കെ എസ് ആർ ടി​ സി​യി​ലെ 100കോടിയുടെ തട്ടിപ്പ്: പിടിമുറുക്കി ബിജുപ്രഭാകർ, വിജിലൻസ് അന്വേഷണത്തിനുളള ശുപാർശ ഉടൻ, സ്വന്തം വിജിലൻസ് വേണ്ടെന്നും നിലപാട്

തിരുവനന്തപുരം: കെ എസ് ആർ ടിസിയിലെ 100 കോടി രൂപയുടെ ക്രമക്കേടുമായി ബന്ധപ്പെട്ട് വിജിലൻസ് അന്വേഷണത്തിന് സി എം ഡി ശുപാർശ ചെയ്യും. ​എ​ക്സി​ക്യൂ​ട്ടീ​വ് ​ഡ​യ​റ​ക്ട​ർ​ ​കെ.​എം.​ ​ശ്രീ​കു​മാ​റി​ന്റെ വിശദീകരണത്തിന് ശേഷമായിരിക്കും തുടർ നടപടികൾ. ക്രമക്കേടുകൾ കെ എസ് ആർ ടിസിയുടെ വിജിലൻസ് വിഭാഗം അന്വേഷിക്കേണ്ടെന്നാണ് സി എം ഡി ബിജുപ്രഭാകറിന്റെ നിലപാട്. കെ എസ് ആർ ടിസി വിജിലൻസ് വിഭാഗത്തിന്റെ അന്വേഷണത്തിനെതിരെ നേരത്തേയും പരാതികൾ ഉയർന്നിരുന്നു. പോക്‌സോ കേസിൽ റിമാൻഡ് ചെയ്യപ്പെട്ട ജീവനക്കാരനെ തിരികെ ജോലിയിൽ പ്രവേശിപ്പിച്ച എക്‌സിക്യൂട്ടീവ് ഡയറക്ടർ പി.എം. ഷറഫ് മുഹമ്മദിനെതിരെയും നടപടിയുണ്ടാകും. ഇയാൾക്ക് കഴിഞ്ഞദിവസം കാരണം കാണിക്കൽ നോട്ടീസ് നൽകിയിരുന്നു.

കഴിഞ്ഞദിവസം സി എം ഡി വിളിച്ചുചേർത്ത വാർത്താസമ്മേളനത്തിലായിരുന്നു 2012 - 2015 കാലയളവി​ൽ 100 കോടിരൂപ കണക്കിൽ കാണിച്ചിട്ടില്ലെന്ന് തുറന്നുപറഞ്ഞത്. കൂടുതൽ പണം നഷ്ടപ്പെട്ടിട്ടുണ്ടോയെന്ന കാര്യത്തിൽ വിശദമായ പരിശോധന നടത്തുമെന്നും കെ എസ് ആർ ടിസിയിൽ അടിമുടി അഴിച്ചുപണി ആവശ്യമെണെന്നും ബിജു പ്രഭാകർ പറഞ്ഞു.ടിക്കറ്റ് മെഷീനിൽ ഉൾപ്പടെ കൃത്രിമം കാട്ടി വൻ തുക കൊള്ളയടിക്കുന്നതായി കണ്ടെത്തിയെന്നും അദ്ദേഹം വ്യക്തമാക്കി​യി​രുന്നു.

സ്ഥാ​പ​ന​ത്തി​ലെ​ ​പ​ത്തു​ശ​ത​മാ​ന​ത്തോ​ളം​ ​പേ​ർ​ ​മാ​ത്ര​മാ​ണ് ​കു​ഴ​പ്പ​ക്കാ​രെ​ന്ന് ​ബി​ജു​ ​പ്ര​ഭാ​ക​ർ​ ​വ്യ​ക്ത​മാ​ക്കി​യെ​ങ്കി​ലും​ ​അ​ദ്ദേ​ഹ​ത്തി​നെ​തി​രെ​ ​തൊ​ഴി​ലാ​ളി​ ​സം​ഘ​ട​ന​കൾ ​ ​രം​ഗ​ത്തു​ ​വ​ന്നു.​നേ​ര​ത്തേ​ ​അ​ക്കൗ​ണ്ടിം​ഗ് ​വി​ഭാ​ഗ​ത്തി​ന്റെ​ ​മേ​ധാ​വി​യാ​യി​രി​ക്കു​ക​യും​ ​നി​ല​വി​ൽ​ ​പെ​ൻ​ഷ​ൻ​ ​ആ​ൻ​ഡ് ​ഓ​ഡി​റ്റ് ​വി​ഭാ​ഗ​ത്തി​ന്റെ​ ​ചു​മ​ത​ല​ ​വ​ഹി​ക്കു​ക​യും​ ​ചെ​യ്യു​ന്ന​ ​എ​ക്സി​ക്യൂ​ട്ടീ​വ് ​ഡ​യ​റ​ക്ട​ർ​ ​കെ.​എം.​ ​ശ്രീ​കു​മാ​റി​നെ​ ​അ​ന്വേ​ഷ​ണ​ത്തി​ന്റെ​ ​ഭാ​ഗ​മാ​യി​ ​സെ​ൻ​ട്ര​ൽ​ ​സോ​ണി​ലേ​ക്ക് ​(​എ​റ​ണാ​കു​ളം​)​ സ്ഥ​ലം​ ​മാ​റ്റി.​ ​അ​വി​ടെ​ ​ഓ​പ്പ​റേ​ഷ​ൻ​ ​ചു​മ​ത​ല​ ​ന​ൽ​കി​യി​ട്ടി​ല്ല.​ ​ശ്രീ​കു​മാ​റി​നെ​തി​രെ​ ​ക്രി​മി​ന​ൽ​ ​കേ​സ് ​ഉ​ൾ​പ്പെ​ടെ​യു​ള്ള​ ​ന​ട​പ​ടി​ക​ൾ​ ​ഉ​ണ്ടാ​കു​മെ​ന്ന് ​ബി​ജു​ ​പ്ര​ഭാ​ക​ർ​ ​പ​റ​ഞ്ഞു.

