പോസ്റ്റർ ബാലറ്റ് തിരുത്തൽ പരാമർശം: കേസിൽ കുടുങ്ങി ജി. സുധാകരൻ

ആലപ്പുഴ / തിരുവനന്തപുരം: 1989ലെ ലോക്‌സഭാ തിരഞ്ഞെടുപ്പിൽ ആലപ്പുഴയിലെ പോസ്റ്റൽ വോട്ടുകൾ തിരുത്തിയെന്ന് വെളിപ്പെടുത്തിയ സി.പി.എം നേതാവും മുൻമന്ത്രിയുമായ ജി. സുധാകരനെതിരെ കേസെടുക്കും. സുധാകരനെതിരെ നടപടിയെടുക്കാൻ സംസ്ഥാന മുഖ്യതിരഞ്ഞെടുപ്പ്​ ഓഫീസർ ഡോ. രത്തൻ യു. ഖേൽക്കർ ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടറോട് നിർദ്ദേശിച്ചു.

ഗുരുതര നിയമലംഘനമായതിനാൽ എഫ്​.​ഐ.ആറിട്ട്​ കേസെടുത്ത്​ വിശദ അന്വേഷണം നടത്താമെന്നാണ്​ തിരഞ്ഞെടുപ്പ്​ കമ്മി​ഷന്റെ കണ്ടെത്തൽ. ഇതേത്തുടർന്ന്​ ജില്ലാ കളക്ടറുടെ നിർദ്ദേശപ്രകാരം അമ്പലപ്പുഴ തഹസിൽദാർ കെ. അൻവറിന്റെ നേതൃത്വത്തിലുള്ള ഉദ്യോഗസ്ഥസംഘം​​ പുന്നപ്ര പറവൂരിലെ വീട്ടിലെത്തി സുധാകരന്റെ മൊഴിയെടുത്തു. ഇന്നലെ ഉച്ചയ്‌ക്ക് 2.30ന് തുടങ്ങിയ മൊഴിയെടുപ്പ് 40 മിനിട്ടിലേറെ നീണ്ടു. മൊഴിയെടുപ്പ് പൂർത്തിയായെന്നും വിശദ റിപ്പോർട്ട്​ കളക്ടർക്ക്​ നൽകുമെന്നും കെ. അൻവർ പറഞ്ഞു. അതേസമയം എല്ലാം ഉദ്യോഗസ്ഥരോട് പറഞ്ഞിട്ടുണ്ടെന്നായിരുന്നു ജി. സുധാകരന്റെ പ്രതികരണം.

എൻ.ജി.ഒ യൂണിയൻ സംസ്ഥാന സമ്മേളനത്തിന്റെ ഭാഗമായി ആലപ്പുഴയിൽ സംഘടിപ്പിച്ച പൂർവകാല നേതൃസംഗമത്തിലായിരുന്നു സുധാകരന്റെ വിവാദ വെളിപ്പെടുത്തൽ. 1989ൽ ആലപ്പുഴ ലോക്‌സഭ മണ്ഡലത്തിൽ ഇടത് സ്ഥാനാർത്ഥിയും സി.പി.എമ്മിന്റെ സർവീസ് സംഘടനയായ കെ.എസ്.ടി.എയുടെ നേതാവുമായിരുന്ന കെ.വി. ദേവദാസിനായി തപാൽവോട്ടുകൾ പൊട്ടിച്ച് തിരുത്തിയെന്നതായി​രുന്നു പരാമർശം. ജില്ലാ കമ്മിറ്റി ഓഫീസിലായിരുന്നു സംഭവം. തിരഞ്ഞെടുപ്പ്​ കമ്മിഷൻ തനിക്കെതി​രെ കേസെടുത്താലും കുഴപ്പമില്ലെന്നും അദ്ദേഹം പറഞ്ഞിരുന്നു. സുധാകരനായിരുന്നു അന്ന് തിരഞ്ഞെടുപ്പ് കമ്മിറ്റി സെക്രട്ടറി.

യൂണിയൻ പ്രവർത്തകർ ജാഗ്രത പുലർ‌ത്തുന്നതിനാണ് അത്തരത്തിൽ പ്രസംഗിച്ചതെന്നാണ് സുധാകരനോട് അടുത്ത വൃത്തങ്ങൾ വ്യക്തമാക്കുന്നത്. സുധാകരനെതിരെ കേസെടുക്കണമെന്നാവശ്യപ്പെട്ട് ഹൈക്കോടതി അഭിഭാഷകനും പൊതു പ്രവർത്തകനുമായ കുളത്തൂർ ജയ്‌സിംഗ് ആലപ്പുഴ സൗത്ത് പൊലീസ് സ്റ്റേഷനിൽ പരാതി നൽകി.

