ബി ജെ പിയുടെ അജണ്ട കേരളത്തിൽ നടപ്പാകില്ല ,​ മതവിഭാഗങ്ങളിലെ ചിലരെ പ്രീണിപ്പിക്കാൻ സംഘപരിവാർ ശ്രമമെന്ന് മുഖ്യമന്ത്രി പിണറായി വിജയൻ

കണ്ണൂർ : ബി.ജെ,​പിയുടെ അജണ്ട നടപ്പാക്കാനാകുന്ന നാടല്ല കേരളമെന്ന് മുഖ്യമന്ത്രി പിണറായി വിജയൻ പറഞ്ഞു.ഒരു വർഗീയതയോടും കേരളത്തിൽ വിട്ടുവീഴ്ച ഇല്ലാത്ത സമീപനമാണെന്നും മുഖ്യമന്ത്രി വ്യക്തമാക്കി. കണ്ണൂർ പെരളശേരിയിൽ ഇ,​എം.എസ്,​ എ.കെ.ജി അനുസ്മരണ റാലി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കേരളത്തിൽ മതവിഭാഗങ്ങളിലെ ചിലർ പ്രീണിപ്പിക്കാൻ സംഘപരിവാർ ശ്രമിക്കുന്നു,​ മതന്യൂനപക്ഷ വിഭാഗങ്ങളിലെ ചില പ്രധാനികളെ അവർ സമീപിക്കുന്നുണ്ട്. പക്ഷേ വലിയ സ്വീകാര്യത അതിന് കിട്ടുന്നില്ല. ഏത് തെറ്റായ നീക്കത്തിനും ചിലരെ വീഴ്‌ത്താൻ പറ്റും. ആ ചിലർ പൊതുവായതല്ല,​ പൊതുവികാരവുമല്ലെന്ന് മുഖ്യമന്ത്രി തലശേരി ബിഷ്പ്പ് പാംപ്ലാനിക്കെതിരായ പരോക്ഷ വിമർശനത്തിൽ വ്യക്തമാക്കി.

കേരളത്തിന്റെ അന്തരീക്ഷം അല്ല മറ്റിടങ്ങളിൽ ക്രൈസ്തവർക്കടക്കം ഉള്ളതെന്നും മുഖ്യന്ത്രി പറ‌ഞ്ഞു. മതനിരപേക്ഷത സംരക്ഷിക്കപ്പടണം എന്നാണ് പൊതുവികാരപം. വർഗീയതയുടെ ഏറ്റവും വലിയ രൂപമാണ് ആർ,​എസ്.എസ്. അതിന്റെ രാഷ്ട്രീയ രൂപമാണ് ബി,​ജെ.പി. അത് ആർക്കും പറഞ്ഞുകൊടുക്കേണ്ട കാര്യമില്ല. മതനിരപേക്ഷ ചിന്താഗതിക്കാർ ഇവരെ മാറ്റിനിറുത്തുകയാണ്. ഏതെങ്കിലും അവസരവാദികളായ ആളുകളെ സുഖിപ്പിക്കുന്ന വർത്തമാനത്തിന് കിട്ടുമെന്ന് കരുതി അത് പൊതുവികാരമെന്ന് കരുതണ്ട,​ കേരളത്തിൽ ഒരു സീറ്റ്കിട്ടാൻ വേണ്ടി ജനസംഘമായ കാലം മുതൽ കളി തുടങ്ങിയതാണ്. ഒരു ബി.ജെ.പി നേതാവ് നിയമസഭയിൽ വരുന്നത് 2016ലാണ്. ചരിത്രം മറക്കരുത്. നാണംകെട്ട സംഭവമാണെങ്കിലും അത് ഓർക്കണമെന്നും അദ്ദേഹം പറഞ്ഞു.