ബഷീർ മാഗസിൻ പുരസ്കാരം കോട്ടയം മെഡി.കോളേജിന്

കോഴിക്കോട്: ബാങ്ക്‌ മെൻസ് ക്ലബിന്റെ നേതൃത്വത്തിലുള്ള ബഷീർ മാഗസിൻ പുരസ്കാരത്തിന് കോട്ടയം ഗവ.മെഡിക്കൽ കോളേജിന്റെ 'അഃ:' മാഗസിൻ അർഹമായി. 10,000രൂപയും പ്രശസ്തിപത്രവും അടങ്ങുന്ന അവാർഡ്. തിരൂർ തുഞ്ചത്തെഴുത്തച്ഛൻ മലയാള സർവകലാശാലയുടെ ' ചാകൊലി' ക്ക് രണ്ടും തിരൂരങ്ങാടി എ.എസ്.എം.ഒ കോളേജിന് മൂന്നാം സ്ഥാനവും ലഭിച്ചു. നാളെ വൈകിട്ട് 5.30ന് കോഴിക്കോട് ടൗൺഹാളിൽ നടക്കുന്ന ബഷീർ അനുസ്മരണത്തിൽ അവാർഡുകൾ വിതരണം ചെയ്യും. വാർത്താ സമ്മേളനത്തിൽ ബാങ്ക് മെൻസ് ക്ലബ് പ്രസിഡന്റ് ജെയിംസ് ലാസർ, ജനറൽ സെക്രട്ടറി അർജുൻ.സി, വി.ഗിരീശൻ, കെ.നിധീഷ് എന്നിവർ പങ്കെടുത്തു.