 അന്ന് ജയം വക്കത്തിനൊപ്പം

1951ലെ ജനപ്രാതിനിധ്യ നിയമത്തിലെ 136,128 ഉൾപ്പെടെയുള്ള വകുപ്പുകൾ, 1961ലെ തിരഞ്ഞെടുപ്പ് നടത്തിപ്പ് ചട്ടങ്ങൾ, ഭാരതീയ ന്യായസംഹിത എന്നിവ അനുസരിച്ച് നടപടിയെടുക്കാനാണ് രത്തൻ യു. ഖേൽക്കർ നിർദ്ദേശിച്ചത്. സ്വതന്ത്രവും നീതിയുക്തവും സുതാര്യവുമായാണ് രാജ്യത്ത് തിരഞ്ഞെടുപ്പുകൾ നടത്തുന്നത്. തപാൽ വോട്ടുകൾ പൊട്ടിച്ച് തിരുത്തിയെന്ന വാർത്ത ഗൗരവമായി കാണുന്നുവെന്നും അദ്ദേഹം വ്യക്തമാക്കി. 1989ൽ വക്കം പുരുഷോമനായിരുന്നു ആലപ്പുഴയിലെ യു.ഡി.എഫ് സ്ഥാനാർത്ഥി. പോസ്റ്റൽ വോട്ട് എൽ.ഡി.എഫ് തിരുത്തിയെങ്കിലും 25,123 വോട്ടിന്റെ ഭൂരിപക്ഷത്തിൽ വക്കം ജയിച്ചു.

