കാറുകൾ കൂട്ടിയിടിച്ചു, സംഘർഷം; മൂന്ന് പേർക്ക് പരിക്ക്

ചാത്തന്നൂർ: മൈലക്കാട് കാറുകൾ കൂട്ടിയിടിച്ചതി​നെ തുടർന്നുണ്ടായ സംഘർഷത്തി​ൽ മൂന്ന് പേർക്ക് പരിക്ക്. ചവറ സ്വദേശികളായ മിലിട്ടറി ഉദ്യോഗസ്ഥൻ മനീഷ് (29), അരുൺബാബു, അനന്തകൃഷ്ണൻ എന്നിവർക്കാണ് പരിക്കേറ്റത്.

തി​ങ്കളാഴ്ച രാത്രി പത്തരയോടെ തിരുവനന്തപുരം ഭാഗത്ത് നിന്നു വന്ന, ചവറ സ്വദേശികൾ സഞ്ചരിച്ച കാർ മറ്റൊരു കാറിൽ തട്ടിയതിനെ തുടർന്നുണ്ടായ വാക്ക് തർക്കത്തിനിടെ പ്രദേശവാസികളായ നാല് പേർ സംഭവസ്ഥലത്ത് എത്തിയപ്പോൾ കാർ യാത്രക്കാരുമായി തർക്കമുണ്ടായി​. തുടർന്നാണ് സംഘർഷമുണ്ടായത്. പരിക്കേറ്റവർ കൊട്ടിയത്തെ സ്വകാര്യ ആശുപത്രിയിൽ ചികിത്സ തേടി. തുടർന്ന് ചാത്തന്നൂർ പൊലീസ് സ്ഥലത്തെത്തി പരിക്കേറ്റവരുടെ മൊഴിയുടെ അടിസ്ഥാനത്തിൽ കേസെടുത്ത് മേൽനടപടികൾ സ്വീകരിച്ചു. പ്രദേശത്തെ സി.സി.ടി.വി കേന്ദ്രീകരിച്ച് അന്വേഷണ നടക്കുകയാണെന്ന് പൊലീസ് പറഞ്ഞു.