ജലവിതരണത്തിന് അനുമതി

റാന്നി : ജലക്ഷാമം രൂക്ഷമായ മേഖലകളിൽ കുടിവെള്ള വിതരണത്തിന് പഞ്ചായത്തിന് അനുമതി നൽകിക്കൊണ്ടുള്ള സർക്കാർ ഉത്തരവായതായി അഡ്വ.പ്രമോദ് നാരായൺ എം എൽ എ അറിയിച്ചു. പഞ്ചായത്തുകൾക്ക് ജലവിതരണം നടത്തുന്നതിന് ഫണ്ട് ചെലവഴിക്കുന്നതിന് സർക്കാരിന്റെ പ്രത്യേക അനുമതി ആവശ്യമുണ്ട്. അതാണ് ഇപ്പോൾ ലഭിച്ചിരിക്കുന്നത്. മാർച്ചിൽ 6 ലക്ഷം രൂപയും ഏപ്രിൽ, മെയ് മാസങ്ങളിൽ 12 ലക്ഷം രൂപ വീതവുമാണ് കുടിവെള്ള വിതരണത്തിനായി പഞ്ചായത്തിന് ചെലവഴിക്കാവുന്നത്. കുടിവെള്ള പദ്ധതികൾ നിലവിലുള്ള പ്രദേശങ്ങളിൽ ജലവിതരണം നടത്തേണ്ടതില്ല. വെള്ളത്തിന്റെ ഗുണനിലവാരം പഞ്ചായത്ത് ഉറപ്പാക്കേണ്ടതാണ്.