ആ​ദ​രവ് സംഘടിപ്പിച്ചു

എടച്ചേരി: എ.കെ.ജി. സ്മാരക വായനശാല ആൻ്റ് ഗ്രന്ഥാലയം ഗ്രാമപഞ്ചായത്തിലെ പതിനഞ്ചാം വാർഡ് പരിധിയിലുള്ള വിരമിച്ച അദ്ധ്യാപകരെ ആദരിച്ചു. ഓൾഡ് ഈസ് ഗോൾഡ് എന്ന പേരിൽ വായനശാലയിൽ സംഘടിപ്പിച്ച പരിപാടി വടകര താലൂക്ക് ലൈബ്രറി കൗൺസിൽ വൈസ് പ്രസിഡൻ്റ് പി.എം നാണു ഉദ്ഘാടനം ചെയ്തു. ടി.കെ. വിമിഷ ചടങ്ങിൽ അദ്ധ്യക്ഷത വഹിച്ചു.

രാധാകൃഷ്ണൻ കാക്കന്നൂർ, കെ.പി. കുമാരൻ, ബഷീർ എടച്ചേരി, കുനിയിൽ മൊയ്തു, ശ്യാമള, കെ.എം. ശാന്ത, കെ.സുശീല, സത്യൻ പറോൽ എന്നിവരെ മൊമന്റോ നൽകി ആദരിച്ചു. നിധിൻ കണ്ടോത്ത്, ജോയിൻ്റ് സെക്രട്ടറി ടി.കെ. ഷിബിൻ, നാണു കണ്ടോത്ത് എന്നിവർ പ്രസംഗിച്ചു.