ബസ് സർവീസ് മുടങ്ങി​യി​ട്ട് ആറുവർഷം

കോന്നി : കോന്നി - അച്ചൻകോവിൽ കെ.എസ്.ആർ.ടി.സി ഓർഡിനറി സർവീസ് നിറുത്തലാക്കിയിട്ട് ആറു വർഷങ്ങൾ. കോന്നി ഓപ്പറേറ്റിംഗ് സ്റ്റേഷൻ ആരംഭിച്ചപ്പോൾ തുടങ്ങിയ ആദ്യ സർവീസുകളിൽ ഒന്നായിരുന്നു ഇത്. പത്തനംതിട്ടയിൽ നിന്ന് രാവിലെ ഏഴിന് പുറപ്പെട്ട് പുനലൂർ വഴി അച്ചൻകോവിലി​ലേക്കും തിരികെ പുനലൂർ വഴി അച്ചൻകോവിൽ റൂട്ടിൽ സർവീസ് നടത്തി​യശേഷം വൈകിട്ട് കോന്നിയിൽ എത്തുന്ന രീതിയിലായിരുന്നു ഷെഡ്യൂൾ ക്രമീകരിച്ചിരുന്നത്.

കൊവിഡ് കാലത്തിനുശേഷം ഓർഡിനറി സർവീസുകൾ നിറുത്തലാക്കിയതോടെയാണ് അച്ചൻകോവിൽ - കോന്നി സർവീസും നിറുത്തിയത്.

ബസ് സർവീസ് പുനരാരംഭിക്കാൻ നടപടി സ്വീകരിക്കണമെന്ന് മനുഷ്യാവകാശ പ്രവർത്തകൻ സലിൽ വയലത്തല ആവശ്യപ്പെട്ടു.