അൻവറിന്റെ മുന്നണി പ്രവേശനം: കോൺഗ്രസിൽ ആശയക്കുഴപ്പം

തൃണമൂൽ സ്ഥാനാർത്ഥിയെ ഇറക്കുമെന്ന് അൻവറിന്റെ ഭീഷണി

മലപ്പുറം: പി.വി.അൻവറിന്റെ യു.ഡി.എഫ് പ്രവേശനത്തെച്ചൊല്ലി കോൺഗ്രസിൽ ചർച്ച മുറുകുന്നു. മുന്നണി പ്രവേശനമില്ലാത്തതിലും യു.ഡി.എഫിന്റെ സ്ഥാനാർത്ഥി നിർണ്ണയത്തിലുമുള്ള അതൃപ്തി പരസ്യമാക്കിയ അൻവർ ,തൃണമൂൽ കോൺഗ്രസ് സ്വന്തം സ്ഥാനാർത്ഥിയെ മത്സരത്തിനിറക്കുമെന്ന സൂചനയും നൽകിയിട്ടുണ്ട്.

ആര്യാടൻ ഷൗക്കത്തിനെ പരസ്യമായി എതിർത്തതിൽ പ്രതിഷേധമുണ്ടെങ്കിലും തിരഞ്ഞെടുപ്പ് വേളയിൽ അൻവറിനെ പിണക്കുന്നത് നല്ലതല്ലെന്ന ചിന്ത കോൺഗ്രസിലുണ്ട്.

ഉപ തിരഞ്ഞെടുപ്പുമായും യു.ഡി.എഫിന്റെ പ്രവർത്തനങ്ങളുമായും സഹകരിക്കുമോയെന്ന് അൻവർ തീരുമാനിക്കണമെന്ന് ഇന്നലെയും പ്രതിപക്ഷ നേതാവ് വി.ഡി.സതീശൻ ആവർത്തിച്ചു. നിലമ്പൂരിലെ യു.ഡി.എഫ് സ്ഥാനാർത്ഥിയെ അൻവർ തള്ളിപ്പറഞ്ഞത് അംഗീകരിക്കാനാവില്ലെന്ന് കെ.പി.സി.സി പ്രസിഡന്റ് സണ്ണി ജോസഫും വ്യക്തമാക്കി. അതിനിടെ,​ അൻവറിനനുകൂലമായ പ്രസ്താവനയുമായി മുൻ കെ.പി.സിസി പ്രസിഡന്റ് കെ. സുധാകരൻ രംഗത്തെത്തിയത് കോൺഗ്രസിൽ ആശയക്കുഴപ്പമുണ്ടെന്ന സൂചന നൽകി.

അൻവറും കോൺഗ്രസും തമ്മിലുള്ള പ്രശ്നപരിഹാരത്തിന് മുസ്ലിം ലീഗ് നേതാവ് പി.കെ.കുഞ്ഞാലിക്കുട്ടി മുൻകൈയെടുത്ത് കെ.സി.വേണുഗോപാലും,മറ്റ് ചില കോൺഗ്രസ്

നേതാക്കളുമായി സംസാരിച്ചു.

മുഖത്ത് ചവിട്ടുന്നു:

അൻവർ

യു.ഡി.എഫ് തന്നെ വസ്‌ത്രാക്ഷേപം നടത്തി തെരുവിലേക്ക് വിട്ടിരിക്കുകയാണെന്നും കാല് പിടിക്കുമ്പോൾ മുഖത്ത് ചവിട്ടുകയാണെന്നും അൻവർ ഇന്നലെ പത്രസമ്മേളനത്തിൽ ആരോപിച്ചിരുന്നു. കെ.സി. വേണുഗോപാലിലാണ് ഇനി പ്രതീക്ഷയെന്നും കൂട്ടത്തിൽ കൂട്ടാൻ പറ്റാത്ത ചൊറിയും ചിരങ്ങും പിടിച്ച ഒരുത്തനാണോ താനെന്ന് വേണുഗോപാലിനോട് ചോദിക്കുമെന്നും അൻവർ പറഞ്ഞു. കെ. സുധാകരന്റെയും രമേശ് ചെന്നിത്തലയുടെയും പിന്തുണ തനിക്കുണ്ടെന്ന് പറഞ്ഞ അൻവർ ,വി.ഡി. സതീശനാണ് മുന്നണി പ്രവേശനം തടയുന്നതിന് പിന്നിലെന്ന് പരോക്ഷമായി സൂചിപ്പിച്ചു.

യു.ഡി.എഫ് തീരുമാന പ്രകാരം സതീശനുമായി കൂടിക്കാഴ്ച നടത്തുകയും യോജിച്ച് പോകാൻ തീരുമാനിക്കുകയും ചെയ്തിരുന്നു. വിവരം രണ്ടു ദിവസത്തിനകം വാർത്താസമ്മേളനം വിളിച്ച് പറയുമെന്ന് പറഞ്ഞ പ്രതിപക്ഷ നേതാവ് പിന്നീട് ഒരക്ഷരം പറഞ്ഞില്ല. സതീശനെ ആര്,​ എങ്ങനെ പറ്റിച്ചെന്നും ജനങ്ങളോട് പറയും. പ്രതിപക്ഷ നേതാവ് മാത്രമല്ല ഇതിൽ കുറ്റക്കാരൻ. അദ്ദേഹത്തെ ഈ കുഴിയിൽ ചാടിച്ച ഒന്നു രണ്ട് ആളുകളുണ്ട്. യു.ഡി.എഫ് സഹകരിപ്പിച്ചില്ലെങ്കിൽ ടി.എം.സി സ്വന്തം സ്ഥാനാർത്ഥിയെ മത്സരിപ്പിക്കുമെന്നും ബംഗാൾ മുഖ്യമന്ത്രി മമതാ ബാനർജി ഉൾപ്പെടെയുള്ള പ്രമുഖരെ മണ്ഡലത്തിലെത്തിച്ച് പ്രചാരണം കടുപ്പിക്കുമെന്നും അൻവർ പ്രഖ്യാപിച്ചിട്ടുണ്ട്. ഇനി കാലു പിടിക്കാനില്ല -അൻവർ പറഞ്ഞു.

