ഇനി മൃഗങ്ങളെ തോന്നിയത് പോലെ വളര്‍ത്താനാകില്ല; വഴിയില്‍ ഉപേക്ഷിച്ചാലും പണി കിട്ടും

തിരുവനന്തപുരം: വളര്‍ത്തു നായകളെ വഴിയില്‍ ഉപേക്ഷിക്കുന്നവര്‍ക്ക് പിഴ ചുമത്താന്‍ സംസ്ഥാന സര്‍ക്കാര്‍ തീരുമാനം. 10,000 രൂപയാണ് പിഴയായി ചുമത്തുക. ലൈസന്‍സ് ഇല്ലാതെ നായകളെ വളര്‍ത്തുന്നവര്‍ക്കെതിരെയും പിഴ ചുമത്തും.

വീട്ടില്‍ മൃഗങ്ങളെ വളര്‍ത്തുന്നതിന് ലൈസന്‍സിംഗും അതോടൊപ്പം പ്രതിരോധ കുത്തിവയ്പ്പും നര്‍ബന്ധമാക്കാനാണ് സംസ്ഥാന സര്‍ക്കാരിന്റെ തീരുമാനം. വളര്‍ത്ത് നായകള്‍ക്ക് മൈക്രോ ചിപ്പ് ഘടിപ്പിക്കുന്ന സംവിധാനവും പരിഗണനയിലാണ്.

അനുമതി ഇല്ലാതെ ബ്രീഡിംഗ് കേന്ദ്രങ്ങള്‍, പെറ്റ് ഷോപ്പുകള്‍ എന്നിവ നടത്തിയാലും പതിനായിരം രൂപ പിഴ ചുമത്താനാണ് തീരുമാനം.