2012​-15​ ​കാ​ല​ഘ​ട്ട​ത്തി​ൽ​ ​ശ്രീ​കു​മാ​റി​നാ​യി​രു​ന്നു​ ​അ​ക്കൗ​ണ്ടിം​ഗ് ​വി​ഭാ​ഗ​ത്തി​ന്റെ​ ​ചു​മ​ത​ല.​ ​കെ.​എ​സ്.​ആ​ർ.​ടി.​സി​ക്ക് ​ന​ൽ​കി​യ​ ​വാ​യ്പ​യി​ൽ​ 350​ ​കോ​ടി​ ​രൂ​പ​ ​തി​രി​കെ​ ​അ​ട​ച്ചി​ട്ടി​ല്ലെ​ന്ന് ​ഏ​റെ​ക്കാ​ല​മാ​യി​ ​കെ.​ടി.​ഡി.​എ​ഫ്.​സി​ ​പ​രാ​തി​പ്പെ​ടു​ന്നു​ണ്ട്.​ ​ഇ​തേ​ ​തു​ട​ർ​ന്ന് ​ഭ​ര​ണ​സ​മി​തി​ ​അം​ഗ​മാ​യ​ ​അ​ഡി.​ ​സെ​ക്ര​ട്ട​റി​ ​എ​സ്.​ ​അ​നി​ൽ​കു​മാ​ർ​ ​ന​ട​ത്തി​യ​ ​വ​കു​പ്പു​ത​ല​ ​അ​ന്വേ​ഷ​ണ​ത്തി​ലാ​ണ് 100​ ​കോ​ടി​യു​ടെ​ ​ക്ര​മ​ക്കേ​ട് ​ക​ണ്ടെ​ത്തി​യ​ത്.അ​തേ​സ​മ​യം​ ​വാ​ർ​ത്താ​സ​മ്മേ​ള​ന​ത്തി​ൽ​ ​തൊ​ഴി​ലാ​ളി​ ​വി​രു​ദ്ധ​ ​പ​രാ​മ​ർ​ശ​ങ്ങ​ൾ​ ​ന​ട​ത്തി​യെ​ന്ന് ​ആ​രോ​പി​ച്ച് ​തൊ​ഴി​ലാ​ളി​ ​സം​ഘ​ട​ന​ക​ൾ​ ​പ്ര​തി​ഷേ​ധി​ച്ചു.​ ​ഭ​ര​ണാ​നു​കൂ​ല​ ​സം​ഘ​ട​ന​ക​ൾ​ക്കും​ ​എം.​ഡി​ക്കെ​തി​രെ​ ​ക​ടു​ത്ത​ ​പ്ര​തി​ഷേ​ധ​മു​ണ്ട്.

അതേസമയം, മ​ന്ത്രി​മാരായ ​തോ​മ​സ് ​ഐ​സ​ക്,​ ​​എ.​കെ.​ശ​ശീ​ന്ദ്ര​ൻ​ ​എ​ന്നി​വ​രു​മാ​യി​ ​കൂ​ടി​ക്കാ​ഴ്ച​ ​ന​ട​ത്തി​യ​ശേ​ഷ​മാ​ണ് ​ബി​ജു​ ​പ്ര​ഭാ​ക​ർ​ ​വാ​ർ​ത്താ​സ​മ്മേ​ള​നം​ ​ന​ട​ത്തി​യ​ത്.​ ​കെ.​എ​സ്.​ആ​ർ.​ടി.​സി​യെ​ ​ലാ​ഭ​ത്തി​ലാ​ക്കാ​നാ​ണ് ​എ​ൽ.​ഡി.​എ​ഫ് ​സ​ർ​ക്കാ​ർ​ ​അ​ധി​കാ​ര​ത്തി​ലെ​ത്തി​യ​തു​ ​മു​ത​ൽ​ ​ശ്ര​മി​ച്ചു​വ​രു​ന്ന​ത്.​ ​ഈ​ ​സ​ർ​ക്കാ​രി​ന്റെ​ ​കാ​ല​ത്തെ​ ​ആ​റാ​മ​ത്തെ​ ​മാ​നേ​ജിം​ഗ് ​ഡ​യ​ക്ട​റാ​ണ് ​ബി​ജു​ ​പ്ര​ഭാ​ക​ർ.