വിദ്യാർത്ഥിനിയെ പീഡിപ്പിക്കാൻ ശ്രമിച്ച അദ്ധ്യാപകൻ അറസ്റ്റിൽ

തിരുവനന്തപുരം: പതിനഞ്ചുകാരിയായ ട്യൂഷൻ വിദ്യാർത്ഥിയെ പീഡിപ്പിക്കാൻ ശ്രമിച്ച കേസിൽ അദ്ധ്യാപകൻ അറസ്റ്റിൽ. മുട്ടത്തറ ചാലിയറ പുതുവൽപുത്തൻവീട്ടിൽ രമേഷ് കുമാർ (37) ആണ് അറസ്റ്റിലായത്. മൂന്ന് വർഷം മുൻപാണ് കേസിനാസ്പദമായ സംഭവം.

പൂജപ്പുരയിലെ ട്യൂഷൻ സെന്ററിൽ വച്ചാണ് പീഡിപ്പിക്കാൻ ശ്രമിച്ചെന്ന് പെൺകുട്ടി നൽകിയ പരാതിയിൽ പറയുന്നു. പെൺകുട്ടി ഇപ്പോൾ ബിരുദത്തിന് പഠിക്കുകയാണ്.ഇപ്പോഴാണ് പെൺകുട്ടി പരാതി നൽകിയത്.പ്രതിയെ ഇന്ന് കോടതിയിൽ ഹാജരാക്കും.