മാനവസൗഹൃദ വേദി കൂട്ടായ്മ

കാഞ്ഞങ്ങാട്: മാനവ സൗഹൃദ വേദി ഹിറ പള്ളിയിൽ സംഘടിപ്പിച്ച കൂട്ടായ്മ മുൻ കണ്ണൂർ വി.സി ഡോ. ഖാദർ മാങ്ങാട് ഉദ്ഘാടനം ചെയ്തു. ഹിറാ മസ്ജിദ് ഖത്തീബ് നാസർ ചെറുകര ഓണം- നബിദിന സന്ദേശങ്ങൾ നൽകി. വേദി ജനറൽ സെക്രട്ടറി ടി. മുഹമ്മദ് അസ്ലം അദ്ധ്യക്ഷനായി. ഡോ. അജയകുമാർ കോടോത്ത്, പുല്ലൂർ സഹകരണ ബാങ്ക് പ്രസിഡന്റ് സി.കെ അരവിന്ദൻ, സിസ്റ്റർ ജയ മംഗലത്ത്, പ്രസ് ഫോറം പ്രസിഡന്റ് ഫസൽ റഹ്മാൻ, അഡ്വക്കറ്റ് ബിജു ഏലിയാസ്, കെ. രാജേന്ദ്രൻ, ഐ.എം.കെ സുഹൈൽ, ഹുസൈൻ പുല്ലടി, പി. അബ്ദുൾ ഗഫൂർ, സുകുമാരൻ ആശീർവാദ് എന്നിവർ സംസാരിച്ചു. വേദി കൺവീനർമാരായ മുഹമ്മദ് കുഞ്ഞി തായിലക്കണ്ടി സ്വാഗതവും ബി.എം മുഹമ്മദ് കുഞ്ഞി നന്ദിയും പറഞ്ഞു. വിവിധ തുറകളിലുള്ളവർ സംഗമത്തിൽ പങ്കാളികളായി.