ട്രോളിംഗ് നിരോധനം ഇന്ന് അർദ്ധരാത്രി മുതൽ............... കോളുതേടി പരമ്പരാഗത മത്സ്യത്തൊഴിലാളികൾ

അ​മ്പ​ല​പ്പു​ഴ : ഇന്ന് അർദ്ധരാത്രി മുതൽ കേരളതീരത്ത് ട്രോളിംഗ് നിരോധനം നിലവിൽ വരാനിരിക്കെ, ഇനിയുള്ള ദിവസങ്ങൾ പ്രതീക്ഷയോടെ കാണുകയാണ് പരമ്പരാഗത മത്സ്യത്തൊഴിലാളികൾ. ജൂ​ലായ് 31വ​രെ 52ദി​വ​സ​ത്തേ​ക്കാ​ണ് ട്രോ​ളിം​ഗ് നി​രോ​ധ​നം. ക​ട​ലി​ന്റെ അ​ടി​ത്ത​ട്ടി​ള​ക്കി​യു​ള്ള ട്രോ​ളിംഗ് ​വല ഉ​പ​യോ​ഗി​ച്ചു​ള്ള മ​ത്സ്യ​ബ​ന്ധ​ന​ത്തി​നാ​ണ് നി​രോ​ധ​നം ഏർപ്പെടുത്തുന്നത്. മത്സ്യബന്ധന ബോട്ടുകൾ കടലിലിറങ്ങാത്ത ഈ ദിവസങ്ങളിൽ ചൂ​ട,താ​ങ്ങ്,നീ​ട്ട്,എ​ച്ച്.എം, വ​ല​യോ​ട്ട,അ​ടി​വ​ല തു​ട​ങ്ങി​യ വ​ല​കൾ ഉപയോഗിച്ചുള്ള പരമ്പരാഗത മത്സ്യബന്ധനമാകും ആശ്വാസമാവുക. തങ്ങൾ പിടികൂടി കൊണ്ടുവരുന്ന മീനിന് നല്ല വില ലഭിക്കുമെന്ന പ്രതീക്ഷയിലുമാണ് പരമ്പരാഗത തൊഴിലാളികൾ. ലെ​യ്ലാൻഡ്, ബീ​ഞ്ച്, ഡി​സ്‌ക്കോ വ​ള്ള​ങ്ങൾ​ക്ക് ട്രോ​ളിംഗ് നിരോധനം ബാ​ധ​ക​മ​ല്ല.

വലകളുടെ അറ്റകുറ്റപ്പണി ഉൾപ്പെടെ നടത്തുന്ന തിരക്കിലായിരുന്നു കഴിഞ്ഞദിവസങ്ങളിൽ തൊഴിലാളികൾ. തൊഴിലാളികൾ ദി​വ​സ​ങ്ങ​ളോ​ളം കൂ​ട്ട​മാ​യി ഇ​രു​ന്നാ​ണ് വ​ല​ക​ളു​ടെ അ​റ്റ​കു​റ്റ​പ്പ​ണി​ പൂർ​ത്തി​യാക്കിയ​ത്. ഈ കാലയളവിൽ ഇൻ​ബോർ​ഡ് വ​ള്ളങ്ങൾക്കും മ​ത്സ്യ​ബ​ന്ധ​നം ന​ടത്താമെങ്കിലും ഒ​രു ക്യാ​രി​യർ വ​ള്ളം മാ​ത്രമേ ഉ​പ​യോ​ഗി​ക്കാൻ അ​നു​മ​തി​യു​ള്ളൂ. ചെ​റി​യ ഒ​രുവ​ള്ളം ക​ട​ലിൽ പോ​യി മ​ത്സ്യ​ബ​ന്ധ​നം ക​ഴി​ഞ്ഞു തി​രി​കെ​യെ​ത്തു​മ്പോൾ 6000 രൂ​പ​യോ​ളം ഇ​ന്ധ​ന ചെ​ല​വ് മാ​ത്രം വ​രും. ലെ​യ്ലാൻഡ് ഇ​ന​ത്തിൽപ്പെ​ട്ട വ​ള്ള​മാ​കു​മ്പോൾ തു​ക ഇ​ര​ട്ടി​യി​ല​ധി​ക​മാ​കും. കഴിഞ്ഞ കുറച്ചുനാളുകളായി കടുത്ത പ്രതിസന്ധിയിലായിരുന്ന പരമ്പരാഗത തൊഴിലാളികൾ നല്ലൊരു ചാകരക്കോള് കിട്ടുമെന്ന പ്രതീക്ഷയിലാണ്.

 മ​ത്സ്യ​ങ്ങ​ളു​ടെ വം​ശ​വർ​ദ്ധ​നവിനായാണ് കേ​ന്ദ്ര​സർ​ക്കാർ ട്രോളിംഗ് നി​രോ​ധനം ഏർ​പ്പെ​ടുത്തിയത്. 1988 മുതലാ​ണ് സർ​ക്കാർ ഈ നി​രോ​ധ​നം ന​ടപ്പാക്കി​യ​ത്

 ചാ​ള, അ​യ​ല തു​ട​ങ്ങി​യവയുടെ പ്ര​ജ​ന​ന​സ​മ​യ​മാ​യ മൺ​സൂൺ കാ​ല​ത്താ​ണ് നി​രോ​ധ​നം. മു​ട്ട​യി​ടാ​റാ​യ മ​ത്സ്യ​ങ്ങൾ തീ​ര​ങ്ങ​ളിൽ ഇക്കാലത്ത് കൂ​ടു​ത​ലാ​യി ഉ​ണ്ടാ​കും

 ഈ സ​മ​യ​ത്ത് ട്രോ​ളിം​ഗ് വ​ല​കൾ ഉ​പ​യോ​ഗി​ച്ചു​ള്ള മ​ത്സ്യ​ബ​ന്ധ​നത്തിൽ മു​ട്ട​യി​ടാ​റാ​യ മ​ത്സ്യ​ങ്ങൾ കൂ​ടു​ത​ലാ​യി കു​ടു​ങ്ങു​ക​യും മ​ത്സ്യ​സ​മ്പ​ത്ത് കു​റ​യു​ക​യും ചെ​യ്യും

 പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളെ ട്രോ​ളിംഗ് നി​രോ​ധ​ന​ത്തിൽ നി​ന്നൊ​ഴി​വാ​ക്കു​ന്ന കേ​ര​ള വർ​ഷ​കാ​ല മ​ത്സ്യ​ബ​ന്ധ​ന സം​ര​ക്ഷ​ണ നി​യ​മം 2007ലാ​ണ് നി​ല​വിൽ വ​ന്ന​ത്

മീൻവില കൂടും

ട്രോളിംഗ് നിരോധന കാലയളവിൽ മത്സ്യലഭ്യത കുറയുന്നതിനാൽ വിലയും വർദ്ധിക്കും

ട്രോളിംഗ് നിരോധന കാലയളവ്

52 ദിവസങ്ങൾ

പ​ഴ​യ​വ​ള​ള​ങ്ങൾ മാ​സ​ങ്ങ​ളോ​ളം ക​ര​ക്ക് ക​യ​റ്റി​വെ​ച്ച് അ​റ്റ​കു​റ്റ​പ്പ​ണി​കൾ ന​ട​ത്തി​യും വ​ല​ക​ളി​ലെ പോ​രാ​യ്മ​കൾ നെ​യ്‌തെ​ടു​ത്തും ചാ​ക​ര​യു​ടെ വ​ര​വും കാ​ത്തി​രി​ക്കു​ക​യാ​ണ്

- മത്സ്യത്തൊഴിലാളികൾ