ലോഗോ പ്രകാശനം

തേഞ്ഞിപ്പലം : നീരോൽപ്പലം എ.എം.എൽ.പി സ്‌കൂൾ നൂറാം വാർഷികത്തിന്റെ ഭാഗമായി ഒരു വർഷം നീണ്ടുനിൽക്കുന്ന പരിപാടിയുടെ ലോഗോ പ്രകാശനം ടി.വി. ഇബ്രാഹിം എം.എൽ.എ നിർവഹിച്ചു. സ്വാഗതസംഘം ചെയർമാൻ ടി.പി.എം ബഷീർ അദ്ധ്യക്ഷത വഹിച്ചു. കെ.എൻ. ഷാജഹാൻ മുഖ്യാതിഥിയായിരുന്നു. സ്‌കൂൾ ഹെഡ്ഡ‌മാസ്റ്റർ കെ.എം. ബഷീർ ആമുഖപ്രഭാഷണം നടത്തി. തേഞ്ഞിപ്പലം പഞ്ചായത്ത് മെമ്പർമാരായ സിറാജുദ്ദീൻ,ഷഹാന ജംഷീർ ,നസീമ യൂനുസ്, പി.ടി.എ പ്രസിഡന്റ് മുസ്തഫ ബാബു, ഇ.ശിഹാബുദ്ദീൻ ,കലാം ആലുങ്ങൽ, കെ.യൂനുസ്, കെ.മുഹമ്മദ് , ടി.കെ.സക്കീർ,ഡോ:അസ്‌കർ ഷഫീഖ്, പി.പി. നീലാണ്ടൻ, മുഫീദ തുടങ്ങിയവർ ആശംസകള‌ർപ്പിച്ചു.സ്വാഗതസംഘം കൺവീനർ യു കമ്മുക്കുട്ടിസ്വാഗതവും ടി.കെ.ബദറുദ്ദീൻ നന്ദിയും പറഞ്ഞു.