അദ്ധ്യാപക കൂട്ടായ്മ വാർഷിക സംഗമം

മാഹി: ഗവൺമെന്റ് സ്‌കൂൾ ടീച്ചേഴ്സ് അസോസിയേഷൻ മാഹി ഉപജില്ലാ വാർഷിക ജനറൽ ബോഡി യോഗവും വിരമിച്ച അദ്ധ്യാപകർക്കുള്ള യാത്രയയപ്പ് സമ്മേളനവും അഡ്വക്കറ്റ് ടി. അശോക് കുമാർ എം.എൽ.എ ഉദ്ഘാടനം ചെയ്തു. ജി.എസ്.ടി.എ പ്രസിഡന്റ് പി. യതീന്ദ്രൻ അദ്ധ്യക്ഷത വഹിച്ചു. സെക്രട്ടറി സാജിത ഭാസ്‌കർ വാർഷിക റിപ്പോർട്ടും ട്രഷറർ എം. വിദ്യ വരവുചെലവ് കണക്കും അവതരിപ്പിച്ചു. മാഹി പി.എം.ശ്രീ ഉസ്മാൻ ഗവ. സ്‌കൂൾ പ്രധാനാദ്ധ്യാപകൻ മുരളീധരൻ, മുൻ ട്രഷറർ പി.കെ സതീഷ് കുമാർ എന്നിവർ സംസാരിച്ചു. റിപ്പോർട്ടിന്മേലുള്ള ചർച്ചയും പ്രമേയ അവതരണവും എക്സിക്യൂട്ടീവ് അംഗം സനൽകുമാർ നിർവഹിച്ചു. പുതിയ ഭാരവാഹികളെ മുൻ പ്രസിഡന്റ് ശശികുമാർ പ്രഖ്യാപിച്ചു. ഈ വർഷം വിരമിച്ച അദ്ധ്യാപകരെ ചടങ്ങിൽ ഉപഹാരം നൽകി ആദരിച്ചു. സി.വി നിഷിത കുമാരി നന്ദി പറഞ്ഞു.