചുകാലമായി കൊണ്ടുനടന്ന ആശങ്ക ഇന്ന് ഒഴിയും. വസ്തുസംബന്ധമായ തർക്കങ്ങൾക്ക് പരിഹാരം കാണും. സുഹൃത്തുക്കളിൽ നിന്ന് അപ്രതീക്ഷിത സഹായം ലഭിക്കും. യാത്ര ചെയ്യുമ്പോൾ സാധനങ്ങൾ സൂക്ഷിക്കാൻ ശ്രദ്ധിക്കണം.

കാർത്തിക- തൊഴിൽ സ്ഥലത്ത് കഴിവ് തെളിയിക്കാൻ അവസരം ലഭിക്കും. മേലുദ്യോഗസ്ഥരുടെ പിന്തുണ ഇന്ന് നിങ്ങൾക്ക് ഉറപ്പായും കിട്ടും. കുടുംബത്തിൽ ചെറിയ അഭിപ്രായ വ്യത്യാസം വരാം, സംയമനം പാലിക്കുക. രാത്രിയിൽ നല്ല ഉറക്കം ലഭിക്കും.

രോഹിണി - അലസത തോന്നിയേക്കാം അതിനെ മറികടക്കാൻ ശ്രമിക്കുക. പണമിടപാടുകളിൽ ആരെയും അന്ധമായി വിശ്വസിക്കരുത്. ഭക്ഷണകാര്യത്തിൽ നിയന്ത്രണം വേണം, അല്ലെങ്കിൽ അസ്വസ്ഥത ഉണ്ടാകും. വൈകുന്നേരത്തോടെ കാര്യങ്ങൾ മെച്ചപ്പെടും.

മകയിരം - വ്യാപാര രംഗത്ത് പ്രവർത്തിക്കുന്നവർക്ക് ഇന്ന് ലാഭകരമായ ദിവസമാണ്. വിദ്യാർത്ഥികൾക്ക് പരീക്ഷയിൽ മികച്ച വിജയം നേടാൻ കഴിയും. പുതിയ ഒരു കോഴ്സിൽ ചേരാൻ ആലോചിക്കുന്നവർക്ക് അനുകൂല സമയം. വീട്ടിൽ അതിഥികൾ വരാൻ സാദ്ധ്യതയുണ്ട്.

തിരുവാതിര - മനസിൽ അനാവശ്യ ചിന്തകൾ കടന്നുവരാതെ നോക്കണം. ആരോടും തർക്കത്തിന് പോകാതിരിക്കുന്നതാണ് ബുദ്ധി. ദുർഗാദേവിയെ പ്രാർത്ഥിക്കുന്നത് മാനസിക ശക്തി നൽകും. സന്ധ്യയ്ക്ക് ശേഷം നല്ല വാർത്ത കേൾക്കും.

പുണർതം - ഭൂമി വാങ്ങാനോ വീട് പണി തുടങ്ങാനോ ആഗ്രഹിക്കുന്നവർക്ക് നല്ല ദിവസം. കുടുംബ സ്വത്ത് സംബന്ധമായ കാര്യങ്ങളിൽ തീരുമാനം ആകും. സർക്കാർ ഓഫീസുകളിലെ ജോലികൾ വേഗത്തിൽ നടക്കും. സഹോദരങ്ങളുമായുള്ള ബന്ധം കൂടുതൽ ദൃഢമാകും.

പൂയം - ചെയ്യുന്ന ജോലിക്ക് എല്ലാവരുടെയും അംഗീകാരം ലഭിക്കും. സ്ഥാനക്കയറ്റം പ്രതീക്ഷിക്കുന്നവർക്ക് അനുകൂല സൂചന ലഭിക്കും. വരുമാനം വർദ്ധിപ്പിക്കാൻ പുതിയ വഴികൾ തുറന്നു വരും. ആരോഗ്യം പൊതുവെ തൃപ്തികരമായിരിക്കും.

ആയില്യം - മറ്റുള്ളവരുടെ കാര്യത്തിൽ അനാവശ്യമായി ഇടപെടുന്നത് ഒഴിവാക്കണം. വാഹനം ഓടിക്കുമ്പോൾ അതീവ ജാഗ്രത പുലർത്തണം. പഴയ ഒരു ശത്രു വീണ്ടും ശല്യം ചെയ്യാൻ ശ്രമിച്ചേക്കാം. വൈകുന്നേരം ഈശ്വര പ്രാർത്ഥനയിൽ മുഴുകുക.