 പ​റ​ഞ്ഞ​തെ​ല്ലാം​ ​ഭാ​വ​ന: ജി.​ ​സു​ധാ​ക​ര​ൻ​

ചേ​ർ​ത്ത​ല​:​ ​വി​വാ​ദ​മാ​യ​ ​പോ​സ്റ്റ​ൽ​ ​ബാ​ല​റ്റ് ​തി​രു​ത്ത​ൽ​ ​പ​രാ​മ​ർ​ശം​ ​താ​ൻ​ ​അ​ല്പം​ ​ഭാ​വ​ന​ ​ക​ല​ർ​ത്തി​ ​പ​റ​ഞ്ഞ​താ​ണെ​ന്ന് ​സി.​പി.​എം​ ​നേ​താ​വ് ​ജി.​ ​സു​ധാ​ക​ര​ൻ​ ​പ​റ​ഞ്ഞു.​ ​ചേ​ർ​ത്ത​ല​ ​ക​ട​ക്ക​ര​പ്പ​ള്ളി​യി​ൽ​ ​സി.​പി.​ഐ​ ​ലോ​ക്ക​ൽ​ ​സ​മ്മേ​ള​ന​ത്തി​നു​ ​മു​ന്നോ​ടി​യാ​യി​ ​ആ​ദ്യ​കാ​ല​ ​നേ​താ​ക്ക​ളു​ടെ​ ​സം​ഗ​മം​ ​ഉ​ദ്ഘാ​ട​നം​ ​ചെ​യ്യു​ക​യാ​യി​രു​ന്നു​ ​അ​ദ്ദേ​ഹം.​ ​ബാ​ല​റ്റ് ​ആ​രും​ ​തി​രു​ത്തി​യി​ട്ടി​ല്ല.​ ​ആ​ ​രീ​തി​ ​പാ​ർ​ട്ടി​യി​ലി​ല്ല.​ ​എ​ൻ.​ജി.​ഒ​ ​യൂ​ണി​യ​ൻ​ ​സ​മ്മേ​ള​ന​ത്തി​ന് ​മു​ന്നോ​ടി​യാ​യി​ ​ന​ട​ന്ന​ ​ആ​ദ്യ​കാ​ല​പ്ര​വ​ർ​ത്ത​ക​രു​ടെ​ ​സം​ഗ​മ​ത്തി​ലെ​ത്തി​യ​പ്പോ​ൾ​ ​ചി​ല​ർ​ ​പോ​സ്റ്റ​ൽ​ ​വോ​ട്ട് ​പാ​ർ​ട്ടി​ക്ക് ​ചെ​യ്യാ​റി​ല്ലെ​ന്നും​ ​ഇ​ത് ​പ്ര​സം​ഗ​ത്തി​ൽ​ ​പ​രാ​മ​ർ​ശി​ക്ക​ണ​മെ​ന്നും​ ​ഒ​രു​ ​നേ​താ​വ് ​സൂ​ചി​പ്പി​ച്ചി​രു​ന്നു.​ ​ഇ​ക്കാ​ര്യം​ ​പൊ​തു​വേ​ ​പ​റ​ഞ്ഞ​പ്പോ​ൾ​ ​അ​ല്പം​ ​ഭാ​വ​ന​ ​ക​ല​ർ​ത്തി​ ​അ​വ​ത​രി​പ്പി​ച്ച​താ​ണ്.
20​ ​വ​ർ​ഷം​ ​എം.​എ​ൽ.​എ​യാ​യി​രു​ന്ന​ ​താ​ൻ​ ​ബാ​ല​റ്റ് ​പ​രി​ശോ​ധ​യി​ൽ​ ​പ​ങ്കാ​ളി​യാ​യി​ട്ടി​ല്ല.​ ​ക​ള്ള​വോ​ട്ടു​ ​ചെ​യ്യാ​നോ​ ​പ്രോ​ത്സാ​ഹി​പ്പി​ക്കാ​നോ​ ​ത​യ്യാ​റാ​യി​ട്ടു​മി​ല്ല.​ ​പോ​ളിം​ഗ് ​ബൂ​ത്തി​ൽ​ ​പോ​യി​ ​വോ​ട്ടു​ചെ​യ്യു​ന്ന​ത്ര​ ​ര​ഹ​സ്യ​സ്വ​ഭാ​വം​ ​പ​ല​പ്പോ​ഴും​ ​പോ​സ്റ്റ​ൽ​ ​ബാ​ല​റ്റി​ൽ​ ​വ​രു​ന്നി​ല്ല.​ ​പോ​സ്റ്റ​ൽ​ ​ബാ​ല​റ്റി​ന്റെ​ ​സ​മാ​ഹ​ര​ണം​ ​എ​ല്ലാ​ ​പാ​ർ​ട്ടി​ക​ളും​ ​ന​ട​ത്തു​ന്നു​ണ്ട്.​ ​വാ​ക്കു​ക​ളും​ ​വാ​ക്യ​ങ്ങ​ളും​ ​അ​ട​ർ​ത്തി​യെ​ടു​ത്തു​ ​മാ​ദ്ധ്യ​മ​ങ്ങ​ൾ​ ​കൊ​ടു​ക്കു​മ്പോ​ഴാ​ണ് ​പ​ല​പ്പോ​ഴും​ ​ച​ർ​ച്ച​ക​ളാ​കു​ന്ന​ത്.​ ​പാ​ർ​ട്ടി​യു​ടെ​ ​പ്രാ​ഥ​മി​ക​ ​അം​ഗ​ത്വ​മാ​ണ് ​മ​ഹ​നീ​യ​ ​സ്ഥാ​ന​മെ​ന്നും​ ​സു​ധാ​ക​ര​ൻ​ ​പ​റ​ഞ്ഞു.

പ്രസംഗത്തെക്കുറിച്ച് മാത്രമാണ് ഉദ്യോഗസ്ഥർ ചോദിച്ചത്. ബാക്കി നടപടികൾ കളക്ടർ ചെയ്യട്ടെ. കൊലക്കുറ്റമൊന്നും ചെയ്തിട്ടില്ല

- ജി.സുധാകരൻ

പാർട്ടി ബാലറ്ര് പേപ്പറിൽ തിരിമറി ചെയ്യാറില്ല. സുധാകരന്റെ വെളിപ്പെടുത്തലിൽ വിശദീകരണം ചോദിക്കും

-ആർ. നാസർ, സി..പി.എം ജില്ലാ സെക്രട്ടറി

ജി.സുധാകരൻ പറഞ്ഞത് സത്യമാണ്. അദ്ദേഹത്തിന് ഇനിയും സത്യങ്ങൾ വെളിപ്പെടുത്താനുണ്ടാകും. ബാലറ്റ് അട്ടിമറി സി.പി.എം സ്ഥിരമായി ചെയ്യുന്നതാണ്

-എ.എ.ഷുക്കൂർ, കെ.പി.സി.സി ജനറൽ സെക്രട്ടറി