നി​ല​മ്പൂ​രി​ലെ​ ​യു.​ഡി.​എ​ഫ് ​സ്ഥാ​നാ​ർ​ത്ഥി​യെ​ ​പി.​വി.​അ​ൻ​വ​ർ​ ​ത​ള്ളി​പ്പ​റ​ഞ്ഞ​ത് ​അം​ഗീ​ക​രി​ക്കാ​ൻ​ ​ക​ഴി​യി​ല്ല. എ.​ഐ.​സി​സി​ ​ഒ​രു​ ​സ്ഥാ​നാ​ർ​ത്ഥി​യെ​ ​പ്ര​ഖ്യാ​പി​ച്ചാ​ൽ​ ​യു.​ഡി.​എ​ഫി​ന്റെ​ ​ഭാ​ഗ​മാ​കാ​ൻ​ ​ആ​ഗ്ര​ഹി​ക്കു​ന്ന​ ​ഒ​രാ​ളും​ ​പാ​ർ​ട്ടി​യും​ ​അ​തി​നോ​ട് ​പ​ര​സ്യ​മാ​യി​ ​വി​യോ​ജി​പ്പ് ​പ്ര​ക​ടി​പ്പി​ക്കു​ന്ന​ത് ​എ​ങ്ങ​നെ​ ​അം​ഗീ​ക​രി​ക്കും.​
സ​ണ്ണി​ ​ജോ​സ​ഫ് ,കെ.​പി.​സി.​സി​ ​പ്ര​സി​ഡ​ന്റ് ​

പി.​വി.​അ​ൻ​വ​റി​നെ​ ​ഒ​റ്റ​പ്പെ​ടു​ത്ത​ണ​മെ​ന്ന​ ​ചി​ന്താ​ഗ​തി​ ​യു.​ഡി.​എ​ഫിൽ ആ​ർ​ക്കു​മി​ല്ല. ഇ​ട​തു​പ​ക്ഷ​ ​മു​ന്ന​ണി​ക്കെ​തി​രെ​ ​ശ​ക്ത​മാ​യ​ ​ആ​ക്ര​മ​ണം​ ​അ​ഴി​ച്ചു​ ​വി​ട്ട​ ​വ്യ​ക്തി​യാ​യ​തി​നാ​ൽ​ ​അ​ദ്ദേ​ഹ​ത്തെ​ ​സം​ര​ക്ഷി​ക്കേ​ണ്ട​ ​ഘ​ട്ടം​ ​വ​ന്നാ​ൽ​ ​അ​ത് ​ചെ​യ്യ​ണ​മെ​ന്ന് ​ചി​ന്തി​ക്കു​ന്ന​വ​രാ​ണ് ​യു.​ഡി.​എ​ഫി​ലു​ള്ള​ത്.​ ​ക​മ്മ്യൂ​ണി​ക്കേ​ഷ​ൻ​ ​ഗ്യാ​പ്പ് ​ഉ​ണ്ടാ​യി​ട്ടു​ണ്ടെ​ങ്കി​ൽ​ ​സം​സാ​രി​ച്ച് ​തീ​ർ​ക്ക​ണം.​ ​

-കെ.​സി.​വേ​ണു​ഗോ​പാ​ൽ
എ.​ഐ.​സി.​സി​ ​ജ​ന​റ​ൽ​ ​സെ​ക്ര​ട്ട​റി​

നി​ല​മ്പൂ​ർ​ ​ഉ​പ​തി​ര​ഞ്ഞെ​ടു​പ്പി​ൽ​ ​പി.​വി.​ ​അ​ൻ​വ​ർ​ ​യു.​ഡി.​എ​ഫി​ന്റെ​ ​കൂ​ടെ​യു​ണ്ടാ​കു​ം. ​പ്ര​ശ്ന​ങ്ങ​ൾ​ ​എ​ല്ലാം​ ​പ​രി​ഹ​രി​ക്കണം. തി​രു​ത്താ​ൻ​ ​അ​ൻ​വ​റി​ന് ​അ​വ​സ​ര​മു​ണ്ട്.​ ​ആ​ര്യാ​ട​ൻ​ ​ഷൗ​ക്ക​ത്ത് ​യു.​ഡി.​എ​ഫി​ന്റെ​ ​സ്ഥാ​നാ​ർ​ത്ഥി​യാ​ണ്.​ ​ഇ​ങ്ങോ​ട്ട് ​വ​രാ​ൻ​ ​ആ​ഗ്ര​ഹി​ക്കു​ന്നു​ണ്ടെ​ങ്കി​ൽ​ ​സ്ഥാ​നാ​ർ​ത്ഥി​യെ​ ​മോ​ശം​ ​പ​റ​യു​ന്ന​ത് ​ശ​രി​യ​ല്ല.​ ​
അ​ടൂ​ർ​ ​പ്ര​കാ​ശ്
യു.​ഡി.​എ​ഫ് ​ക​ൺ​വീ​ന​ർ​