പുസ്തക പ്രകാശനവും കവിഅരങ്ങും

തൊടിയൂർ: കരുനാഗപ്പള്ളി സി.എസ്.സുബ്രഹ്മണ്യൻ പോറ്റി ലൈബ്രറിയുടെ ആഭിമുഖ്യത്തിൽ പുസ്‌ത പ്രകാശനവും കവിഅരങ്ങും നടത്തി. എഴുത്തുകാരി വി.എസ്.ബിന്ദു സാംസ്കാരിക സമ്മേളനം ഉദ്ഘാടനം ചെയ്തു. അഡ്വ:എൻ.രാജൻപിള്ള അദ്ധ്യക്ഷനായി. താലൂക്ക് ലൈബ്രറി കൗൺസിൽ സെക്രട്ടറി വി.വിജയകുമാർ മുഖ്യ പ്രഭാഷണം നടത്തി. ശ്രീജ ഗോപൻ രചിച്ച 'മറുക് 'എന്ന കവിതാ സമാഹാരം വി.എസ്.ബിന്ദു ഇടക്കുളങ്ങര ഗോപന് നൽകി പ്രകാശനം ചെയ്തു. പി.സുനിൽകുമാർ പുസ്തകം പരിചയപ്പെടുത്തി. പ്രൊഫ. അരുൺകുമാർ, എസ്.ശിവകുമാർ, എ.സജീവ്, രവികുമാർ ചേരിയിൽ, സജീവ് മാമ്പറ, അനിൽ.എസ്.പന്തപ്ലാവിൽ, എൻ.എസ്.അജയകുമാർ, സ്വാമി ദാത്രേയ സായ് സ്വരൂപ് നാഥ്, സജിത.ബി.നായർ എന്നിവർ സംസാരിച്ചു. കവിഅരങ്ങ് തൊടിയൂർ വസന്തകുമാരി ഉദ്ഘാടനം ചെയ്തു. അശ്വതി അജി അദ്ധ്യക്ഷയായി.