സൗജന്യ അസ്ഥി ബലക്ഷയ നിർണ്ണയ ക്യാമ്പ് നടത്തി

ചെറുവത്തൂർ: തിമിരി സഹകരണ ബാങ്കിന് കീഴിലുള്ള തിമിരി സഹകരണ ഹെൽത്ത് കെയർ ക്ളിനിക്ക് ആൻഡ് ലാബിൽ സൗജന്യ അസ്ഥിബലക്ഷയ നിർണ്ണയ ക്യാമ്പ് നടത്തി. 35 വയസിനു മുകളിലുള്ള പുരുഷന്മാരും സ്ത്രീകളും വിട്ടുമാറാത്ത സന്ധിവേദനയും നടുവേദനയുമുള്ളവർ തുടങ്ങി നിരവധി പേർ പരിശോധനയ്ക്കായി ക്യാമ്പിലെത്തി. അസ്ഥി സംബന്ധമായ പ്രയാസങ്ങൾ നേരിടുന്ന നിരവധി പേർക്ക് ക്യാമ്പ് ആശ്വാസമായി. ഡോ. ശ്രീരാഗ് പി. രാജൻ ക്യാമ്പിന് നേതൃത്വം നൽകി. സഹകരണ വകുപ്പ് അസിസ്റ്റന്റ് ഡയറക്ടർ സി. സുനിൽകുമാർ ഉദ്‌ഘാടനം ചെയ്തു. ബാങ്ക് പ്രസിഡന്റ് ടി. ശശിധരൻ അദ്ധ്യക്ഷത വഹിച്ചു. വൈസ് പ്രസിഡന്റ് സി.ടി ശ്രീലത, ബാങ്ക് സെക്രട്ടറി കെ.വി സുരേഷ് കുമാർ, ക്ലിനിക്ക് സബ് കമ്മിറ്റി കൺവീനർ വി.പി ബാലചന്ദ്രൻ സംസാരിച്ചു. പോളി ക്ലിനിക്ക് അഡ്മിൻ ഇൻചാർജ് ശ്രുതി സ്വാഗതം പറഞ്ഞു.