മകം - സ്വന്തം നക്ഷത്രത്തിന്റെ ദിവസമായതിനാൽ ഭാഗ്യം കൂടുതലാണ്. തുടങ്ങുന്ന എല്ലാ കാര്യങ്ങളിലും വിജയം കാണും. മറ്റുള്ളവർക്ക് എന്തെങ്കിലും ദാനം ചെയ്യുന്നത് കൂടുതൽ ഗുണം ചെയ്യും. കുടുംബത്തിൽ മംഗളകരമായ അന്തരീക്ഷം ഉണ്ടാകും.

പൂരം - ഗുണഫലങ്ങൾ വർദ്ധിക്കും. കലാകാരന്മാർക്ക് വേദികളിൽ തിളങ്ങാൻ അവസരം ലഭിക്കും. സ്നേഹബന്ധങ്ങളിൽ പുതിയ തുടക്കം ഉണ്ടാകും. വസ്ത്രങ്ങൾക്കും ആഭരണങ്ങൾക്കും പണം ചെലവഴിക്കും.

ഉത്രം - കൈയിൽ പണം വന്നുചേരുന്ന ദിവസമാണ്. എന്നാൽ ആർക്കും കടമായി പണം കൊടുക്കാൻ നിൽക്കരുത്. തിരിച്ചു കിട്ടാൻ കാലതാമസം നേരിടും. കുട്ടികളുടെ പഠനകാര്യത്തിൽ ശ്രദ്ധ ചെലുത്തേണ്ടതുണ്ട്.

അത്തം - വീട്ടിൽ നിലനിന്നിരുന്ന അസ്വാരസ്യങ്ങൾ ഇന്ന് അവസാനിക്കും. വിവാഹം പോലുള്ള ശുഭകാര്യങ്ങൾക്ക് തീരുമാനം ആകും. മനസിന് വളരെ സന്തോഷം തോന്നുന്ന ദിവസമായിരിക്കും. ബന്ധുക്കളുടെ വീട്ടിൽ പോകാൻ അവസരം ലഭിക്കും.

ചിത്തിര - സൗന്ദര്യവർദ്ധക വസ്തുക്കളുടെ വ്യാപാരികൾക്ക് നല്ല ലാഭം. ദാമ്പത്യ ജീവിതത്തിൽ സ്നേഹവും ഐക്യവും വർദ്ധിക്കും. പുതിയ വസ്ത്രം വാങ്ങാൻ നല്ല ദിവസം. സുഹൃത്തുക്കളുമായി പുറത്ത് പോയി ഭക്ഷണം കഴിക്കും.

ചോതി - ജോലി മാറാൻ ആഗ്രഹിക്കുന്നവർക്ക് ഇന്ന് അനുകൂല സമയമാണ്. വിദേശത്ത് നിന്ന് നല്ല അവസരം വന്നുചേരും. അഭിമുഖത്തിൽ പങ്കെടുക്കുന്നവർക്ക് വിജയസാദ്ധ്യത കൂടുതലാണ്. ആത്മവിശ്വാസത്തോടെ കാര്യങ്ങൾ ചെയ്യുക.

വിശാഖം - കോടതി കേസുകളിൽ അനുകൂല വിധി ലഭിക്കും. സന്താനങ്ങളെ കൊണ്ട് മനസിന് സന്തോഷം ഉണ്ടാകും. വസ്തു തർക്കങ്ങളിൽ വിജയം കൈവരിക്കും. ഗുരുജനങ്ങളുടെ അനുഗ്രഹം ലഭിക്കും.

അനിഴം - ആരോഗ്യപരമായ ബുദ്ധിമുട്ടുകൾ അനുഭവിക്കുന്നവർക്ക് ആശ്വാസം ലഭിക്കും. ഡോക്ടറെ കാണാൻ നല്ല ദിവസമാണ്. മരുന്നുകൾ ഫലം ചെയ്യാൻ തുടങ്ങും. കുടുംബത്തിൽ എല്ലാവരും സന്തോഷത്തോടെ കഴിയും.

