കുസാറ്റ് ഷിപ്പ് ടെക്നോളജി വകുപ്പിൽ അദ്ധ്യാപക ക്ഷാമം

പ്രശ്നം തുച്ഛമായ ശമ്പളം

കൊച്ചി: കൊച്ചി ശാസ്ത്ര സാങ്കേതിക സർവകലാശാലയുടെ (കുസാറ്റ്) ഷിപ്പ് ടെക്നോളജി വകുപ്പ് അദ്ധ്യാപകരില്ലാതെ പ്രതിസന്ധിയിൽ. നേവൽ ആർക്കി​ടെക്ചർ ബി.ടെക് കോഴ്സുള്ള രാജ്യത്തെ ആറ് സ്ഥാപനങ്ങളിൽ പ്രമുഖവും നാവികസേനയുടെ സഹകരണം ലഭിക്കുന്നതുമായ കേന്ദ്രമാണിത്.

നേവൽ ആർക്കി​ടെക്ചർ ആൻഡ് ഷിപ്പ് ബിൽഡിംഗ് ബി.ടെക് കഴിഞ്ഞിറങ്ങുമ്പോൾ തന്നെ വിദ്യാർത്ഥിക്ക് ലക്ഷങ്ങൾ ശമ്പളമുള്ള ജോലി കിട്ടും. എന്നാൽ, അവരെ പഠിപ്പിക്കുന്ന, എം.ടെക്കും പി.എച്ച്ഡിയുമുള്ള അദ്ധ്യാപകന് അര

ലക്ഷത്തിൽ താഴെ രൂപയാണ് യു.ജി.സി നിരക്കിൽ തുടക്ക ശമ്പളം. ഇതുമൂലം അദ്ധ്യാപകരെ കിട്ടാനില്ല. കുസാറ്റിലും പുറത്തുമുള്ള, വിരമിച്ച അദ്ധ്യാപകരുടെ സഹായത്താൽ എങ്ങനെയും കോഴ്സ് സംരക്ഷിക്കാനുള്ള ശ്രമത്തിലാണ് സർവകലാശാല. വകുപ്പിലെ മുഖ്യവിഷയമായ നേവൽ ആർക്കി​ടെക്ചർ പഠിപ്പിക്കാൻ രണ്ടു പേരേയുള്ളൂ. അതിലൊരാൾ ദീർഘകാല അവധിയിലാണ്. അവശേഷിക്കുന്നയാൾക്ക് വി​ദേശ സർവകലാശാലയി​ൽ അഞ്ചി​രട്ടി​ ശമ്പളത്തി​ൽ ജോലി

​ ലഭി​ച്ചതി​നാൽ ദീർഘകാല ലീവിന് അപേക്ഷിച്ചിട്ടുണ്ട്. 2020ലാണ് അവസാനമായി നേവൽ ആർക്കി​ടെക്ചർ അദ്ധ്യാപക നി​യമനം നടന്നത്. അന്ന് നി​യമി​ച്ച അഞ്ചു പേരി​ൽപ്പെട്ടവരാണ് ഇരുവരും.

1975ൽ 17 അദ്ധ്യാപകരും 15 വിദ്യാർത്ഥികളുമായി തുടങ്ങിയതാണ് കോഴ്സ്. 50 സീറ്റുണ്ട്. ഇതി​ൽ 25 സീറ്റ് നാവി​ക സേനയുടേതാണെങ്കി​ലും വർഷം ഏഴു പേരാണെത്തുക. ഇവരുടെ മേൽനോട്ടത്തി​നായി​ സേന നി​യോഗി​ച്ചിരിക്കുന്ന മൂന്ന് ഓഫീസർമാരും കുസാറ്റി​ലെ പൂർവ വി​ദ്യാർത്ഥി​കളാണ്. ഇവരും അദ്ധ്യാപക വേഷം കെട്ടുന്നതിനാൽ

ക്ളാസുകൾ നടക്കുന്നു.ഇന്ത്യയി​ലെയും വി​ദേശത്തെയും കപ്പൽ ശാലകളി​ലും , ഇന്ത്യൻ നാവി​ക സേനയി​ലും കുസാറ്റി​ലെ നിരവധി പൂർവ്വ വി​ദ്യാർത്ഥി​കളുണ്ട്. നേവൽ ആർക്കി​ടെക്ചറി​ൽ എം.ടെക്കും ഡോക്ടറേറ്റുമുള്ളവർ അസി​. പ്രൊഫസറാകുമ്പോൾ 42,000 രൂപയാണ് തുടക്ക ശമ്പളം. ആനുകൂല്യങ്ങളും അലവൻസുകളും ദീർഘനാളായി​

കുടി​ശി​കയാണ്. സർക്കാർ ഫണ്ട് വൈകി​യാലും മുമ്പ് യൂണി​വേഴ്സി​റ്റി​ നൽകുമായി​രുന്നു. സാമ്പത്തി​ക പ്രതി​സന്ധി​യാൽ അതും മുടങ്ങി..