മിനിസിവിൽ സ്റ്റേഷൻ - അബാൻ ജംഗ്ഷൻ റോഡ്, മഴപെയ്താൽ മാലിന്യത്തോട്

പത്തനംതിട്ട : നഗരമധ്യത്തിലൂടെ ഒരു മാലിന്യത്തോട്. അതാണ് മഴപെയ്താൽ മിനിസിവിൽ സ്റ്റേഷൻ അബാൻ ജംഗ്ഷൻ റോഡ്.

മണ്ണും ചെളിയും മാത്രമല്ല ചില വ്യാപാര സ്ഥാപനങ്ങളിലെയും ഹോട്ടലുകളിലെയും മാലിന്യങ്ങളും ഇവി​ടെ കാണാനാകും. ഓടയി​ൽ തള്ളുന്ന മാലി​ന്യങ്ങളാണ് മഴവെള്ളത്തി​നൊപ്പം റോഡി​ലാകെ നി​റയുന്നത്. ഓടയിലെ മാലിന്യം സ്ളാബുകൾക്കി​ടയി​ലൂടെ റോഡിലേക്ക് ഒഴികിയെത്തുന്നത് കടുത്ത ദുർഗന്ധത്തിന് കാരണമാണ്. വെള്ളത്തി​ൽ ചവിട്ടുന്നവർക്ക് അസഹ്യമായ ചൊറിച്ചിലും ചുടിച്ചിലും അനുഭവപ്പെടുന്നുണ്ട്. മലിന ജലത്തിൽ ചവി​ട്ടാതെ ഈ ഭാഗത്തെ കടകളിലേക്ക് നടന്നുകയറാനാകി​ല്ല. വെള്ളത്തി​ൽ ചവി​ട്ടാതി​രി​ക്കാൻ വ്യാപാരികൾ റോഡരുകിൽ കല്ലുകളും ചുടുകട്ടകളും നിരത്തിയി​ട്ടിരിക്കുന്നത് അപകടത്തിനും കാരണമാകുന്നുണ്ട്.

ശുചീകരണം നടന്നി​ല്ല

മഴയെത്തുന്നതിന് മുൻപ് മണ്ണും ചെളിയും മാലിന്യവും നീക്കി ഓട ശുചീകരിക്കുന്ന പ്രവർത്തി ഇക്കുറി നടത്തിയിട്ടില്ല. മിനി സിവിൽ സ്റ്റേഷൻ വളപ്പിൽ നിന്ന് റോഡിലേക്ക് അപകടകരമായി ചാഞ്ഞുനിൽക്കുന്ന മരക്കൊമ്പുകളും വെട്ടിമാറ്റിയിട്ടില്ല. സർക്കാർ ഓഫീസുകൾ, വിവിധ കോടതികൾ, സിനിമാ തിയറ്ററുകൾ, വ്യാപാര സ്ഥാപനങ്ങൾ , ടൗൺ സ്ക്വയർ, ദേവസ്വം ബോർഡ് ഓഫീസ്, ക്ഷേത്രങ്ങൾ തുടങ്ങി നിരവധി സ്ഥാപനങ്ങളാണ് ഈ റോഡിന് ഇരുവശങ്ങളിലുമായുള്ളത്.

1. കെ.എസ്.ആർ.ടി.സി, സ്വകാര്യ ബസ് സ്റ്റാൻഡുകളിലേക്കും മിനിസിവിൽ സ്റ്റേഷൻ അബാൻ ജംഗ്ഷൻ എന്നി​വി​ടങ്ങളി​ലേക്കുള്ള എളുപ്പവഴി​.

2. നൂറുകണക്കിന് ആളുകളും വാഹനങ്ങളും നിത്യേന സഞ്ചരിക്കുന്ന പാത.

3.ഓട ശുചീകരിക്കാൻ അധി​കൃതർ അലംഭാവം കാട്ടിയതാണ് റോഡ് മാലിന്യ തോടാകാൻ കാരണം.

പൊതുമരാമത്ത് വകുപ്പാണ് ഒാടകൾ വൃത്തിയാക്കേണ്ടത്. ഓടയിലേക്ക് മലിനജലമൊഴുക്കന്നത് ശ്രദ്ധയിൽപ്പെട്ടിട്ടുണ്ട്. ഇത്തരം പ്രവർത്തികൾ നടത്തരുതെന്ന് നിർദ്ദേശം നൽകി. മാലിന്യമൊഴുക്കുന്നവർക്കെതിരെ കർശന നടപടി​ സ്വീകരിക്കും.

ഫാത്തിമ

വാർഡ് മെമ്പർ

പത്തനംതിട്ട നഗരസഭ.