തൃക്കേട്ട - ആരുടെയും രഹസ്യ പദ്ധതികളിൽ ഭാഗമാകാതിരിക്കുക. ഇന്ന് മൗനം പാലിക്കുന്നത് ഗുണം ചെയ്യും. അപവാദങ്ങൾ കേൾക്കാൻ ഇടയുണ്ട്, ശ്രദ്ധിക്കണം. സ്വന്തം ജോലിയിൽ മാത്രം ശ്രദ്ധ കേന്ദ്രീകരിക്കുക.

മൂലം - ഗുരുവിന്റെ അനുഗ്രഹം കൊണ്ട് എല്ലാ തടസങ്ങളും മാറും. പഠനത്തിൽ മികവ് പുലർത്താൻ കഴിയും. ആത്മീയ കാര്യങ്ങളിൽ താല്പര്യം വർദ്ധിക്കും. ക്ഷേത്ര ദർശനം മനസിന് ശാന്തി നൽകും.

പൂരാടം - ധൈര്യത്തോടെ ഏത് പ്രതിസന്ധിയെയും നേരിടാൻ കഴിയും. എതിരാളികൾ പോലും നിങ്ങളെ അംഗീകരിക്കും. പുതിയ സംരംഭം തുടങ്ങാൻ നല്ല ദിവസമാണ്. സഹോദരന്റെ സഹായം ലഭിക്കും.

ഉത്രാടം - സർക്കാർ ജോലിക്ക് ശ്രമിക്കുന്നവർക്ക് നല്ല വാർത്ത ലഭിക്കും. ഓഫീസിലെ ഫയലുകൾ വേഗത്തിൽ നീങ്ങും. മേലധികാരികളിൽ നിന്ന് നല്ല അഭിപ്രായം ലഭിക്കും. വൈകുന്നേരം വിശ്രമിക്കാൻ സമയം കിട്ടും.

തിരുവോണം - അപ്രതീക്ഷിതമായി പണം കൈയിൽ വരും. ഭാഗ്യക്കുറി പോലുള്ള കാര്യങ്ങളിൽ ഭാഗ്യ പരീക്ഷണത്തിന് നല്ല ദിവസം. കച്ചവടത്തിൽ വലിയ ലാഭം ഉണ്ടാകും. വീട്ടിൽ സമൃദ്ധി നിറയും.

അവിട്ടം - സുഹൃത്തുക്കൾ വഴി വലിയ നേട്ടം ഉണ്ടാകും. ഒരുമിച്ച് യാത്ര പോകാൻ പദ്ധതി ഇടും. പഴയ കടം തിരിച്ചു കിട്ടും. മനസിന് ഉന്മേഷം തോന്നും.

ചതയം - ചെലവുകൾ അധികരിക്കാൻ സാദ്ധ്യതയുണ്ട്. അനാവശ്യ സാധനങ്ങൾ വാങ്ങുന്നത് ഒഴിവാക്കുക. ബഡ്ജറ്റ് തയ്യാറാക്കി മുന്നോട്ട് പോകുന്നത് നല്ലതാണ്. വൈകുന്നേരത്തോടെ സാമ്പത്തിക സ്ഥിതി നിയന്ത്രണത്തിലാകും.

പൂരുരുട്ടാതി - തൊഴിൽസ്ഥലത്തെ തർക്കങ്ങൾ പരിഹരിക്കപ്പെടും. സഹപ്രവർത്തകരുമായി നല്ല ബന്ധം ഉണ്ടാകും. മനസിന് സമാധാനം ലഭിക്കുന്ന ദിവസമാണ്. പുതിയ ഉത്തരവാദിത്തം ഏറ്റെടുക്കും.

ഉത്രട്ടാതി - വിവാഹ ആലോചനകൾ നടത്താൻ ഏറ്റവും അനുകൂലമായ ദിവസമാണ്. പ്രണയിക്കുന്നവർക്ക് വീട്ടുകാരുടെ സമ്മതം ലഭിക്കും. പുതിയ ബന്ധങ്ങൾ തുടങ്ങാൻ നല്ല സമയം. വൈകുന്നേരം സന്തോഷ വാർത്ത കേൾക്കും.

രേവതി - മനസിന് വളരെ ശാന്തത തോന്നുന്ന ദിവസമാണ്. ആത്മീയ ചിന്തകൾ മനസിൽ നിറയും. ധ്യാനിക്കാനും പ്രാർത്ഥിക്കാനും നല്ല സമയം. ആരോഗ്യവും മനസും ഒരുപോലെ ശാന്തമായിരിക്കും.