എം.ടെക് പ്രവേശനം: അപേക്ഷ 5വരെ

തിരുവനന്തപുരം: സാങ്കേതിക സർവകലാശാലയിൽ (കെ.ടി.യു) എം.ടെക് പ്രവേശനത്തിന് 5വരെ www.lbsapplications.kerala.gov.inൽ അപേക്ഷിക്കാം. ഇൻഫ്രാ‌സ്ട്രക്ടർ എൻജിനിയറിംഗ് ആൻഡ് മാനേജ്മെന്റ് (സ്കൂൾ ഒഫ് ബിൽഡിംഗ് സയൻസസ്), എംബെഡ്ഡ് സിസ്റ്റംസ് ടെക്നോളോജിസ് (സ്കൂൾ ഒഫ് കമ്മ്യൂണിക്കേഷൻ സയൻസസ്), ഇലക്ട്രിക്കൽ വെഹിക്കിൾ ടെക്നോളജി (സ്കൂൾ ഒഫ് ഇലക്ട്രിക്കൽ സയൻസസ്), മെക്കാനിക്കൽ ആൻഡ് മെറ്റീരിയൽസ് ടെക്നോളജി (സ്കൂൾ ഒഫ് മെക്കാനിക്കൽ സയൻസസ്) എന്നിവയാണ് കോഴ്സുകൾ. 18 സീറ്റുകൾ വീതമാണുള്ളത്. ഗേറ്റ് സ്കോറും യോഗ്യതാ പരീക്ഷയിലെ മാർക്കും അടിസ്ഥാനമാക്കിയാണ് പ്രവേശനം. ഉയർന്ന പ്രായപരിധിയില്ല.