‘ബാല്യസ്പന്ദനം’ പദ്ധതിക്ക് തുടക്കം

മുക്കം: അങ്കണവാടി കുട്ടികളുടെ സമഗ്ര ആരോഗ്യ സംരക്ഷണം ഉറപ്പാക്കുന്ന ‘ബാല്യസ്പന്ദനം’ പദ്ധതിക്ക് മുക്കം ന​ഗരസഭയിൽ തുടക്കമായി. പദ്ധതിയുടെ ന​ഗരസഭാതല ഉദ്ഘാടനം ചേന്ദമം​ഗല്ലൂർ അങ്കണവാടിയിൽ നഗരസഭ ചെയർപേഴ്സൺ അഡ്വ. കെ.പി. ചാന്ദ്നി നിർവഹിച്ചു. വൈസ് ചെയർപേഴ്സൺ സി.എ. പ്രദീപ് കുമാർ അദ്ധ്യക്ഷത വഹിച്ചു. വിവിധ സ്റ്റാന്റിം​ഗ് കമ്മിറ്റി ചെയർപേഴ്സൺമാരായ അബ്ദുൾ അസീസ് വാർപ്പിൽ, ബിന്ദു കെ.പി, ഭവന വിനോദ്, റാഷിദ് കുന്നത്ത്, മനീഷ ഉള്ളാട്ടിൽ, ന​ഗരസഭാ കൗൺസിലർമാരായ ഷഫീഖ് മാടായി, ബനൂജ, ബബിത മനോജ്, പ്രസന്നകുമാരി, ഷിനി പ്രസംഗിച്ചു. മെഡിക്കൽ ഓഫീസർ ഡോ. രൂപ പദ്ധതി വിശദീകരണം നടത്തി.