മോഷണം :മൂന്നുപേർ പിടിയിൽ

പത്തനംതിട്ട : ബ്ലാക്ക്മാൻ ഭീതിപരത്തി മോഷണവും മോഷണശ്രമവും നടത്തിയ സംഘത്തെ പന്തളം പൊലീസ് അറസ്റ്റുചെയ്തു. പന്തളം സ്വദേശികളായ അഭിജിത്ത്(21), പ്രായപൂർത്തിയാകാത്ത രണ്ടുപേർ എന്നിവരാണ് പിടിയിലായത്.
എറണാകുളം, തൃപ്പൂണിത്തുറ, കോട്ടയം , മാവേലിക്കര,നൂറനാട് സ്റ്റേഷനുകളിൽ ഇവർക്കെതിരെ വാഹന മോഷണം ഉൾപ്പെടെ നിരവധി കേസുകളുണ്ട്. അഭിജിത്തിന്റെ പേരിൽ പോക്സോ കേസും നിലവിലുണ്ട്. പിടിയിലായ കൗമാരക്കാർ മൊബൈൽഫോൺ,​ സ്മാർട്ട് വാച്ച് പേർഷ്യൻ പൂച്ചകൾ, ബൈക്ക് എന്നിവ മോഷ്ടിച്ചതിന് ജുവനൈൽ ഹോമിൽ കഴിഞ്ഞിട്ടുണ്ട്. മോഷ്ടിച്ച വാഹനവുമായി ഒളിച്ചിരുന്ന വീട്ടിൽ നിന്നാണ് ഇവരെ പിടികൂടിയത്. കോടതിയിൽ ഹാജരാക്കിയ അഭിജിത്തിനെ റിമാൻഡ് ചെയ്തു. മറ്റുള്ളവരെ ജൂവനൈയിൽ കോടതിയിൽ ഹാജരാക്കി.