8 മാസത്തിൽ പിടികൂടിയത് 7000 ലിറ്റർ സ്പിരിറ്റ്  

നർകോട്ടിക് കേസുകളിൽ അറസ്റ്റിലായത് 559 പേർ

കണ്ണൂർ: 2025 നവംബർ 27 മുതൽ 2026 ആഗസ്റ്റ് 5 വരെയുള്ള കാലയളവിൽ ജില്ലയിൽ എക്‌സൈസ് പിടികൂടിയത് 7000 ലിറ്റർ സ്പിരിറ്റും 209 ലിറ്റർ വ്യാജ ചാരായവും 14175 ലിറ്റർ വാഷും. 3412 കോട്പ കേസുകളിലായി 6.81 ലക്ഷം രൂപ പിഴ ഈടാക്കി. ഈ കാലയളവിൽ 8068 റെയ്ഡുകളും 220 സംയുക്ത റെയ്ഡുകളും നടത്തി. 1086 പേരെ അബ്കാരി കേസുകളിൽ പ്രതി ചേർക്കുകയും 949 പേരെ അറസ്റ്റ് ചെയ്യുകയും ചെയ്തു. നർകോട്ടിക് കേസുകളിൽ 570 പേരെ പ്രതി ചേർത്തതിൽ 559 പേർ അറസ്റ്റിലായി. 56 വാഹനങ്ങൾ കണ്ടുകെട്ടി.ഈ കാലയളവിൽ 94.544 കിലോ കഞ്ചാവും 22 കഞ്ചാവ് ചെടികളും പിടികൂടി.

വിമുക്തിയുടെ ബാനറിൽ 386 ലഹരിവിരുദ്ധ ബോധവൽക്കരണ ക്ലാസുകളും വിദ്യാർത്ഥികൾക്കായി നടത്തി.

വ്യാജമദ്യവും അനധികൃത മദ്യക്കടത്തും തടയാനായി രൂപീകരിച്ച ജില്ലാതല ജനകീയ കമ്മിറ്റിയുടെ കളക്ടറേറ്റിൽ ചേർന്ന യോഗത്തിൽ ഡെപ്യൂട്ടി കളക്ടർ ശ്രുതി കെ.വി അദ്ധ്യക്ഷത വഹിച്ചു. ഇരിക്കൂർ ബ്ലോക്ക് പഞ്ചായത്ത് പ്രസിഡന്റ് ടി.കെ സുലേഖ, ഇരിട്ടി ബ്ലോക്ക് പഞ്ചായത്ത് പ്രസിഡന്റ് എം.വി സരള, പേരാവൂർ ബ്ലോക്ക് പഞ്ചായത്ത് പ്രസിഡന്റ് ഇന്ദിര ശ്രീധരൻ, തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റ് ജെസ്സി ഷിജി വട്ടക്കാട്ട്, കതിരൂർ ഗ്രാമപഞ്ചയത്ത് പ്രസിഡന്റ് സുജയ പി.പി, മൊകേരി ഗ്രാമപഞ്ചായത്ത് പ്രസിഡന്റ് കനകം ടി.കെ, പാട്യം ഗ്രാമപഞ്ചായത്ത് പ്രസിഡന്റ് കെ.പി പ്രദീപ് കുമാർ, ന്യൂമാഹി ഗ്രാമപഞ്ചായത്ത് പ്രസിഡന്റ് അർജുൻ പവിത്രൻ, പേരാവൂർ ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്‌സൺ ലിസമ്മ ജോസഫ്, ബ്ലോക്ക് അംഗം ദീപ ഗിരീഷ്, ഡെപ്യൂട്ടി എക്‌സൈസ് കമ്മിഷണർ ശ്രീനിവാസൻ ടി.എം, തൊഴിലാളി സംഘടന പ്രതിനിധികൾ, ഉദ്യോഗസ്ഥർ എന്നിവർ പങ്കെടുത്തു.

പിടികൂടിയ രാസലഹരി

ഹെറോയിൻ 9.3 ഗ്രാം

ബ്രൗൺഷുഗർ 17.57 ഗ്രാം

ഹാഷിഷ് 5.60 ഗ്രാം

ഹാഷിഷ് ഓയിൽ 623 ഗ്രാം

എം.ഡി.എം.എ 83.5 ഗ്രാം

മെത്താംഫെറ്റമിൻ 257.3 ഗ്രാം

എൽ.എസ്.ഡി 0.015 ഗ്രാം

നൈട്രാസെപാം 7.5 ഗ്രാം

1103 പേരെ ഡീ അഡിക്ഷൻ കേന്ദ്രത്തിൽ ഒ.പി വിഭാഗത്തിൽ ചികിത്സിക്കുകയും 56 പേരെ കിടത്തി ചികിത്സിക്കുകയും ചെയ്തു