ജീവൻ രക്ഷാ പരിശീലനം

വടകര: കുഴഞ്ഞു വീണു മരിക്കുന്നുന്നതടക്കം ഉള്ള ദുരന്ത മുഖത്ത് കൈത്താങ്ങാവാൻ സമൂഹത്തിൽ വ്യാപകമായി അടിസ്ഥാന ജീവൻ രക്ഷാ പരിശീലനം നൽകാനുള്ള കർമ പദ്ധതിക്ക് എയ്ഞ്ചൽസ് രൂപം നൽകി. വിദ്യാലയങ്ങളിലും റസിഡൻസ് അസോസിയേഷനിലും ആദ്യഘട്ടം പരിശീലനം നൽകും. ലതീഷ് കുമാർ അദ്ധ്യക്ഷത വഹിച്ചു.പി.പി. രാജൻ, അനിൽ കുമാർ പുതിയേടത്ത്, കെ. അനിൽകുമാർ, എസ്‌. മുഹമ്മദ്‌ അനസ്, ഡോ. കെ.എം. അബ്ദുള്ള, ജോയൽ ആന്റണി, കെ. ചന്ദ്രൻ, കെ. ഹാഷിം, പി.പി. സത്യനാരായണൻ എന്നിവർ പ്രസംഗിച്ചു. പുതുതായി ചുമതലയേറ്റ തഹസിൽദാർ ലതീഷ് കുമാറിന് എയ്ഞ്ചൽസ് സ്വീകരണം നൽകി.