'ബാക്ക് റ്റു സ്‌കൂൾ' പരിപാടിയുടെ ഉദ്ഘാ​ടനം

തിരുവല്ല : എസ്.സി.എസ് യു പി സ്​കൂളിൽ തിരുവല്ല മാർത്തോമ്മ കോളേജ് ട്രഷറർ തോമസ് കോശി നിർവഹിച്ചു. പാവപ്പെട്ട സ്‌കൂൾ വിദ്യാർത്ഥികൾക്ക് അദ്ധ്യായന വർഷത്തിന്റെ ആരംഭത്തിൽ എൻ.സി.സി കേഡറ്റസ് തങ്ങളുടെ സമ്പാദ്യത്തിൽ നിന്നും ഒരു തുക മാറ്റി വച്ച് പഠനോപകരണങ്ങൾ വിതരണം ചെയ്യുന്ന പദ്ധതിയാണ് 'ബാക്ക് ടൂ സ്‌കൂൾ'. ഈ വർഷം തിരുവല്ല എസ് സി എസ് യു പി സ്​കൂളിൽ 53 വിദ്യാർത്ഥികൾക്ക് പഠനോപകരണങ്ങൾ നല്കി. യോഗത്തിൽ അസോസിയേറ്റ് എൻ.സി.സി ഓഫീസിർ ലെ​ഫ്റ്റനന്റ് റെയ്‌സൺ സാം രാജു അദ്ധ്യക്ഷത വഹിച്ചു. സ്‌കൂൾ ഹെഡ്മിസ്ട്രസ് രേഖ ജോൺ, സീനിയർ അണ്ടർ ഓഫീസർ അജിത്ത് പി. എസ്, അനാമിക ടി.വി, അനീഷ മേരി ജോർജ്ജി എന്നിവർ പ്രസംഗിച്ചു.